Новости за 04.08.2020

Шогачу хьелашкахь бархI шо даккхар тIедожийначу Нохчийчуьрчу вахархочо Исрапилов Ахьмада видео дIаязйина, террорхойн организацийн могIаршка ийзорах лаьцна дуьйцуш. 2014-чу шарахь болх бан дагахь Туркойчу дехьаваьлча, шена цигахь бевзачара Iеха а вина, герзах боьттинчу нахах лаьтташ тоба вовшахтоха гIоьртира ша боху Исрапиловс. "Роликаш гойту цара, хьуна и гIуллакх хаздеш. Миччахь а хьуна тIеIаткъам бан тарло цара, хьо цIахь велахь социалан машанашкахула а цхьана", - дуьйцу тутмакхо, хетарехь... Читать дальше...

Москвахь наркотикаш лелош хаабелла нохчий даймахка кхачийна Кадыровн Iедало; коронавирус юхайолуш яц Къилбаседа Кавказехь; ОвхIанистанерчу набахтина тIе а летта, шен накъостий мукъабаьхна ДАIИШ-ан тобано

Красноярскерчу номер 6 йолчу колонехь хан токхучу тутмакхийн гергарчара дIахьедина, 30 сов коронавирусан инфекци токхуш болчу нахана лелош дарба дац, ткъа цхьаболчу COVID-19 вирусан симптомаш йолчу нахана тесташ ян дуьхьал бевлла аьлла. "ТВК Красноярск" телехьожийло бина цунах лаьцна хаам, тутмакхийн гергарчарна тIетевжина. Чохь латточу цхьаннан гергарчо бахарехь, 30 сов ун даьржинчу нахалахь цхьаъ велла хIинцале а. Оцу юкъанна, уьнца болу нах дIакъастош бац могаш болчу нахах, ткъа цаьрца контакт хиллачеран тесташ еш яц. Читать дальше...

Къилбаседа Кавказехь тIаьххьарчу дийнахь а, буса а динчу зерашца, ворхI пациент велла коронавирусан уьнах, цомгашчарна тIекхетта кхин а 358 стаг. Эпидеми дIаса ца яржийта вовшахтоьхначу Оперативан штабо хаамбарца, Ставрополан кIоштахь а, Краснодаран махкахь а шишша велла,  Дагестанехь а, ГIалмакхойчохь а, Адыгейхь а цхьацца кхелхина. Къаьсттина дукха бу ун даьлларш Краснодаран кIоштахь - 119 стаг: Краснодаран махкахь + 119 (8 704 ву эпидеми чуеачхьана) Ставрополаг кIоштахь + 98 (8 658) Дагестанехь... Читать дальше...

Пандемин муьрехь берийн дешарх дийцаредо дуьненчуьрчу мехкашкахь. Цхьайолчу пачхьалкхашкахь ун кхин тIе а даьржаш лаьтта, ткъа кхечу мехкашкахь, эпидеми лахъелла го, амма саготта бу шолгIа тулгIе хьовзарна. Къаьсттина коронавирусо зен динчу 4,7 миллион стаг ун даьлла хиларца билгалваьллачу Американ Цхьаьнатоьхначу Штаташкахь, дешарца доьзна масех кеп ю билгалъяьккхина. Американ коьртачу инфекционисто Фаучи Энтонис оршотан дийнахь еллачу интервьюхь дIахьедина, бераш школашка дерзон ша реза ву, амма... Читать дальше...

Дуьне мел доккха делахь а, дахар Iожалле дирзича, шен чаккхе Нохчийчохь бен ца го нохчочунна. Иштта ю къоман яхчаелла яьлла амал. Малхбалехь я Малхбузехь велла стаг, дуккха ахча луш, даймахка дIахьажавойту гергарчара тахана а. Муха бу веллачун Нохчийчу кхочу некъаш? Даймахка иза кхачо аьтто ца нисбелча, стенгахь бIабухку шайн махкахой диаспораша? Цунах лаьцна ю Маршо Радион документалан фильм.

Оьрсийчоьнан а, Шеман а хаамийн агенталлаша цхьа а хаам бац цунах беш

"Исламан пачхьалкх" шайх олучу тобанхоша Афганистанан  малхбалерчу Нангархар провинцерчу набахтена динчу тIелатарехь мел лахара а 39 стаг вийна кIиран буса. Пачхьалкхан Iедалхоша оршотан дийнахь бинчу хаамца, беллачарлахь могIарера нах а, ницкъаллийн структурийн белхахой а, тутмакхаш а бу. Церан зерашца, вийна 10 тIемало гергга. Шайна гергарчу Amaq сайте дIахьедина даIишхоша, тIелатарх жоьпалла шайна тIелоцуш. Дуьххьара "Исламан пачхьалкхан" тIемалоша, Нангархаран провинцин административан центрехь... Читать дальше...

Москвахь "наркотикан а, психотропан а препараташ лелорна" лецначу кегийрхошца къамелаш дина пачхьалкхан Думан депутато Делимханов Адама а, чоьхьарчу гIуллакхийн министро Алханов Руслана а, вице-премьеро Висмурадов Абузайда а. "Чечня Сегодня" меттигерчу хаамийн агенталло бина цунах лаьцна хаам. Видео тIехь гойтуш бу, Москвахь а, Оьрсийчоьнан кхечу гIаланашкахь а къепе йохийна кегийрхой (60 гергга стаг) Нохчийчу балийна, полисхошка а, муфтиятан векалшка а цаьрца профилактикан къамел дойтуш. "Нохчийн... Читать дальше...