Новости за 31.05.2018

Москва шаардык соту бейшембиде орусиялык оппозициячы Алексей Навальныйдын басма сөз катчысы Кира Ярмышты 25 күнгө камаган райондук соттун чечимин өзгөртүүсүз калтырды. Сот бүгүн дагы эки активисттин - Навальныйдын штабынын координатору Николай Ляскиндин жана "Навальный Live" аттуу "YouTube" каналынын алып баруучусу Руслан Шаведдиновдун ишин карайт. Ляскин 15 күнгө, ал эми Шаведдинов 30 күнгө камалган. Алардын баарын сот 5-майдагы уруксат берилбеген митингди уюштурганы үчүн күнөөлүү деп таап, административдик жазага тарткан. Читать дальше...

Саясий чөйрөдө Кыргызстан аркылуу түркмөн газын алып өтүү боюнча Кытай менен макулдашуунун шарттарын кайрадан карап чыгуу демилгеси көтөрүлдү.

НАТОнун элчилери орусиялык кызматташтары менен Украинадагы жаңжалды жана башка маселелерди талкуулаш үчүн 31-майда жолугушат. Орусия менен Түндүк Атлантикалык альянстын мамилеси 2014-жылы Москва Крым жарым аралын аннексиялап алгандан кийин начарлап кеткен. Орусия-НАТО кеңеши быйыл биринчи жолу өткөнү турат. Орусия жана Батыш акыркы айларда бир катар маселелерге, анын ичинде Сирияда болуп жаткан согуштагы Кремлдин ролуна, орусиялык мурдагы чалгын кызматкери Сергей Скрипалдын жана анын кызы Юлиянын... Читать дальше...

Бишкекте “Кыргыз аялдарынын салттуу кийимдеринин” көргөзмөсү ачылды. “Кийиз дүйнө” коомдук фонду уюштурган иш-чарада бул долбоор менен иштешкен энелердин жана уздардын көрсөтүп берүүсү менен оролгон, тарыхый маалыматтар менен тастыкталган элечектердин 13 түрү көрсөтүлдү.

Казакстан парламентинин Жогорку палатасы – Сенат президент Нурсултан Назарбаевге өмүр бою Коопсуздук кеңешин жетектөө укугун бекиткен түзөтүүлөрдү жактырды.

Кыргызстандын түрмөлөрүндөгү ооруканаларда абал начар. Бул тууралуу бүгүн Бишкекте өткөн басма сөз жыйынында Бириккен Улуттар Уюмунун атайын баяндамачысы Дайниус Пурас билдирди. Ал Жаза аткаруу мамлекеттик кызматынын курамындагы айрым ооруканаларды кыдырып чыкканын айтты. Пурастын пикиринде, эл аралык уюмдар жардам бергени менен түрмөдөгү ооруканаларда абал жакшы эмес. "№5 тергөө абагына жана Кызыл-Жардагы психоневрологиялык ооруканага мамлекет көңүл бурушу зарыл" деди ал.  ЖАМКтын басма сөз... Читать дальше...

Премьер-министр Мухаммедкалый Абылгазиев 31-майдан 1-июнга чейин өтүүчү Көз каранды эмес Мамлекеттер Шериктештигинин (КМШ) өкмөт башчылар кеңешинин кезектеги жыйынына катышуу үчүн Дүйшөмбү шаарына келди. Бул тууралуу президенттик аппарат кабарлады. Аэропортто өкмөт башчыны Тажикстандын премьер-министринин биринчи орун басары Саид Давлатали тосуп алды. КМШ өкмөт башчыларынын кеңешмеси 1-июнда өтөт. Анда премьер-министрлер КМШ алкагындагы экономикалык жана гуманитардык өз-ара аракеттенүүнүн актуалдуу... Читать дальше...

Ооганстандын чалгын кызматтары өлкөнүн түштүгүндө жайгашкан Гилменд провинциясындагы "Талибан" кыймылына таандык түрмөдөн 100дөй адам бошотулганын, алардын арасында балдар менен аялдар да бар экенин кабарлады. Армиянын өкүлү Абдул Кадир Бахадзайдын маалыматына караганда, алар 31-май күнү талибдердин Каджаки районундагы абагынан 103 кишини бошотууга жетишкен. Бахадзай андагы кагылыштарда төрт согушкер өлтүрүлгөнүн кошумчалады. Тандалма аскер бөлүгүнүн өкүлү Жавид Салем бошотулгандар 102 адам экенин... Читать дальше...

Кошмо Штаттардын Финансы министрлиги ирандык үч уюмга жана алты жаранга каршы жаңы санкцияларды киргизди. Бул тууралуу Финансы министрлигинин расмий сайтына жарыяланды. Санкция өкмөтчүл "Ансар-э Хезболла" тобуна, Тегерандагы "Эвин" түрмөсүнө жана өкмөт колдогон мобилдик тиркемелерди жасоочу "Hanista Programming Group" компаниясына салынган.  Мындан тышкары, “Ансар-э Хезболла" уюмунун үч лидери, цензурага жооптуу эки мамлекеттик кызматкер жана ИРИБ мамлекеттик телеканалынын директору санкциялык тизмеге киргизилген. Читать дальше...

Украинанын президенти Петро Порошенко орусиялык журналист Аркадий Бабченкону "өлтүрүү иши" Коопсуздук кызматынын кылмышкерди аныктоо максатындагы атайын операциясынын алкагында жасалган инсценировка экенин билдирди. - Бул тууралуу мен билгем. Администрацияда аны эч ким билген эмес. Мен "башкача болушу мүмкүн эмес эле" деп толук ишенем , - деди Порошенко журналист Аркадий Бабченкону кабыл алган учурда. Жолугушууга башкы прокурор Юрий Луценко жана Коопсуздук кызматынын башчысы Василий Грицак да катышты. Читать дальше...

Кыргызстанда 24-25-майда жааган кардан улам Ысык-Көл, Нарын облустарындагы бир нече райондо мал кырылып, айдаган жашылча-жемиштери керектен чыкты.

Кыргызстанда 24-25-майда жааган кардан улам Ысык-Көл, Нарын облустарындагы бир нече райондо мал кырылып, айдаган жашылча-жемиштери керектен чыкты.

Ооганстандын өкмөттүк күчтөрү өлкөнүн түндүгүндө Тахар провинциясындагы Дашт-и-Кала районун “Талибандын” жоочуларынан кайтарып алды. 30-майда жети саатка созулган уруштардан кийин жоочулар бул райондун борборун басып алган.   Тахар провинциясынын өкүлү Суннатуллах Тимурдун айтымында, өкмөттүк күчтөр оор кармаштан кийин районго өз көзөмөлүн орноткон.  Атышууда төрт полиция кызматкери мерт болду. Ошондой эле бир канча согушкер өлтүрүлгөн. "Талибан" быйыл апрелде жазгы чабуулу башталганын жарыялагандан... Читать дальше...

Талас шаарынын прокурору болуп Алмазбек Айтназаров дайындалды. Бул тууралуу "Азаттыкка" облустук прокуратуранын басма сөз кызматы билдирди. Маалыматка караганда, 55 жаштагы жаңы прокурор буга чейин ушул эле мекемеде жетекчинин орун басары болуп иштеген, жалпысынан 20 жылдан ашык тажрыйбасы бар. Ал эми шаардын мурунку прокурору Анарбай Мамажакыпов Баткен облусуна прокурор болуп дайындалганы айтылды. (AlS)

Казакстандын жогорку палатасы – Сенат 31-майда президент Нурсултан Назарбаевге Коопсуздук кеңешин өмүр бою жетектөөгө укук берген мыйзам долбоорун кабыл алды. Мыйзам долбоору буга чейин Мажилисте да колдоо тапкан. “Казакстандын Коопсуздук кеңеши жөнүндөгү” мыйзам долбооруна ылайык, Коопсуздук кеңеши эми кеңеш берүүчү органдан конституциялык мекемеге айланат. Ошондой эле Казакстандын туңгуч жана азырынча жалгыз президенти Нурсултан Назарбаевге Коопсуздук кеңешин өмүр бою жетектөөгө укук берилүүдө. Читать дальше...

Кыргызстанда кумсалар психологиялык кысымдан арылбай келет. Бул тууралуу бүгүн Бишкекте өткөн басма сөз жыйынында Бириккен Улуттар Уюмунун атайын баяндамачысы Дайниус Пурас билдирди. Анын айтымында, Кыргызстанда жыныстык билим берүү жөнгө салынбай, кумсалар коомдун, жакындарынын зомбулугуна, психологиялык кысымына учурап жатат. БУУ өкүлү өлкөдөгү адам укуктарын коргоо жаатында мыйзамдарды сактоо керектигин белгиледи. Кыргызстанда ЛГБТ өкүлдөрүнүн саны тууралуу так маалымат жок. Кумсалыкты үгүттөөгө каршы мыйзам долбоору даярдалып... Читать дальше...

Келерки жылдан тартып Кыргызстанда кылмыштардын жана тартип бузуунун бирдиктүү реестри иштей баштайт. Бул тууралуу бүгүн Бишкекте өткөн басма сөз жыйынында Коопсуздук кеңешинин катчысы Дамир Сагынбаев билдирди. - Бул система тергөөчүлөр менен укук коргоо органдарына гана эмес, катардагы жарандарга да арыздын каралышы, тергөөнүн жүрүшү, сотто кабыл алынган чечим тууралуу бүт маалыматты көрүп турууга мүмкүнчүлүк берет, - деди ал. Быйыл 8-февралда мамлекет башчы Сооронбай Жээнбеков Коопсуздук кеңешинин жыйынын өткөрүп... Читать дальше...

Кыргызстанда дагы бир наристе туугандарынан таяк жеп, ооруканага түштү. Бул ирет эки жашар балага кол көтөргөн окуя Балыкчы шаарында катталды.

Орусиянын тышкы иштер министри Сергей Лавров Пхеньянга Түндүк Кореянын жогорку кызмат адамдары менен сүйлөшкөнү барды. Белгилей кетүүчү жагдай - 12-июнга АКШ менен Түндүк Кореянын саммити пландалган.  "Биз Түштүк Корея менен Түндүк Кореянын, ошондой эле АКШ менен Түндүк Кореянын  байланыштарын кубаттайбыз", деди Сергей Лавров 31-майда Түндүк Кореянын тышкы иштер министри Ри Юн Хо менен жолуккандан кийин. Бул тууралуу Орусиянын ТАСС маалымат агенттиги кабарлады.  Лавровдун иш сапары Пхеньян Кошмо... Читать дальше...

Бишкек-Нарын-Торугарт трассасында жол кырсыгынан үч киши каза болуп, алты адам оор жаракат алды. Бул тууралуу Өзгөчө кырдаалдар министрлигин басма сөз кызматы кабарлады Кырсык жолдун 250-чакырымында, 31-майга караган түнү болду. Анда “Ауди 100” үлгүсүндөгү машине менен “Хонда Фит” үлгүсүндөгү автоунаа кагышып кеткен. Окуя болгон жерге ӨКМдин №42 өрт-куткаруу бөлүмүнүн алты кызматкери барып, кырсыктан каза болгондорду жана жабыркагандарды автоунаадан чыгарып, "Тез жардамдын" кызматкерлерине өткөрүп беришкен. Читать дальше...

Өкмөт мамлекеттик чоң үлүшү бар ишканалардагы айлык маселеси тууралуу парламентке маалымат бериши керек. Бүгүн Жогорку Кеңештин жалпы жыйынында “Республика - Ата Журт” фракциясынын депутаты Акылбек Жамангулов ушундай талап койду: - Жетекчилердин ишканага салымы чоң болсо, киреше алып келүүчү компания болсо ошондой айлык алсын. “Мегакомдун” жетекчисинин айлыгы 300 миң сом, бонус, сый акы кошулганда 700-800 миңге жетет экен. Кандай көрсөткүчтөрдүн негизинде ушундай айлык коюп алышкан? “Кыргызтелеком” банкроттук алдында турат... Читать дальше...

Өкмөт мамлекеттик чоң үлүшү бар ишканалардагы айлык маселеси тууралуу парламентке маалымат бериши керек. Мындай талапты бүгүн Жогорку Кеңештин жалпы жыйынында “Республика Ата-Журт” фракциясынын депутаты Акылбек Жамангулов айтып чыкты: - Жетекчилердин ишканага салымы чоң болсо, киреше алып келүүчү компания болсо ошондой айлык алсын. “Мегакомдун” жетекчисинин айлыгы 300 миң сом, бонус, премия кошулганда 700-800 миңге жетет экен. Кандай көрсөткүчтөрдүн негизинде ушундай айлык коюп алышкан? “Кыргызтелеком” банкрот алдында турат... Читать дальше...

Бишкек шаарындагы 19 мектеп быйыл жыл аягына чейин оңдоп-түзөлөт. Бул тууралуу Бишкек шаардык мэриясынын алдындагы Капиталдык курулуш башкармалыгынын башчысы Нурлан Эсенбаев шаардык кеңеште отчет берип жатып билдирди. Анын айтымында, негизинен бул мектептердин чатырлары жаңыланат. Буга шаардык бюджеттен 93 млн. сом жумшалат. Мындан сырткары баш калаада дагы үч мектептин тамактануу блогунда ПРООНдун линиясы аркылуу оңдоо иштери жүрөт. Эсенбаев белгилегендей, борбордо мектептердин тартыштыгы курч маселе болуп турат. Читать дальше...

Элет жеринде арзыбаган айлык алгандарды эмес, министрлерди коштоп жүргөн ашыкча кызматкерлерди кыскартуу керек. Мындай пикирин бүгүн парламентте сүйлөп жатып КСДП фракциясынын депутаты Рыскелди Момбеков билдирди. - Эмне үчүн бизде, ЖК депутатында бир эле жардамчы бар, шоопурубуз да жок? А бир министрди он киши тейлейт. Жалганчы жардамчыларын, жанбакты жансакчыларынын баарын жайнатып жанында алып жүрөт. Элди ошолор иренжитип жатат. Кыскартсын аппаратта жайнап жүргөн туфлиси чыкыраган, костюм-шым кийген, компьютерден башканы билбеген балдарды. Читать дальше...

Кыргызстандын өкмөтү Билим берүү жана илим министрлигине окуу китептерин ижарага бере турган “Жаӊы китеп” мекемесин түзүү боюнча ишти тездетүүнү тапшырды. Бул тууралуу өкмөттүн аппаратынын маалыматтык камсыздоо бөлүмү кабарлады. Билдирүүдө айтылгандай, “Жаӊы китеп” мекемеси жалпы билим берүү мекемелериндеги окуу китептеринин жетишсиздик маселесин чечүүгө багытталган. Мунун алкагында китептерди ижарага берүү механизми баскычтар менен киргизилет. Ага ылайык, 5-11-класстардын окуучулары үчүн жаңы... Читать дальше...