Новости за 15.01.2019

20-зза бохург санна лахъелла йогIу Оьрсийчохь террорхойн жигаралла тIаьхьарчу пхеа шерачохь аьлла, дIахьедина пачхьалкхан Кхерамзаллан Кхеташонан (СБ) урхалхочо Патрушев Николайс. "Терроран жигаралла 20-зза аьлча санна лахъелла Оьрсийчохь. Дахначу шарахь 9 терроран зулам дина пачхьалкхехь, 1 теракт а хилла", - аьлла "Российская газета" хьосте Патрушевс. Терроран кхерам байбаларан бахьана лору Патрушевс, къайлахчу сервисаша а, ницкъаллийн структураша а самонца болх беш хиларца. Церан кадехиларца... Читать дальше...

Магнитогорскехь зен хиллачарна стенна ца оьшу Кадыров Ахьмадан фондера ахча схьаэца?

Нохчийчоьнан Грозненск кIоштахь дуьхь-дуьхьал кхеттачу машенашкара виъ стаг лазийна: машенлелорхо а, цуьнца хилла кхо пассажир а. Кеп-кепарчу чевнашца дарбан хIусаме кхачийна уьш. Оршотан буьйса юкъал тIехъяьллачу заманчохь хилла ю и инцидент Гикало эвлахь. Porsche Cayenne а, Лада Priora а ю вовшахкхеттарг. Лада Priora олучу автомобилан шофер а, цуьнца хилла нах а бу лоьмар 9 йолчу Соьлжа-ГIаларчу лазартне балийнарш. "Кавказский узел" агенталле некъан полисхойн декъерчу хьостано дийцарехь, лазийначех цхьаъ чолхечу хьолехь ву.

Оьрсийчоьнан президентан пресс-секретаро Песков Дмитрийна хетарехь, социалан машанашкахь дукха хан йоккхучарна кхерам лаьтта. "Аргументы и факты" газетана еллачу интервьюхь дина цо и дIахьедар. "Шен дахарехь дукхахйолу хан социалан машанашкахь йоккхучу нахана кхерам лаьтта. Iамеркан Цхьанатоьхначу Штаташкахь шайн президентан харжамашна юкъагIортархьама кхоьллина хилла аьлла, маса оьрсийн аккаунташна зенаш хилла?! Со тешна ву, царлахь дуккхахболчарна оцу харжамех хууш хилла а хир дац аьлла. Делахь а дIакъевлира уьш"... Читать дальше...

Оьрсийчохь пачхьалкхера араволучуьнгара ял йоккхуш низам юкъадаккха гIерта. Цу кепара инициатива кховдийна экс-сенатор лаьттинчу Джабраилов Iумара кхоьллинчу "Аванти" цIе йолчу, бизнес-туримз кхиоран ассоциацино. Пачхьалкхан Думан спикере Володин Вячеславе а, Федерацин кхеташонан куьйгалхочуьнга Матвиенко Валентине а, ишта Оьрсийчоьнан туризман хьаькаме Сафонов Олеге а кхайкхамбина бизнесхоша. "Прайм" агенталло яздарехь, документ тIехь хьехош ду, Оьрсийчоьнан бахархошна а, кхечу пачхьалкхашкарчу... Читать дальше...

ГIалгIайчуьрчу Сунжа-кIоштахь машенна тIе герзаш деттачу хенахь лазийна полисхо Нохчийчуьрчу медико-санитаран батальоне охьавиллина дарба дан. "Интерфакс-Юг" агенталле бина и хаам шинаридийнахь республикерчу чоьхьарчу гIуллакхийн министралло. "Полицин лахарчу лейтенантан Хамхоев Адаман могушалла цхьатеррачу тIегIанехь ю. Лоьраша тIечIагIдарехь, дIасавуьгучу хьолехь а ву иза. Несарарчу дарбан цIийнера Нохчийчуьрчу Ханкалахь куп тоьхначу медико-санитаран батальоне валийна иза кхачо йоллу дарба дан", - аьлла, дийцина агенталлан хьостано. Читать дальше...

Саидов Тимур Нохчийчоьнанний, ГIалгIайчоьнанний дозанаш далхочу Магасерчу жигархоша къовсаме йиллина регион, иза нохчийн хиларе терра, сихха битаме ялор ю ша, аьлла Соьлжа-ГIаларчу куьйгалло. Бовдаьллачу шина къоман дозанаш къастош, 1926-чу шарахь Нохчийн мехкан дола язйина гойту документаша Галайн-ЧIожара ярташ. Сталина нохчий махкахбохучу 1944 шарахь иттех эзар стаг ваьхна цигахь. 12 юьртан кхеташо (сельсовет) хилла оцу 140 гергга кIотарх лаьттачу кIоштахь. Дуккха а тукхамийн, тайпанийн векалша дечу тоьшаллица а догIуш... Читать дальше...

Титиев Аюбна бехкаш дохкучу тешийн мукIарло харцден материалаш гIуллакхна юкъаяхийта дуьхьало йина кхело. Процессан шина а агIонна цхьатерра хьелаш латтош цахилар билгалдаьккхина Титиевн адвокаташа. Баъонашларъярхочо дIахьедина, и материалаш вовшахтоха декхаре прокуратура яра аьлла. Маршо Радионо ма-яздарра, Титиев Аюбан гIуллакх толлуш ду Товбеца-беттан 19-чохь дуьйна Шеларчу кхелехь. Чоьхьарчу гIуллакхийн министраллан сайтехь а, Инстаграмерчу масех аккаунташкахь а таллам бинчул тIаьхьа, хIоттийна... Читать дальше...

"Оьрсийчоьнан аьтто бан со цкъа а ца гIиртина"- аьлла, жоп делла президенто Трампа, Iамеркан Цхьанатоьхначу Штаташа тидам тIебахийтинчу пачхьалкхехь шуьйра девзачу газеташа Iораяьккхинчу шина публикацех вистхуьлуш. The New York Times газетано пIераскандийнахь хааме даьккхина, президенто ФБР-н куьйгалхо Коми Джеймс даржах ваьккхинчул тIаьхьа, цунна гонах талламаш болийна аьлла. Журналисташца къамел деш, Трампа и нах "сийдоцуш бу" аьлла. Шоьтадийнахь The Washington Post газетано Iорадаьккхира, 2017-чу... Читать дальше...

Лахьан - баттахь Iаьржачу хIордан тIехь оьрсийн дозанхоша дIалецна Украинан хIордахой кхи дIа а чохь буьтуш сацамбан гIерта Москохара Лефортовн кхел шинаридийнахь. Охан-беттан 26-чу дийне кхаччалц украинхойн кеманийн экипажаш лецна битар доьху талламчаша. Кхелан кхеташонехь хила дагахь хиллера Лакхарчу Радан цIарах адамийн бакъонаш ларъян векал йина Денисова Людмила а, лецначийн гергарнаш а. Амма Оьрсийчоьнан къайлахчу сервисаша ладегIарш къевлинчу неIаршкахь дIадахьар дехна. Зуламан-процессуалан... Читать дальше...

Экстремизмна дуьхьало латточу Центран куьйгалхочун Эльджаркиев ИбрехIиман машенна Сунжа кIоштахь динчу тIелатарехь чевнаш йина ишта Наьсар-Кортарчу администрацин хиллачу куьйгалхочун кIантана Кодзоев Мурадна а. Дарбан цIийнехь ву иза карарчу хенахь. Маршо Радионо яздира, дахначу шоьтадийнахь ГIалгIайчохь Эльджаркиевн машенна тIе герзаш деттарх.Чоьхьарчу гIуллакхийн министраллан хаамашца, машенчохь цуьнца цхьана хилла виъ полисхо а, 27 шо долу Несарара вахархо а. Республикерчу дарбан цIийнехь дIахьедира... Читать дальше...

КъахIиран исламан университетехь доьшу ГIалгIайчуьра студенташ болу меттиг толлуш ю, уьш дIалецна хилар бакъдина Мисаран векало аьлла, хаамбина Евкуров Юнус-Бека. "Маршо Радионо" яздира шен агIонашкахь, яхначу аьхка дуьйна Мисарахь доьшучу шайн берех цхьана а кепара информаци йоцуш бисарх церан гергарнаш. Цара чIагIдарца, ГIалгIайчуьра пхи вахархо ву Iедалхоша лаьцна, къайлаваьккхина. Бетонан цIенкъахь, буха таса гоьнаш а йоцуш, буззалц юург а ца луш латтош бу уьш аьллера кегийрхойн нанаоша. Венехь а... Читать дальше...

Оьрсийчуьрчу финансийн университето жамIаш дина шаьш дахначу шарахь пачхьалкхерчу гIаланашкарчу бахархойн дог-ойла теллинчул тIаьхьа. 250 эзар вахархо шена чохь волчу оьрсийн 78 гIалахь дIабаьхьнера социологаша таллам, церан Iер-дахаран хьелаш зуьйш. Мах хадийнера ишта бахархойн кханалерачу дийнах болчу тешаман а, шаьш къахьоьгучу белхан меттиган кханенах мел бIо булу а къастош. Дийнна 2018-чу шарахь дина университетан белхахоша шайн зераш. ХIора гIалин, мел лахара а 1000 респондентах дага а буьйлуш. Читать дальше...