"Спутник V" йинарш ца буьту хьаьжцIа
"Спутник V" мел йинчу Оьрсийчуьрчу бусулбачийн аьтто бац кху шарахь Iумрат дан. СаIуда Iаьрбийчоьнан Iедалша къобал ца йо оьрсийн вакцинаш
"Спутник V" мел йинчу Оьрсийчуьрчу бусулбачийн аьтто бац кху шарахь Iумрат дан. СаIуда Iаьрбийчоьнан Iедалша къобал ца йо оьрсийн вакцинаш
Оьрсийчоьнан либерал-демократин партин (ЛДПР) лидеро Жириновский Владимира тIедожийна Азербайджанан президентна Алиев Ильхамна, боллу Оьрсийчоьнан бахархой сийсазбинчу азербайджанхойн дипломатана дуьхьал бехкзуламан гIуллакх даккха аьлла. СоловьёвLive YouTube-каналехь дина цо ишта дIахьедар, яздо Новости агенталло. Хьалхо социалан машанашкахь видеоролик яржийнера, ша Азербайджанан цIарах Белоруссехь а, Молдавехь а, Пакистанехь а посол лаьттина Вагабзаде Исфандияр ву аьллачу стага Жириновский а... Читать дальше...
СаIуда Iаьрбийчоьнан Iедалша оьрсийн коронавирусна дуьхьал йина вакцина къобал ца яхь Iумрат дан баха аьтто хир бац Оьрсийчоьнан бахархойн. Пачхьалкхерчу бусулба динан урхалло дехар дина "Спутник V" паччахьаллин дозанаш тIехь маьршаяккха аьлла, яздо ТАСС агенталло. Оьрсийчуьрчу бусулбачийн динан урхаллан куьйгалхочун хьалхарчу гIовса Аббясов Рушана хIинцале а кехат дахьийтина СаIуда Iаьрбийчоьнан Iедалхошка, оьрсийн "Спутник V" вакцина къобалъяр доьхуш, цуьнан прививкаш яйтина зияртхой езачу меттигашка чубитархьама. Читать дальше...
Украинехь шайн картанаш лелочарна Нохчийчоь "Нохчийн республика Ичкери" аьлла билгалъяьккхина Apple компанино. И цIе лелийра респибликано Советан зама йоьхначул тIаьхьа. 1994-чу шарахь Оьрсийчоьно шен эскарш далийра Ичкери, болийра Нохчийчохь хьалхара тIом.
ТIаьххьарчу дийнахь-буса Къилбаседа Кавказехь коронавирусан уьнах кхелхина 95 дархо, керла ун къаьстина 1 373 стагаца. Iедалшкара болчу хаамца, Краснодар-махкахь уьнан велла 34 вахархо, Дагестанехь -23, Ставропол- махкахь - 10,ГIебарта-Балкхаройчохь - ворхI, Кхарачой-Чергазийчохь - ялх, ГIалмакхойчохь а, ГIалгIайчохь а, Къилбаседа-ХIирийчохь а,Нохчийчохь а, Адыгейхь а - кхоккха кхелхина уьнах. Верриг а пандемин муьрехь COVID-19 цамгарх белларш бу Къилбаседа Кавказехь 13 948 стаг, боху официало. Читать дальше...
Нохчийчуьра яхархо Тарамова Хьалимат юха а яда гIоьртина хилла Дагестане аьлла, хааме даьккхинера Baza телеграм-канало. Бакъоларъярхочо, журналисто Анохина Светланас бахарехь, бакъ дац и. "ГIелонах бевдда зударий дIалечкъачу хIусамера лачкъийна дIа а юьгуш, тоххара цуьнан яда аьтто баларх, хIинца Хьалимат дозане бен кхаьчна яц", - яздина канало. Анохинан дешнашца, дуьйцург бух болуш дац. Бакъоларъярхочо бахарехь, цунах лаьцна шена ма-хезза, Тарамоваца уьйраш йолчаьрца зIене елира ша, цара хаам бакъ ца бира аьлла. Читать дальше...
Оьрсийчохь динчу экономикан хьажам болчу хIора пхоьлгIачу зуламах - 1379-х 270 - Къилбаседа Кавказехь дина ду. Цунах лаьцна хаам бина Оьрсийчоьнан инарла прокуроран гIовс волчу Кикоть Андрейс ХIинжа-гIалахь дIаяьхьначу националан проекташ кхочушъян хьежийна ахчанаш лечкъорна дуьхьалояран хеттарш дийцаредечу кхеташонехь. Иштта цо билгалдаьккхина, Къилбаседа Кавказан Федералан Гонашкарчу бакъоларъяран органаша 245 бехкзуламан гIуллакх дуьхьал даьккхина хиларх, националан пректаш кхочушъяран сферехь бинчу талламашна тIехула. Читать дальше...
Нохчийчоьнан куьйгалхочунна 45 эзар сом преми делла пачхьалкхан "Грозный" телеканало. Хааам баржийна цунах лаьцна телехьожийлан официалан сайтехь. "Нохчийн телерадиокомпанин репортер санна масийттазза ша гайтина регионан куьйгалхочо. Халла тIекхачалучу, кхерамечу меттигашкахь яьхна уггар а эксклюзиве видеош цо кхехьийтарна делла цунна совгIат", - аьлла яздина хаамехь. Билгалдаьккхина, "регионехь хуьлучу хиламех довзуьйтуш жигара гIо дарна а, беркате болх барна а, дикаллин контент ярна а" совгIат дина хилар Кадыровна. Читать дальше...
Махкахь демократи а, дешан маршо а яц бохург бакъ дац аьлла Нохчийчоьнан куьйгалхочо Кадыров Рамзана. Яздо цунах лаьцна МК ресурсо. Нохчийчоьнан урхалхочун харжамашкахь дакъалаца кандидат иза валар тIечIагIдеш кехат делла Кадыровга Марсхьокху-беттан 10-чу дийнахь. Оцу дийнахь журналистийн хеттаршна жоьпаш лучу мехкан куьйгалхочо билгалдаьккхина, цхьаболчарна хета регионехь демократи а, дешан маршо а яц аьлла. "Цундела со къар ца велира, нийса харжамаш дIабахьийта, халкъе шен кхоллам шега харжийтархьама", - аьлла тIетоьхна Кадыровс. Читать дальше...