Новости за 11.03.2019

Блогеро Абдурахманов Тумсос дуьйцу шена "Лордо" чIир кхайкхорах а, ша Кадыровс сийсазварх а лаьцна Вевзаш волчу блогеро Абдурахманов Тумсос хьалхо онлайн-дебаташкахь эшийначу Нохчийчоьнан парламентан спикеро Даудов Мохьмада ("Лорд") кхерамаш туьйсу шен оппонентна. Шоьтан сарахь Инстаграмехула цо дIахьедира, Польшехь къайлаваьлла веха Абдурахманов хIинцачул тIаьхьа шех кхера веза, ша вуьжучу заманахь цо терго ян еза, къевлина ю я яц шен неI, аьлла. "Ас а, сан вежарша а чIир кхайкхайо хьоьга, нах теш а болуш"... Читать дальше...

Ямало-Ненцойн автономан гонехь Ямалан кIоштахь вийна 40 шо долу сешлелорхо Нохчийчохь тIом бина Хоротетто Николай, яздо "ЦIен Къилбаседа" газето. Цуьнан дакъа карийна Сабетта эвлана 120 километр генахь. Полисхоша таллам бича гучудаьлларг ду Хоротетто тундре вахана хилар. Цуьнан дакъа карийна дIакъевлинчу буру тоьхначу меттигана уллехь моторан салазна тIехь. Сешлелорхо вийна хиларан тоьшаллаш ду юьхь цIех юьзна а, йохийна а хилар а, дегIа тIехь чевнаш хилар а. Болчу хаамца, лерринчу суьдан-медицинан... Читать дальше...

Нохчийчоьнан парламентан гIандаc Даудов Мохьмада блогерна Абдурахманов Тумсона, чIир а хьехош, кхерамаш тийсарна реза бац Нохчийчуьра бахархой, хаам бо "Кавказский узело". YouTube-хь ша арахецначу видеоан тIехь Даудовс кху беттан 9-чу дийнахь дIахьедар дира, Абдурахманов шен мостагI ву аьлла, цо Кадыров Ахьмад-Хьаьжа емал веш аьлларг бахьана долуш. Амма цо билгалдаьккхира, ша дуьйцург, Абдурахманов вуьйр ву бохуш, кхерамаш тийсар дац аьлла. Нохчийчуьрчу бахархошна хетарехь, Даудовс Абдурахмановга чIир хьехор догIуш дац нохчийн ламасташца. Читать дальше...

Шемара Багуз гIалара уьдуш бу нах. "Шемин демократин ницкъаша" операци йолийна цигахь: "ДАIИШ-ах бисинчу тIемалойн тIаьххьара гIала" олу цунах кху муьрехь.

ГIалгIайчуьрчу вахархочун Хашагульгов Якъубана хан тоха сацам бина Къилбаседа Кавказерчу тIеман гонан суьдо. Иза бехке вина ГIалгIайчоьнан а, Къилбаседа ХIирийчоьнан а лаккхарчу кхелан суьдхой а, ницкъаллин структурийн белхахой а байа гIортарна. Цунах лаьцна хаам бо "Интерфаксо". Суьдхочо бинчу хаамца, 18 шо луьрчу хьолехь колонехь даккха хан тоьхна Хашагульговна. Шен агIор цуьнан адвокато Барбар Натальяс дIахьедар дина, шаьш латкъам бийр бу Къилбаседа Кавказерчу тIеман гонан суьдо бинчу сацамна аьлла. Читать дальше...

Нохчийчуьрчу берийн цергийн лоьрийн поликлиникерчу белхахоша латкъам бинера Iедалшка, балхара дIадохуш, низамо ма бохху, компенсаци ца елла шайна аьлла, хаам бо Интерфаксо. Оьрсийчоьнан Роструд федералан сервисо декхарелахь йина поликлиника цу нахана 750 сов эзар сом ахча дIадала. Цунах лаьцна хаам бина цу урхаллан зорбанан сервисо. Цу хаамехь билгалдоккхуш ду ахча хIинцале а дIаделла хилар а, цунна бехке волу поликлиникан куьйгалхо административан жоьпе озийна хилар а. Соьлж-ГIаларчу "Республикан... Читать дальше...

Шелан кIоштан кхелехь Титиев Оюбан гIуллакхехь цунна бехк буьллуш къамелаш дина прокурораша Байтаева Миланас а, Ахматов Джабраила а.  Ахмадовс шен вистхиларехь билгалдаьккхина Титиев бехке хилар тIечIагIдина шаьш, цо дина зулам набахтехь яккха хан тоха оьшуш ду аьлла. Цо доьхург ду бакъонашларъярхочуьнга юккъерчу чIагIалла йолчу колонехь 4 шо даккхийтар а, ткъа иштта 100 эзар сом гIуда такхийтар а. Прокуроро дийцарехь, суьдо тидаме эца деза Титиев 2018-чу шарахь Дечкен-баттан 9-чу дийнахь дуьйна лаьцна талламан изоляторехь латтош хилар. Читать дальше...

20I7-чу шарера схьа 200 сов зуда а, бер а Оьрсийчу юхакхалхийна Шемара а, Иракъера а. Уьш бу Москвара, Пензин махкара, Башкортостанера, Нохчийчуьра, Дагестанера Малхбале дIабахана хилларш. Цхьаберш ца кхиина цIехьаберзо – уьш Иракъан кхело, терроризмна бехке а беш, оьмар кхачаяллалц набахтешкахь кхаба совцийна.

Кавказан уггар тоьлла пондарча хаьржина Нохчийн Республикан халкъан артист Паскаев Рамзан, хаам бо "Нохчийчоь тахана" хаамийн агенталло. Нальчикехь хилла Кавказерчу тоьллачу пондарчашна "Дашо итт пондарча" музыкан совгIат даларан церемони. Паскаевс лаккхара говзалла гайтина кехатан пондар локхуш. ЮНЕСКО-ца цхьаьна и церемони вовшахтоьхнарг яра Оьрсийчоьнан културан а, дешаран а министраллаш а, ткъа иштта кхин а цхьамогIа култураца йоьзна юкъараллаш а.

Iамеркан дипломат Шереметьево аэропортера кхерамазаллан система зер Iалашонца чамдичохь мина Москохара Нью-Йорке доьдуч кемантIе яккха гIоьртина аьлла, хета Кадыров Рамзанна. Цунах лаьцна Нохчийчоьнан куьйгалхочо яздина социалан машанашкахь. Кадыровс дийцарехь, мина яьсса хиллла, амма оьккхуйту коьчалла хилла цунна тIехь. Цо билгалдаьккхина мина аэропорте еанарг дипломат хилар дуьсур дац жоп доцуш аьлла. Хьалхо бинчу хаамца, Зазадоккху-беттан 9-чу Iуьйранна Iамеркан Оьрсийчуьрчу векаллан белхахочуьнан... Читать дальше...

Нохчийчоьнан могашаллан министралло барт бина Туркойчуьрчу Acibadem Hospitals Group медицинан центрца, нохчийн лоьрийн говзалла лакхайоккхуш гIо дан. Цунах лаьцна хаам бина меттигерчу могашаллан министро Сулейманов Эльхана, яздо "Нохчийчоь тахана" сайто.  Министро дийцарехь, оццу хенахь дуьненахь а бевзаш болу профессорш богIур бу Нохчийчу лоьраш Iамо а, царна дархошна дарба дан накъостала дан а.