Оьрсийчуьра "Царицыно" жижиган комбинато Нохчийчу кхачочу хьалялан продукцица хьакхан жижиг хааделла ("Кавказ.Реалии" портале кхаьчна йинчу экспертизан копи). Хьакхан ДНК таллам бича "Кавказская особая" цIе йолчу йоьхьашца хьакхан жижиг карийна Ростовн Россельхознадзоран белхахошна. Дахначу шарахь Нохчийчуьрчу Динан урхалло баа бихкинчу кхачан тептар Iорадаьккхинера шен сайтехь. Тептаре даьхнера "Царицыно" арахоьцу "хьалялан" йоьхьаш а. Дуьххьара дац жижиг кечден "Царицыно" комбинат юьйцу,... Читать дальше...
Маршо Радион Нохчийчуьра корреспондент Дадаев Асланбек Гуьржийчу ца витина. Шайн пачхьалкхехь иза ца оьшуш хиларх кехат цуьнан караделла дозанхоша. ХIун бахьанашца чу ца вуьту ша тIекхиа гIертарх а, жоп доцуш виссина иза. Ша бечу журналистан балхаца доьзна лору Дадаевс хилларг. Дозанхойн сацамна латкъамбан дагахь ву иза гергарчу хенахь. Журналисто бахарехь, цуьнан ситуацина тIе тидам бахийтина хIинцале а "Доза доцу репортераш" организацино а.
Оьрсийчоьнан ММА-н ийначу кепехь латархочо Емельяненко Александра "Ахмат" клубаца контракт дах ца дина. Шен Инстаграмерчу агIон тIехь бина и хаам спортхочо. "Лараме доттагIий, "Ахмат" клубаца бинчу бертан хан кхаьчна. Клубан куьйгаллаца цхьа барт хилла тхан, кхи дIа контракт дах ца дан. Латаршца спорт кхиош, цхьа гIуллакх дийр ду оха", - дIахьедина Емельяненкос. Стохка Чиллан-баттахь дуьйнна вара латархо "Ахмат" клубан декъахь. Спортехь волчу заманчохь Емельяненкос 27 толам баьккхина, 7 эшна иза. Читать дальше...
Таджикистанан Къилбаседанерчу Худжанд гIаларчу набахтехь кхаарин буса иккхинчу бунтехь мел лахара а 20 тутмакх а, ши хадархо а вийна. France Presse агенталло Iораяьккхина и информаци. "Керланаш" хьостано хьалхо бинчу хаамца, 13 тутмакх вара вийнарг. Дийцарехь, тутмакхах цхьаммо хадархочуьнгара схьа а яьккхина тапча кхийсина хилла. Маршо Радион таджикийн сервисан хаамца, милцойн спецназ кхаьчна хилла набахте. Дуьйлу герзаш хезаш хилла колонин дозан тIехь. Амма Худжандерчу набахтешна тIехь урхалла латточара инофрмаци бакъ ца йина. Читать дальше...
Лос-Анджелесан йистерчу барехь герзаш диттина мел лаххара а 11 стаг лазийна, шайлахь шерифан гIоьнча а волуш аьлла, яздо Los Angeles Times гIирсо полицин декъарчу шайн хьостан хаамца. Москохарчу хенаца Iуйранна герзаш диттина Таузанд-Окс гIаларчу Borderline Bar & Grill цIе йолчу барехь. Los Angeles Times хьосте полисхочо дийцарехь, 30-зза герз дассийна хилла зуламхочо бар чохь. Ишта, кIур хоьцу гранаташ кхуьйсуш хилла цо барехь. Баран сайтерчу информацица, кхаарийн буьйсанашкахь колледжашкарчу... Читать дальше...
Машенлелорхочуьнгара 250 эзар сом даккха гIоьртинчу полисхочунна дуьхьал даьккхина гIуллакх кхеле дIакхачийна, хаамбо талламчаша. Стохка Iай меттигерчу шина вахархочуьнца барт а бина, Mitsubishi Outlander машен а сацийна, бакъо йоцуш цунах хьаьжна хилла иза, талламчаша даредарца. Оцу юкъанна дихкина молханаш карийнера цуьнан машенчохь. Полисхочун декъахочуьнгара эцна хилла цо и молханаш. 500 эзар сом дехна полисхочо шофере, кхерамаш а туьйсуш. Цул тIаьхьа цуьнгара машенан кехаташ схьа а даьхна... Читать дальше...
Мисарахь вайначу ГIалгIайчуьрчу пхеа студентах хаам бац, я уьш болу меттиг юьйцуш а яц аьлла, хаамбина "Кавказан узел" агенталле цхьахволчун йишас. Мисарахь доьшуш хиллачу Плиев Рамзанца зIе хаьдда Марсхьокху-беттан 14-чохь дуьйна. "Сан ваша Плиев Рамзан а, ишта цуьнца цхьана доьшуш болу ГIалгIайчуьра Дзайтов Iела а, Чемурзиев Ислам а, Аушев Илес а, Дугиев Хизир а Мисарахь бехаш бара, деша а доьшуш. Марсхьокху-беттан 14-чу дийнахь чу а лилхина, дIабигина уьш. Оха орца ца доьхуш меттиг биссина а бац, амма тхо цхьаммо а тергал ца до. Читать дальше...
Iамеркан президентан Трамп Доналдан пресс-конференцехь бакъхьа доцу къамелаш дарна CNN телеканалан журналист Акоста Джим аккредитацех ваьккхина КIайчу цIийно кхааридийнахь. Кхечу журналисташка дош ца кхачош, КIайчу цIийнан белхахочо микрофон схьаехча, дуьхьалонаш а еш, новкъарлонаш лелийна Акостас аьлла ду Трампан пресс-секретаран Сандерс Сарин дIахьедар. Пресс-конференцерчу видео тIехь гуш ду, CNN-н репортеро микрофон къуьйсуш КIайчу цIийнан белхахочуьнца. Акостас Трампе цхьа могIа ира хеттарш дарца иккхира инцидент. Читать дальше...
Нохчийчохь кхелан пурстоьпаша рейдаш йолийна, пачхьалкхана декхар болчийн кетIа а хIуьттуш. Цара схьагулдийр ду некъан низамаш дохорца а, коммуналан а, кредитийн а, алиментийн а хьаштех тIехьерчийна декхарш. Карара бутт баллалц ахчанаш гулдан Iалашо ю церан. Цуьнца доьзна республикерчу кхелан пурстоьпийн урхалло хьем ца беш, декхар охьадиллар тIедиллина бахархошна, чуьра бахамна конфискаци йир ю бохуш, кхерамаш а туьйсуш. Пачхьалкхан белхахоша тIаьхь декхар дац аьлла, кехат-тоьшаллаш ца кхачадахь... Читать дальше...
Стохка гурахь дуьйна кху хене кхаччалц Оьрсийчоьнан бахархошлахь лакхаяьлла протестийн жигаралла. Кху шарахь 2526 протестан акци хIоттийна Оьрсийчохь. 2017-чу шарахь 1479 митинг хилира, яздо РБК агентало экономикан а, политикан а реформийн Центран (ЦЭПР) жамIашна тIе а тевжина. Ах бохург санна (46, 5%) дIаяьхьна акцеш пенсин воьду хан тIетохарна дуьхьал хIиттийра. Кху шарахь уггар а дукха протесташ Петарбухахь вовшахтоьхна. Цунна тIаьхьа ю Ростовн, Краснодарскан, Саратовн, Москохан, Свердловскан... Читать дальше...