Новости за 06.09.2023

Къилбаседа Кавказан федералан гонийн регионашкахь полицихь Iазапаш хьегийтарх бехкзуламан гIуллакхаш доладо 28% процент дIахьедаршкахь, дисина 72 процент тергамза дуьту талламо. Краснодаран кIоштахь гIуллакх ца досту бала хьегначара чукхачийначу 65% дIахьедаршкахула. Цунах лаьцна йаздо "Iазапашна дуьхьал Командин" "Арифметика пыток" аьллачу керлачу рапортехь. Полицихь ницкъбарх толлуш доцчу гIуллакхийн терахьашца Кубань а, Кавказ а шолгIачу а, кхоалгIачу а меттигашкахь йу организацин филиалашлахь. Читать дальше...

Нохчийчоьнан куьйгалхочун йоIана, 24-шо долчу Iайшатана «Даймахкана хьалха декхарш кхочушдарна» II-чу даржан орденан мидал йелла. Ткъа 2020-чу шарахь дуьйна республикехь адамийн бакъонаш хьешарна Американ санкцеш йу цунна дуьхьал йаьхна.

Нохчийчохь доьзалехь ницкъбеш хиллачунна кхечу регионе водуш гIо динчу адвокатан Соломина Татьянин 13 шо долу кIант лачкъор ву бохуш, волайнхочун гергарчара кхерамаш туьйсу. Цунах лаьцна дийцина, гIело хьегнарг веддачул тIаьхьа цунна накъосталла латтийначу кризисан "СК SOS" тобано. Товбеца-баттахь Соломинас ларвийриг, цуьнан цIе йоккхуш йац, Нохчийчуьра веддера дас а, вашас а "кадыровхойн набахте" дIалур ву аьлла, кхерамаш тийсича. Делахь а, вевзаш воцчу шина стага ларвина, жимстаг цIерпошта тIера охьаваьккхинера Тюменехь. Читать дальше...