Буденновск гIалахь тIелатар динчу Басаев Шемалан тобанехь лаьттина Черхигов Хазваха лаьцна Москох, хаамбо къайлахчу сервисаша. Болчу хаамашца, чоьхьарчу гIуллакхийн министраллаца юкъахь дIаяьхьна хилла иза лоцуш операци. Шен 17 шо долчу заманчохь Буденновске тIелатар дина цо аьллачу, тешийн бух тIехь лоьхуш вара Черхигов. Лаьцначул тIаьхьа Къилбаседа-Кавказан Талламан комитете дIа а вигина, чувоьллина иза. Кхаа йоккхачу машенаш тIехь а, "Жигули" автомобилца а 1995-чу шарахь 160 тIемало Буденновск гIала чуваханера... Читать дальше...
Оршоьтадийнахь шен болх юха а дIаболийна Соьлж-ГIаларчу "Мемориалан" декъан куьйгалхочун дов луьстучу кхело. Карарчу шеран юьххьехь лецира Титиев, наркотикаш лелорна бехке а вина. Наркотикаш полицино кхийсина шен машен чу, чIагIдо Титиевс. 2009-чу шарахь Эстемирова Наташа йийча хIоьттира иза "Мемориалан" декъан коьрте. Европан Парламентан ассамблеян Гавел Вацлаван преми елла цунна кхушеран гурахь. Оцу хиламца Титиев декъалван еъна кхеле бакъоларъярхо Ганнушкина Светлана. Родкевич Зосин видео.
Дуьненаюкъарчу бакъоларъярхойн "Мемориал" центро зорбане даха долийна Оьрсийчоьно антитерроран низамах пайда а оьцуш, нах набахтешка хьийсорах долу масалш. Оцу могIарахь хьалхара араяьллачу артиклехь боху, "террористашца къийсам латточу моттаргIане а ерзийна, халкъанна тIехь репрессеш ен система ю кхиош". "Мемориалан" белхахочо Кастромина Дарьяс дуьйцу, муха хийцаделла кху тIаьххьарчу 16 шарахь бехктакхаман низам, мел нах бу, террорна бехке а беш, жоьпе ийзош, набахтешка хьийсош. " Буьззина,... Читать дальше...
Нохчийчохь адамийн бакъонаш талхорах болу хаамаш талла Европан Кхерамзаллехула а, Юкъарлонашкахула а йолчу Кхеташоно (OSCE) "Москох кхоьллинчу механизмех" вистхуьлуш, Нохчийчоьнан омбудсмено Нухажиев Нурдис регион йиллина ю аьлла дуьненаюкъарчу организацешна. "Амма цхьабакъду - нийсо ца лелийна цара цкъа а шайн жамIашкахь. Цундела тхо хIинца а ца теша уьш объективе хирг хиларх. Шайн цхьа Iалашонаш ю цара хьалхаяьхна кхобуш, "Москох кхоьллина механизм" Оьрсийчоьнан политикехь а, экономикехь а тIеIаткъамбан Iалашонца вовшахтоьхна керла форма ю.
Мел лахара а кхин а кхо шо хан оьшу Къилберчу тIеман гонашкарчу саперашна Нохчийчоьнан а, ГIалгIайчоьнан а латтанаш минех дIацIандан. Хьаннийн, лаьмнийн 6 эзар гергга территори юкъаерзийна минех маьршаяккха. Инженерийн эскарийн хьаькамо Нестеренко Александра бина и хаам. 2012-чу шарахь дуьйнна теллина сапераша шина республикан 20 эзар гергга гектар латтанаш. Царех 17 эзар Нохчийчура, 2 эзар гергга ГIалгIайчуьра, хаамбина REGNUM агенталло. Оцу ворхI шерачохь лаьттах йоьллинчуьра 35 эзар мина а, хIоьънаш а хIаллакдина. Читать дальше...
Советан пачхьалкхехь политикан репрессешца хIаллакбина нах дагалоцучу "ТIаьххьара адрес" проектан декъаяхначу Оьрсийчуьрчу гIалех 48-гIаниг ю ХIинжа-ГIала.
Токтоназарова Нуржан Маршо Радио, гIиргIазойн редакци "Къоман идеологица догIу ислам" кхоллар дийцаредина ГIиргIазойчохь конференцино "Ислам кхузаман паргIатчу пачхьалкхехь" яра Бишкекехь вовшахтоьхначу конференцин цIе. Бийцаребира экстремизмна, радикализмна духьалояран некъаш. Бараман декъашхоша дийхира Iедале махкахула дин арахьара тIебаьхкинчу нахе а ца даржадойтуш, пачхьалкхан идеологица догIу "гIиргIазойн ислам" кхоллар. Читать дальше...
Наркотикаш лелош хилла аьлла, бехкевинчу Соьлжа-ГIаларчу "Мемориалан" куьйгалхочун Титиев Аюбан довхаттар дIахьош ду Шела кIоштан кхелехь. Яхначу кхеташонехь бакъонашларъярхочо дийцира, шена дуьхьал гIуллакх муха долийра. Адвокато Заикин Петра ма дийццара, ша шозза сацорах дийцира Титиевс. ШолгIа дIалоцуш, юха хIоттийна сурт хиллера и. "Мемориалан" пресс-секретаро Орлова Юлияс бахарехь, Титиевс дийцина хилла, ша дIалаьцначу шолгIачу дийнахь скотчца дIа а вихкина, шена тIехь ницкъбан Iалашо церан хиларх. Читать дальше...
Росгвардин эскархо вийна аьлла, шеконашка эцна спортхо Якубов Хаскил лоьхуш ву Дагестанан полисхоша. "Лаьмнашкахь, я лулуарчу республикехь лечкъина хир ву иза. Иза къайлавоккхур волуш дукха бу Якубовн бевза-безарш. Ишта толлуш ду, цуьнан ваша Мохьмад юкъара хиллий а", - хаамбина "Керланаш" агенталле ницкъаллийн структурашкарчу хьостано. Полисхойн информацица, ХIинжа-ГIаларчу цхьана клубе шен накъосташца самукъадаккха веана хилла Росгвардин белхахо Рамазанов Мурад. Оццу клубана хьалха юкъаметтигаш... Читать дальше...
Кадыров Рамзанах шайн "Vampire: The Masquerade" ловзаршкахь вампирийн Султан винчу компанино гечдар дехча а тоаме дац Нохчийчоьнан Iедалхошна, цаьргара компенсацига сатуьйсуш бу уьш. Москох хиллачу пресс-конференцехь зорбан министро Умаров Джамбулата къадийна, ловзар арахецначу The White Wolf студино ладам боллуш компенсаци лахь, дов шаьш дуьжуьйтур ду аьлла. Ца хуьлчу далахь шаьш кхеле озор хилар билгал а доккхуш. Карладоккху, дахначу шоьтадийнахь компанин официалан сайтехь дIахьедар дира, ловзарш арахецна студи шаьш дIайоккхур ю аьлла. Читать дальше...
"Исламан пачхьалкх" шех олучу тобанца уьйрашкахь хилла Соьлжа-ГIалахь эккхийтар дина зуда-Iожалхо аьлла, дIахьедина махкарчу зорбан министро Умаров Джамбулата. Маршо Радионо яздира, дахначу шоьтадийнахь Старопромыслан кIоштарчу некъан полисхойн декъана герггахь ша шен эккхийтар дарх жимчу зудчо. Велла, лазийна стаг а вац я полисхошлахь а, я маьршачу бахархошлахь а. Iожалхочун цIе билгалъяьккхира Нохчийчуьрчу чоьхьарчу гIуллакхийн министралло цуьнгахь хиллачу кехаташца. 25 шо долу Адыгейра яхархо Спиридонова Карина хиллера иза. Читать дальше...
ГIалгIайчуьрчу Карабулак гIалина гена доццучохь мохк бегийна аьлла, хаамбина республикан орцан министарлло. 4,3 магнитуда (ницкъан гайтам) йолуш бегийна мохк. Меттигерчу бахархошлахь велла, лазийна стаг вац, ГIалгIайчуьрчу орцан министраллан сайтехь болчу хаамашца.