Новости за 01.09.2020

"Бакъонийн жигаралла" ("Правовая инициатива") проекто довзийтина Нохчийчуьрчу "шолгIачу тIамехь" байначу нахах лаьцна ша бинчу талламан жамIаш.   330 стагах лаьцна информаци ю документехь. Цхьаболу хаамаш проекте белла гергарчара, кхиберш схьаэцна Европан адамийн бакъонашкахула йолчу кхелан базера. "Бакъонийн жигаралла" проектан директора Коган Ванессас дийцарехь, Европан кхелехь толам баьккхинчу наха сатуьйсу кхидIа шайга шайн байначех йолу информаци кхачаре. "Халахеташ делахь а, тхуна... Читать дальше...

ГIаттамхойн тобанехь лаьттина ву аьлла, кхеле хIоттийначу Дагестанан Кумторкалинскан кIоштан кхело меттигерчу вахархочунна Даитбеков Шамилна бархI шо хан тоьхна набахтехь даккха. Цуьнан адвокато Асиялов Аталава дийцарехь, прокуратурано итт шо дехнера цунна. "Прокуроран бага хьаьжжина сацам бира кхелахоша. ГIуллакхан материалаша церан позици бакъ ца йо. Цунна тоьшаллаш дина дуккхаъчу тешаша, юьртахоша, супермаркетийн белхалоша. ГIаттамхошна оцу туьканашкара юург кхехьна аьлла, дара бехкаш", - дийцина адвокато. Читать дальше...

Корта тентак боккху молханаш муьйлучу нахе беза белхаш байта боху полисхойн хьаькамо: ткъа, Нохчийчохь лаьтта белхазалла: делахь а, хьаькамашна алапаш тIетоьхна Путина

2004-чу шарахь гIаттамхоша дIалаьцначу Къилбаседа ХIирийчуьрчу Бесланан школехь динчу тIелатарехь белларш дагалоьцуш, тезетан барамаш буьйлабелла. Оцу школехь белларш дагалеца баьхкира закъалтхой хилларш а, юкхаралхой а, кIоштан а, регионан а Iедалан векалш а, яздо Кавказ.Реалиино. Шинарин Iуьйранна 9:15 минот яьлча болабелира барам. 2004-чу шарахь Гезгамашин-беттан 1-чу дийнахь изза хан яьлча дIалаьцнера тIемалоша школа. ТIаьхьо зезагаш а дохкуш, дагалацаран чIурамаш а летош хан яьхьира гулбеллачара. Читать дальше...

Вершинина Алена, Маршо Радио, оьрсийн сервис   Карарчу хенахь Голландехь вехачу Белоусов Дмитрийс дуккха а шерашкахь къахьегна Оьрсийчуьрчу пачхьалкхан телеканалашкахь. Шеф-редактор лаьттина иза масех баттахь НТВ-хь. РЕН телеканалехь сценарист болх бина цо. Малков Алексейс куьйгалла а деш, яьхна "Дело в кепке ", "Белорусское чудо", "Либералам - черным налом" цIерш йолу пропагандин фильмаш. Цо дийцира, муха йо Оьрсийчуьрчу телеканалаша агитаци, хIун дог-ойла лаьтта уьш кечъечу белхахочун коьртехь. Читать дальше...

Йоккха стаг Хадижат хIора дийнахь а ловзу ХIинжа-ГIаларчу хIордйисте лийча богIучу нахаца шашканех. Цунах вуно чIогIа цецбуьйлу бахархой: иза цхьаммо а ца эшийна хIинццалц. Бакъду, оьшу иза берашна – царна хазахетар деш.

Психотропан молханаш мийлина аьлла, рогIера юха а бехкебечу кегийрхошкара бехкаш даьхна Куьршала кIоштан полицин хьаькамо Агуев Рустама. ГIишлошъечу меттигашка уьш балха нисбар тIедиллина цо. "ЧП Чечня" инстаграм-паблико шайн аккаунтехь Iораяьккхина, лецна балийначаьрца "кхетош къамел" ден видео. "Вайн кIоштахь наркоманаш а, къаьркъанчаша а хила йиш яц. Оха могуьйтур дац. Аш къаьркъа моьлу, молханех пайда оьцу, тIаккха машенашкахь некъаца бохамаш латтабо, нах бойъуш. Кеста школе даха дезачу шайн берех дог ца лозу шун? Читать дальше...

Къилбаседа Кавказехь тIаьххьарчу 24 сахьтехь динчу зерашца, коронавирусан уьнах кхелхина 9 пациент, вирус кхетта кхин а 489 стагана. Эпидеми ца яржийта Iалашонца вовшахтоьхначу оперативан штабан дIахьедарца, Ставрополан а, Краснодаран а мехкашкахь велла кхоккха пациент, Дагестанехь шиъ, ГIебарта-Балкхаройчохь цхьаъ кхелхина. Верриг а Къилбаседа Кавказехь пандеми яьржичхьана COVID-19 вирусах велла 1 193 дархо. ТIаьххьарчу информацица, къаьсттина дукха бу ун даьлла нах Ставрополан кIоштахь – 125 стаг... Читать дальше...

Нохчийчохь белхазалла 22 проценте яьлла. Меттигерчу Iедалхоша дIахьедарехь, пандемино махкарчу ситуацина бина тIеIаткъам бу иза. Нохчийчуьрчу къинхьегаман министралло дIахьедарца, "экономикана Iаламат чIогIа негативе йирзина" пандеми, яздо "Чечня Сегодня" агенталло. Оцу юкъанна, Оьрсийчоьнан федералан бюджетера Нохчийчоьнна гIоьнна кхаьчна компенсаци коронавирусо динчу зенел а сов ду - 1272 процент. 80 процент бюджет федералан дотацех лаьттачу республикана ах миллиард соьмана зен хиллера аьлла... Читать дальше...

Джабиев Инарлина а, чоьхьарчу гIуллакхийн министрна Наниев Игорна кIело ярна шеконашка эцначу шинна  тIехь а, къизаллаш лелийна аьлла, лаца кхайкхийна шаьш шайх пачхьалкх кхайкхийначу Къилба ХIирийчоьнан Цхинвалан кхело. Кавказ.Реалии порталан корреспонденто бина и хаам. Митинге бевллачу нехан дехарца, Къилба ХIирийчоьнан инарла прокуроро цIераш яьхна, Iазапаш лелорна шеконашка эцначу ницкъахойн. Уьш бу: криминалан милицин декъан куьйгалхо Сланов Ирбек а, цуьнан белхахой Хугаев Марат а, Гогичаев Заур а... Читать дальше...

ГIадужу-беттан 1-чу дийнера схьа дуьйна 3 процентна тIекхетар ду Оьрсийчуьрчу пачхьалкхан белхахойн алапаш. 2019-чу шарахь хиллачу инфляцин официалан тIегIа ю иза. Президенто Путин Владимира куьйгъяздина оцу кепара документ зорбане даьккхина бакъонан информацин порталехь. Цул совнах, къастийначу сацамашца 3 % алапаш алсамдаьхна, Свобода редакцин тидамца, Оьрсийчоьнан инарла прокуроран а, Талламан комитетан куьйгалхочун а. 2015-чу шарахь Путин Владимира кризисца доьзна 10 процентна дIахедийра... Читать дальше...