Новости за 31.03.2019

Facebook-ан операцийн декъан директоро Сэндберг Шэрила леррина дIахьедар дина, Facebook Live платформехь хуьлург оццу хенахь гойту стримашца йоьзна кепаш хийца Iалашо ю шайн аьлла. Иза доьзна ду Керлачу Зеландехь Крайстчерчехь маьждигашкахь теракт еш хиллачуьнца. ТАСС агенталло бинчу хаамца, Сэндберга аьлла шаьш технологеш тоян а дагахь ду аьлла, кхераме контент сихха гучуяккхархьама. Цул сов, Facebook-ан векалш гIулчаш яха дагахь ду шен платформашкахь хьагI-гамо лелорца. Цара, лаха а лохуш, совцор ю цу тайпа трансляцеш... Читать дальше...

Президентан харжамийн хьалхара мур хилла Украинехь. Кхаж тосу меттигаш схьайиллинера Iуьйранна 8 сахьт даьлча. Цара болх бира суьйранна 20 сахьт даллалц. Интерфакс-Украина агенталло бинчу хаамца, Украинин куьйгалхочуьнан дарж къовсуш вара 39 кандидат. Иза рекорд ю цу махкана. Украинин коьртачу комиссино бинчу хаамца, харжамхойн терахь ду 35,5 млн стаг. Exit Polls талламца, толам боккхуш ву Зеленский Владимир 30,4%), шолгIачу меттехь ву Порошенко Петро (17,8%), кхоалгIа ю Тимошенко Юлия (14,2%). Читать дальше...

Словакин президент хаьржина Чапутова Зузана – юрист а, оппозицин жигархо а. Кхаарин дийнахь хиллачу президентан харжамийн шолгIачу муьрехь цо гулдина 58 процент сов кхаьжнаш. Цуьнца Словакин куьйгалхочуьнан дарж къовсуш вара Iедалехь йолчу "Смер" партино гIортор еш волу Еврокомиссин куьйгалхочуьнан когаметта Шефчович Марош. Шефчович хIинцале а толам баккхарца декъалйина шен дуьхьалонча.   Чапутовехьара шен кхаж дIабелла 1 миллион сов харжамхочо. Иза дуьххьарлера зуда ю Словакин президентан даржехь.

Оьрсийчоьнан Талламан комитето бинчу хаамца, Можайское шоссехь, ши адам а дуьйш, хиллачу некъаовзаман декъашхо Джамбеков Муслим лаьцна Iедалша. Кхело сацам бина иза талламан изоляторе хьажо Стагалкъекъа-беттан (Май) 25-чу дийне кхаччалц. 34 шо долчу цу стагана бехке дуьллуш ду, ларамаза 2 я кхин а алсам адама а дьуйш, некъан низамаш дохор. Джамбеков Соьлж-ГIаларчу полице веара пIераскана дийнахь, Кадыров Рамзана шега кхайкхам бинчул тIаьхьа. Зуда а, 14 шо долчу кхиазхо йо1 а юьйш, бохам хилира кху беттан 24-чохь. Читать дальше...

Украинехь болабелла президентан харжамийн хьалхара мур. Кхаж тосу меттигаш схьайиллина Iуьйранна 8 сахьт даьлча. Цара болх бийр бу суьйранна 20 сахьт даллалц. Интерфакс-Украина агенталло бинчу хаамца, Украинин куьйгалхочуьнан дарж къовсуш ву 39 кандидат. Иза рекорд ю цу махкана. Украинин коьртачу комиссино бинчу хаамца, харжамхойн терахь ду 35,5 млн стаг. Церан кхаж таса аьтто хир бу 33,6 эзар меттехь. Царах 101 ю махкал арахаьа кхечу пачхьалкхашкарчу векалаллашкахь а, консульствошкахь а.