Новости за 02.04.2020

Оьрсийчоьнан президентан пресс-векала Песков Дмитрийс шинарийдийнахь хаам баржийра, президента Путина Американ Цхьаьнатоьхначу Штаташна совгIат деш, кема дуьззина медицинан гIирс дIахьажийна, аьлла. Доналд Трампан Путин Владимирца телефонехула хиллачу къамелан лорах дира Песковс дина дIахьедар. «Эпидемин хьал гIоьртина лаьтташ хиларе терра дара Оьрсийчоьнан агIор Американа медицинан техникаца, Iалашлучу гIирсаца гIо кховдор. Трампа баркаллица тIеэцна и гуманитаран кепара гIо», - элира Песковс.... Читать дальше...

Кадыровс чехийна совдегар, Молханаш детта урамашка, 328 млн делла Нохчийчоьнна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Германерчу Эрфурт гIаларчу кондитерна некъ карийна коронавирусо хIусамашна чубоьхкинчу нехан самукъадаккха. COVID-на гонах ду цо ша йоттучу десерташна ялош йолу кепаш, тIе дохку суьрташ.

…Вай доьлу нохчийн кегийрхой дукха хьолехь доьналла, майралла, могашалла гойтучу спортанна тIера хиларх. Иза-м хазахетарца деш хуьлура вай! Европа а, Америка а яьккхина бу нохчийн охьатохархлатархой, боксераш, спортан массо а «ницкъаллин» кепашкахь. Боксан клуб ю Ниццера «Легион» а. Дуккха латархой кхиийна Францина, кхачийна мехкан а, Европан а толамашка оцу клубан тренеро Асхапов Мохьмада. …Бакъду, «ловзар ду массарна дерг» - тахана коронавирусо юкъахбаьккхина Мохьмадан а, «цуьнан берийн» а болх. Читать дальше...

Нохчийчоьнан куьйгалхочо Кадыров Рамзана, ганах баьхна Iедалхой а, муфтий а волуш, меттигерчу телеканалан камершна хьалха луьрчу кепара чехийна республикехь вевзаш волу совдегар Ахметханов Асланбек. Цхьаболчарна иза вевзаш ву "Черт (ШайтIа) Асланбек" аларца. Криминалан гонашкахь лоруш стаг а ву иза, хаам бо Кавказ.Реалиино.  Кадыров оьгIазвахийтинарг яра Ахметханов сакъоьруш волуш яьккхина видео. Цу тIехь совдегаро неIалт олу малар дихинчунна, тапча а кхуьссу. Гарехь, иза хуьлуш ду республикехь кхайкхийна карантин а йолуш. Читать дальше...

Черкес Лариса,                                                                                                "Кавказ.Реалии" Адыгейрчу туьканашкахь хала ду къоман маттахь арахецна литература каро, ца тоьу ненан меттан Iаматаш. Берашна пайде язораш дацарх тоьшалла до шаьш яздархоша а. Амма Адыгей Республикан гуманитаран талламийн институтехь кхин боху. Ненан мотт Iалашбан а, Iамо а лерина йолу программа кхочушъеш, зорба тоьхна Iаматашна, электронан кепе ерзийна дуккха а книгаш, арахецна туьйранаш... Читать дальше...

Америкехь коронавирус яржарца доьзна хьал чолхечу долуш а долуш, декъий чудахка 100 эзар гали дехна Пентагоне федералан Iедало. Цунах лаьцна хаам бо "Американ аз" портало Reuters агенталлана тIе а тевжаш. Президента Трамп Дональда а, адамийн могушалла ларъярехула болчу цуьнан коьртачу хьехамчаша а кхайкхам бина Американ бахархошка, коронавирусах кхалха мегаш 100 эзар стаг а волуш, гергарчу "халачу шина кIиранах" вовшашна улле ца гIерташ вуно чIогIа лардахьара социалан дистанци ларярца доьзна низам аьлла.

ТIедогIу кIира – Оханан-беттан 6-12 денош – болх ца бен кIира кхайкхийна Оьрсийчохь. Цунах лаьцна хаам бо Маршо Радион Оьрсийн сервисо, "Коммерсантна" тIе а тевжаш. И сацам тIеэцна дистанцин кхеташо дIахьош президента Путин Владимира. Болх ца бен хан яхъян езара аьлла хьахийнера Роспотребнадзоран куьйгалхочо, коьртачу санитаран лоьро Попова Аннас а, вице-премьеро Голикова Татьянас а. Поповас дагадаийтира коронавирусан инкубацин мур 14 де хилар, цундела иза кхечу цхьана адамо кхечуьнга дIало зIе хадо оьшу хан а ю 14 де. Читать дальше...

Оьрсийчоьнан бюджетера 328 миллион сом хьажор ду Нохчийчу. И ахча дайа дезаш ду меттигерчу Iедалша вирус хьакхаеллачу бахархошна дарба лело маьнганаш кечдеш а, дарбанан цIеношна лоьрийн гIирс оьцуш а. Цунах лаьцна хаам гучубаьлла низамашца боьзна хаамаш бовзуьйтучу Оьрсийчоьнан Iедалан официалан интернет-порталехь.

Урамашкахь а, царна уллерчу территорина тIехь а лазаре микробаш молханашца яйар долийна Соьлж-ГIалахь. Оцу гIуллакхана юкъаозийна ю 19 машен. И болх муха дIабоьду хьажа ваханчу Нохчийчоьнан куьйгалхочо Кадыров Рамзана дийцарехь, молханаш тухучу нахана гIо деш бу ницкъаллин структурийн белхахой, шайна юкъахь Росгвардин эскархой а болуш. Соьлж-ГIалан мэр волчу Хаджимурадов Iийсас бинчу хаамца, урамашна молханаш тохар дIахьура ду хIора денна, догIа доьлху денош бен юкъах ца довлуьйтуш.