Новости за 31.01.2019

Оьрсийчоьнан ФСБ-н дехарца гIалгIа Тумгоев Тимур дIавалар талла Украинан Инарла прокуратурано комисси кхоьллина. Инарла прокуратуран пресс-секретаро Лысенко Андрейс тIечIагIдина, комисси вовшахтохар, амма шуьйрра комментари официалан дехарца бен лур яц аьлла. Оцу юкъанна, экстрадици еш кехатна куьгъяздина Украинан прокуроран гIовс Енин Евгений шен декхарш кхочушдеш висина хIинца а. Жигархоша оцу комисси юкъахь ву аьллачу ГIирмерчу гIезалойн Меджлисан куьйгалхочунна, Лакхарчу Радан депутатна Чубаров Рефатна хууш хIуммаъ дац цу комиссех. Читать дальше...

Гуьржийчоьнна 10 миллион евро дIадалар тIедожийна Страсбургерчу адамийн бакъонийн кхело (ЕСПЧ) Оьрсийчоьнна. 2006-чу шарахь Оьрсийчоьно депортаци йинчу бахархошна дIасадала деза и ахча гуьржийн Iедалхойн. Мел лахара а 1, 5 эзар стагна юкъахь декъа дезаш ду и билгалдаьккхина ахча. Шина эзарна тIера 15 эзаре кхаччалц кхочу царна. Европан конвенцин кхо артикл йохийна Оьрсийчоьно аьлла Страсбургерчу кхело: "юкъара депортаци яр", "бакъо йоцуш маршонех хьегор", "адамаш чохь латто магош доцчу, ледарчу хьелашкахь лаьцна латтор". Читать дальше...

Минаш ю ехкина бохуш, телефонехула а, электронан адресаш тIе а кхоьхьуьйту анониман хаамаш бахьана долуш, Петарбухахь иттанашкахь гIишлошчуьра арабаьхна нах еаридийнахь. "Фонтанка" гIирсо яздарца, гIаличуьрчу дешаран комитетехь а, ишта масех йохка-эцаран а, бизнес -центрашкарчу нахана а йина эвакуаци. Нах арабохучу заманчохь даьхна суьрташ а, видеош а яржийна социалан машанашкахь. 47.ру сайто хаамбарца, электронан почтехула кхаьчна анониман кехат бахьана долуш, "Кудрово" олучу дешаран Центрера нах а кIелхьарбехира. Читать дальше...

Вайначу Нохчийчуьрчу вахархочун Юсупов Бекханан хьокъехь Соьлжа-гIала веана Нижегородскера адвокат Караваев Александр лаца гIоьртина меттигера полисхой, яздо "Новая газетано". Францехь тховкIело елла Юсупов байначу баттахь даймахка веача лаьцна хиллера полисхоша. Гейш бу аьлла, махкарчу чоьхьарчу гIуллакхийн белхахоша шеконашца лецначу меттигерчу наха хаийтинера иза лацарх. Цхьаболчеран аьтто хиллера набахтера арабовла, цара информаци яржийра, шайца лецна хиллачех. Еаридийнахь Соьлжа-гIала кхаьчна адвокат Караваев полисхойн декъе ваханера. Читать дальше...

Гаглоев Алан 2010-чу шарахь Черкесскехь вийначу Шебзуховн а, Жуковн а гергарнаш реза бу сенатор Арашуков лацарна   "Адыгэ-Хасэ" куьйгалхочун гIовс Жуков Аслан а, Кхарачой-Чергазийчоьнан министрийн кабинетан куьйгалле ваха кандидат ваьлла хилла Шебзухов Фраль а верца йоьзначу шеконашца Москох, шен белхан меттехь, лаьцна  32 шо долу депутат Арашуков Рауф. Ламеш тIехула хьалаведдера… Гиначара дийцина РБК-на Арашуков муха лецира. Пачхьалкхан думин Федерацин Кхеташонера арабаьхна журналисташ... Читать дальше...

Оьрсийчоьнан Кхарачойн-Чергазийчоьнан цIарах сенатор волу Арашуков Рауф Iаьрбийн Цхьанатоьхначу Эмиратийн вахархо хилар гучудаьлла талламхошна. ТАСС агенталло бина цунах хаам Талламан комитетерчу хьостанна тIе а тевжаш. Оьрсийн низамашца Федерацин Кхеташонан декъахь хила бакъо яц, нагахь кхечу пачхьалкхан вахархочун паспорт эцнехь. Сенаторан хIусамера дIаяьхьна дешин гIорзанаш, коллекцин герз а, валюта а, гойту "360" телеканало яьккхинчу видео тIехь. Ролик тIехь гуш ду кеп-кепара дешин варкъ диллина ботт йолу раритетан тарраш... Читать дальше...

Хьарамлонаш лелийна аьлла, шеконашца полицин полковник Шадиев Саварбек лацарх хаамбина ГIалгIайчоьнан чоьхьарчу гIуллакхийн министралло кхааридийнахь. "Кавказский узел" агенталло яздира, чоьхьарчу гIуллакхийн министраллан (МВД) штабан куьйгалхо Шадиев Саварбек белхан хIусамашца курхаллаш лелийна аьлла лацарх. "Регионерчу МВД-н штабан хьаькам Шадиев Саварбек дIалаьцна, хьарамлонаш лелош хилла аьлла, шеконашца. Бан болийна оцу гIуллакхна гонах талламаш", - яздира ТАСС агенталло а. Нагахь бехк тIечIагIбахь... Читать дальше...

Оьрсийчохь адамийн бакъонаш Iалашъян векал йина Москалькова Татьяна официалехь кехат кечдеш ю Мисара дахьийта. КъахIирехь яхначу аьхка дуьйнна лецна латточу пхеа студентах жоп деха лаам бу цуьнан. Шен кехат пачхьалкхан куьйгалле а, ишта адамийн бакъонашкахула йолчу комиссига а дIакхачо Iалашо ю омбудсменан, яздо "Известия" газетано. Стохка дуьйна лецначу студентех цхьана а кепара кост кхаьчна дац церан гергарчаьрга.

Нохчийн блогерна Абдурахманов Тумсона тховкIело ялар дехна Оьрсийчуьрчу Human Rights Watch офисо Полшин чоьхьарчу гIуллакхийн министре. Нохчийчохь адамийн бакъонаш лоруш цахиларна Полшин Iедалхойн тидам тIе а бохуьйтуш, бакъонашларъяран организацино билгалдаьккхина, Абдурхамановна депортаци яхь, Нохчийчохь иза хIаллаквийр ву аьлла. Human Rights Watch организацино масална дийцина, Соьлжа-ГIаларчу университетан хьехархо Ежиев Хизиран кхолламах. 2015-чу шарахь полисхоша дIавигинчул тIаьхьа вийна карийра иза. Читать дальше...

Кхарачойн-Чергазийчоьнан цIарах Федерацин Кхеташонан декъахо волу Арашуков Рауф Зазадоккхучу-беттан 30-чу дийне кхаччалц лаьцна вуьтуш, сацамбина Басманан кхело. Къевлинчу неIаршкахь дIаяьхьна кхелахоша шайн кхеташо. Бехк тIелаца бохуш, кхерамаш тийсира Арашуковна кхелахойн кхеташо йолаялале хьалха аьлла, дIахьедина цуьнан адвокато. Федерацин Кхеташонан декъахо бехкево ши стаг верна а, зуламан тоба вовшахтохарна а, тешашна Iаткъамбарна а. Арашуковс бехкаш тIе ца лоцу. 10 миллион сом закъалтна а диллина... Читать дальше...