Нохчийчоьнан муфтийс емалдина "Шарли Эбдос" Мухьаммад Пайхамарна шаьш ехкина хилла карикатураш карлаяхар; "Э" Центрехь лелийначу Iазапех кхелхинчу Долиев Мохьмадан гергарчарна компесаци ялар тIедожийна; Amnesty International организацино дIахьедо, мел лахара а, ворхI эзар медицинан белхахо доллу дуьненахь кхелхина хиларх коронавирусан уьнах.
Оьрсийчоьнан кеп-кепарчу регионашкарчу дешаран хьукматашна а, нах гуллучу меттигашкахь а тIелетарш дан кечлуш хилла 13 вахархо лаьцна шаьш аьлла, дIахьедина къайлахчу сервисаша (ФСБ). "Интерфакс" агенталло яздо цунах лаьцна, ФСБ-н юкъараллашца зIенаш латточу Центрна тIетевжина. Цара бахарехь, лецначех дукхахберш къевлинчу интернет-группехь хилла. Нах байъа кечамаш беш хилла цара, куьйгайинчу лоьлхуьйутургех а, уьрсех а, цIе тосучу коьчалех а пайда а оьцуш. Цул совнах, кхин а нах шайн могIаршка ийзон гIерташ а хилла уьш. Читать дальше...
Гезгамашин-беттан 1-чу дийнахь схьайиллира Францино шайн школаш, ткъа тахана дешаран министро дIахьедина, коронавирус яржарна 22 школа дIакъовлуш ю шаьш аьлла. Францин материкан декъа тIера 10 доьшийла а, дукха хан йоццуш вирус чIагIъеллачу Реюньон гIайри тIера 12 школа а дIакъевлина хIинцале а, яздо AFP гIирсо. Дешаран министро Бланкер Жан-Мишеля дийцина Europe 1 радиога, школашка бераш схьадаьхкина реза ву ша аьлла. Лоьраша школашкахь денна талламбо COVID-19 вирус зьйш 250 инцидент. Нагахь санна... Читать дальше...
Къайлахчу сервисийн пурбанца, Бесланерчу лоьмар 1 йолчу школехь гайтина "Россия" телеканалан журналисто Рогаткин Александра яьккхина терактах кино, дийцина "Бесланера наной" комитетан куьйгалхочо Дудиева Сусаннас. Телехьожийлехь официалехь гайтале школехь трансляци йина филман. Оцу юкъанна, хьалха могуьйтуш дацара цу теманех лаьтта талламаш бина кинош теракт хиллачу школехь гайта, аьллачу Дудиеван дешнаш далийна "МБХ" ресурсо. "Ас хаьттинера тхайн кIоштан администрацехь, оха дехарш дечу хенахь керла кинош гайта бакъо стенна ца лора... Читать дальше...
Нохчийчуьрчу Iедало ша дозанал арахьарчу махкахошца зIе латтонйолу агенталла кхолла дагахь ду аьлла. Иза оьшу, боху, Оьрсийчуьра дIабахначу нохчашна гIоьнна. Ткъа Европера а, дуьненан кхечу маьIIешкара а диаспораш ца теша Кадыровс и агенталла шайн дуьхьа кхуллу бохучух.
Кхечу пачхьалкхера Анапе веанчу 28 шо долчу жимчу стага шена вевзачуьнга террорхойн организацин чоьта тIе ахча даккхийтина аьлла, шеко ю талламчийн. "Кхунна ца хиина цуьнан зуламечу Iалашонех. 2018-чу шеран Марсхьокху-баттахь а, ГIадужу-баттахь а кхечу махкара веанчун дехарца цо билгалъяьккхинчу чоьта тIе ахча дехьадаьккхина хилла", - хаамбо Краснодаран кIоштарчу Талламан комитетан пресс-гIуллакххоша. Терроризмна ахчанаш латторна аьллачу артиклехь бехкзуламан гIуллакх долийна кхечу пачхьалкхера веанчунна дуьхьал. Читать дальше...
Нохчийчоьнан муфтийс емалдина "Шарли Эбдо" журнало Мухьаммад Пайхамарна шаьш ехкина хилла карикатураш карлаяхар. Францин журнало Пайхамар сийзазвеш карикатураш юха а зорбане яхар - иза рогIера жоьпазаллин болх хилла ца Iаш, цхьана Iалашонца Малхбузено Исламна а, йоллу бусулбачийн юкъараллана а дина тIелатар ду. Цо дуккхаъчу нахана зенаш дан а тарло аьлла муфтис Межиев Салахьа. "Нохчийчуьрчу Динан урхаллан цIарах оха неIалт кхайкхадо шуна, шайтIанаш, иблисаш! Шайн белхан хинйолчу тIаьхьалонан жоьпалла шуна тIехь хир ду! Читать дальше...
Коронавирусан инфекцица хилла итт дархо кхелхина тIаьххьарчу дийнахь а, буса а Къилбаседа Кавказехь, вирус къаьстина кхин тIе а 555 стагаца. Ун ца даржийта вовшахтоьхначу оперативан штабо дIахьедарца, Ставрополан кIоштахь велла кхо стаг, Краснодаран махкахь а, Кхарачой - Чергазийчохь а шишша кхелхина, Дагестанехь а, Нохчийчохь а, Адыгейхь а велла цхьацца. COVID-19 вирус кхетта ву Къилбаседа Кавказехь таханалерачу хаамца, 1 215 пациент. Ставрополан кIоштахь бу алсам цомгаш нах тIаьххьарчу зерашца - 132... Читать дальше...
Дуьненаюкъарчу Amnesty International организацино дIахьедо, мел лахара а, ворхI эзар медицинан белхахо доллу дуьненахь кхелхина хиларх коронавирусан уьнах. Организацино билгалдоккху, вирусца къийсам латтош, хьалхарчу могIаршкахь болчу нахана инфекцех уьш ларбен хьакъ доллу гIирсаш латтон беза. "ХIора могашаллаIалашъяран белхахочун бакъо ю балха тIехь Iалашвала, оццул лакхара мах цаьрга болуьйтийла дац. Пандеми яьржина дуккха а беттанаш доллушехь, тахана а инзаречу сихаллица леш бу лоьраш а, медицинан белхахой а... Читать дальше...
Экстремизмна дуьхьало латточу Центрехь лелийначу Iазапех кхелхинчу Долиев Мохьмадан гергарчарна 2,5 миллион сом ахча дала тIедожийна Магасан кIоштан кхело ГIалгIайчуьрчу чоьхьарчу гIуллакхийн министраллана. Веллачун дена Долиев Мухарбекна суьдхоша цхьа миллион хIоттийна, вешина Долиев Назирна а, йижаршна Долиева Фердосна а, Темирбиева Асетна а 500 эзар сом. "Зона права" юкъараллаца болх бечу адвокато Сабинин Андрейс бина и хаам. "Э" Центран гIишло чохь 2016-чу шеран аьхка велира Долиев Мохьмад. Читать дальше...
