Новости за 23.12.2017

Кадыров Рамзанан Инстаграм дIакъовларца доьзна, цунна гIортор еш, акци дIахьур ю нохчийн кегийрхоша. И хаам бина "Москоха дуьйцу" радиостанцига нохчийн кегийрхойн юкъараллан лидеро Тапаев Рустама. Цо бахарехь, масех кеп ю цара юьхьараэцна – аккаунташ дIакъовлар цхьабоса я посташ язъяр Кадыровна гIо лоцуш. "Мухха а гIо лоцур ду оха мехкан куьйгалхочун. ЧIогIа новкъадеана масарна а, цуьнан Инстаграмера аккаунт дIаяккхар. Тхох, кегийрхойх а хьакхаделла и", - аьлла Тапаевс. Шоьтан Iуьйранна дуьйна къевлина ю Кадыров Рамзанан Фейсбукера а... Читать дальше...

Махкарчу чоьхьарчу гIуллакхийн министраллан пресс-гIуллакхойн хаамца, шоьтадийнахь кхо стаг а вуьйш, цхьанна чевнаш а еш некъан бохам иккхина кхо машен вовшах а кхетарца. Моздокера-Кизляре боьдучу новкъахь "Камаз", Мерседес, БМВ а машенаш дуьхь-дуьхьал кхетта. Хиллачу чевнех белла Мерседесан а, БМВ-н а долахой а, машенчохь хилла зуда-пассажир а. Дийна йисина цхьаъ дарбан хIусаме кхачийна. Бехк хьенан хилла а хьовсуш, бохам талла болийна.

Малхбалерчу Украинехь герзаш совцош бинчу бертана тIехь терго латточчу Юкъарчу центран белхан юкъаяре кхайкхина Оьрсийчоь Германин канцлера Меркель Ангелас а, Францин президента Макрон Эммануэла а. Кху кIиранах оьрсийн эскархоша дIатеснера и центр, Украинано болх бан лартIехь хьелаш ца кхуллу шайна аьлла. Оьрсийчоьнан президентца Путин Владимирца а, Украинан лидерца Порошенко Петрца тIаьххьарчу деношкахь и тема йийцарейира Меркела. Шоьтадинахь Меркела а, Макрона зорбане даьккхинчу дIахьедарехь... Читать дальше...

"Бахархойн инициатива"  партино официалехь хьалхатеттина 2018-чу шеран Оьрсийчоьнан президентан харжамашкахь дакъалаца журналист Собчак Ксения. Оцу сацамна тIетайна  96 стаг, дуьхьал ву 7. Шоьтадийнахь "Бахархойн инициатива" партина юкъа а йоьдуш, церан съездехь дакъалецира Собчака. Цо иштта  зорбане яьккхина шен харжамийн программа а. "Массарна а дуьхьал" кандидат ю ша боху журналисто. Хаамийн гIирсашкахь президентан Администрацино хьалхатеттина ю Собчак бохуш, яздора, амма ша кандидата Кремлца шен уьйр хилар тIе ца дуьту.

"Ямарт, диверсин кибератака ю Кадыровн аккаунтна йинарг" баьхначу Нохчийчуьрчу зорбан министро Умаров Джамбулата бахархошка шайн позици дIакхайкхае аьлла. "Маршо, дин, култура хийра хетачех шаьш дацахь, вайн баганаш дIакъовла гIертачарна дуьхьал довла кхойкху ас шу. Шайн аккаунтийн агIонаш тIехь ейша протесташ, вешан цхьаалла а, барт хилар а дIагойтуш. Лаьттийла Оьрсийчоь. Лаьттийла Нохчийн республика", - аьлла Умаров Джамбулата. Шоьтан Iуьйранна социалан машанашкара Инстаграм а, Фейсбук а дIаяьккхина ю Кадыров Рамзанан. Читать дальше...

КарадогIучу шарахь Оьрсийчоьнан президентан харжамашкахь дакъалоцучу журналисто Собчак Ксенияс шен харжамашна кечам беш хIоттийна "123 халонийн гIулч" аьлла, цIе а тиллина программа Iораяьккхина. Оьрсийчохь демократин институташ кхоллар, Iалашъяр, Европаца юкъара мехаллаш, низамаш лардар, кхечу пачхьалкхашца бертахь юкъаметтигаш кхоллар, бахархойн социалан хьелаш лакхадахархьама экономика кхиор а, - уггар коьрта тидаме эцначех агIонаш ю Собчака шен программехь. Ницкъаллийн структурийн бакъонашна низамашца дозанаш тохар а хьоьху кандидато. Читать дальше...

Нохчийчоьнан парламентан спикеро Даудов Мохьмада шен Инстаграмера аккаунт дIакъовлу ша аьлла, мехкан куьйгалхочун агIонаш схьаеллалц. "Iамеркан Цхьанатоьхначу Штатийн цIарахчу Дуьненан йилбазо юха а гайтина шен гIоразалла. Оьрсийчоьнан пачхьалкхан интересаш ларъечу Кадыров коьртехь волчу жимачу Нохчийчоьно мел боккха кхерам тесна, мехкан куьйгалхочун Инстаграмерчу агIонна блок тоххал. ХIун эр ду ас? ХIуммаъ, велар доцург, кхи дуьсуш хIуммаъ дац сан. Боккъал а аьлча, доккха дозалла до ас сайн лидерх... Читать дальше...

Нохчийчоьнан Iедалша дIахьедо, мехкан куьйгалхочун Инстаграмера аккаунтна чуволийла дац "диверсин кибератака" цунна ярна, аьлла. Iамерко Кадыровна дуьхьал яьхна санкцеш бахьана долуш  ду и аьлла хета царна. Зорбан министро Умаров Джамбулата РБК агенталле дийцарехь, кибертIелатар дина Кадыровн Инстаграмна. "Кадыров Рамзанан аккаунтна йинарг ямарт, диверсин кибератака ю", - аьлла Умаровс. Цо бахарехь, "кибертIелатарш до аш" бохуш, даим а тхуна бехкаш тIетоьттучара дина хIума ду и. "Кадыров Рамзанан хIора дашо... Читать дальше...

Малхбалерчу Украинехь йолчу конфликтан агIонаша вовшашна бехкаш тIе а тоьттуш дIахьедо, хьалхо  "керлачу шеран" бина барт бохийна хиларх. Шоьтан буса дуьйнна лардан кхачош дара бертан дина маслаIат. Украинан эскархоша чIагIдарца, Оьрсийчоьно гIортор латточу сепаратисташа герз деттар сацош дац. Яхначу буса вийна Донбассехь украинхо-тIемало. Шайх "Донецкан Республика" олучу агIоно Украина бехкейо. ТIаьххьарчу буса церан эскархоша 14 гIаланна а, ярташна а тIе герзаш диттина аьлла. Телефонехула... Читать дальше...

ПIераскан суьйранна социалан машанерчу масех пабликаш тIехь  оппозиционер Навальный Алексей вийна аьлла информаци яьржинера. "Медуза" интернет-гIирсан цIарах баржочу хаамашкахь а чIагIдора, ша вехачу хIусамна хьалха вийна Навальный, бохуш. ТIаьхьо "Медузас" дIакхайкхийра, шайн цIарах йиллинчу аккаунтехь беш бу и хаамаш, шайн интернет-гIирсо даржош дац аьлла. Твиттерерчу шен агIон тIехь Навальный Алексейс хаийтина, ша дийна хиларх. Хууш дац оцу фейкан хаамна тIехьа лаьттарг мила ву.

Оьрсийчоьнан политик, оппозиционер Немцов Борис вийначу меттиге зезагаш дехкина Великобританин арахьарчу гIуллакхийн министро Джонсон Бориса. Москворецкан тIай тIехь  хIоттийначу халкъан мемориална уллехь шен даьккхина сурт твиттере хIоттийна министро, "Бакъонан кхел хила езаш ю" аьлла, буха а яздина. Оьрсийчоьнан арахьарчу гIуллакхийн министрца Лавров Сергейца цхьанакхета Москох веанера Джонсон Борис. Къевлинчу неIаршкахь дIадаьхьна цу шиммо дийцарш. Оьрсийчоьнца юкъаметтигаш таян Iалашо ю шен аьлла... Читать дальше...

Оьрсийчоьнан зIенан, коммуникацийн министралло пачхьалкхан бахархошка шайх лаьцна тIехсов информаци ца яржор доьху социалан машанашкахь. ТАСС агенталле бина и хаам министраллан куьйгалхочун гIовса Волин Алексейс. Пачхьалкхан бахархойн медиахаарш лакхадахархьама рекомендацеш кечйина министралло. "Дайх-нанойх а, берех дерг аьлча, ца оьшу шех лаьцна информаци яржо интернетехь. Зуламхоша, хууш ма хиллара, пайда оьцу зорбане яьккхинчу информацех", - аьлла Волина. Кху беттан 19-чохь Росгвардино а хьехнера... Читать дальше...

Шоьтадийнахь Инстаграмера а, Фейсбукера а мехкан куьйгалхочун Кадыров Рамзанан аккаунташ дIакъевлина карийна. @kadyrov_95 агIонна чу ца вахало, я дIаяьккхина аккаунт я цхьа дуьхьало цигахь ю хууш дац. Иштта хууш дац мехкан куьйгалхочо шен лаамехь дIаяьккхина Инстаграмера агIо я сервисан бахьанаш ду. Билгалдаккха догIу, Кадыров Рамзан жигара вара социалан машанашкахь. Кхо миллион гергга стаг вара цуьнан Инстаграмерчу агIоне язвелла. Цо денна бохург санна керл-керла политикех лаьцна публикацеш зорбане йохура шен пена тIехь... Читать дальше...