Новости за 05.01.2019

Анталия шаардык миграция департаментинен "Азаттыкка" билдиришкендей, зомбулукка кабылган 37 жаштагы Ф.К. Манавгат аймагындагы жандармерияга өзү кайрылган.  Маалыматка ылайык, Ф.К аттуу келин Анталияга 2018-жылдын 10-августунда мекендештеринин чакыруусу менен барган. Аны беш ай бою ур-токмокко алышып, сойкулук кылууга мажбурлашкан.   5-январда бул окуя боюнча эки кыргыз жараны кармалган. Аларга "адам сатуу жана адамды эркинен ажыратуу" беренеси боюнча айып тагылып, камакка алынган. Кыргызстандын... Читать дальше...

25 жаштагы Игорь Беляев "Жетим балдардын укугун коргоо" борборун жетектейт. Игорь өзү балдар үйүнүн тарбиялануучусу. Игорь Беляевди бир жашында чоң энесинен социалдык кызматкерлер алып кетип, балдар үйүнө тапшырышкан. Игорь жети жылдан бери ата-энесин, жакындарын издеп жүрөт.

Кыргыз Эл артисти, белгилүү опера ырчысы, "таң булбулу" деп таанылган ырчы Эсенбүбү Нурманбетова 62 жашында бул дүйнөдөн өттү.

Ташкенттин аэропортунда кармалган, теги өзбекстандык, Франциянын жараны, 32 жаштагы Рахмат Турон бошотулду. Ал 4-январда Францияга кайра кетип жатканда кармалып, 5-январда бошотулганын өзү "Азаттыктын" өзбек кызматына билдирди. Маалыматка караганда, күч кызматкерлери Рахмат Туронду 2006-жылы чек араны мыйзамсыз кесип өткөнү үчүн деп кармап, Кашкадарыя облусунун Мубарек райондук Ички иштер бөлүмүнө алып барышкан. Ага ошол кезде ачылган кылмыш иши жабылып, анан коё беришкен.  “Азаттыктын” өзбек кызматынын маалыматына караганда... Читать дальше...

Кыргыз Эл артисти, белгилүү опера ырчысы, "таң булбулу" деп таанылган ырчы Эсенбүбү Нурманбетова 62 жашында бул дүйнөдөн өттү.

Кыргызстандын курама командасы аталган чемпионатка биринчи жолу катышып жатат.

2019-жылдын 7-февралынан тарта "Милдеттүү камсыздандыруу боюнча автоунаа ээлеринин жарандык-укуктук жоопкерчилиги тууралуу" мыйзам күчүнө кирет.

Кувейтте узундугу 48,5  километр болгон дүйнө жүзү боюнча эң узун делген унаа жүрүүчү көпүрөнүн курулуш иши 2019-жылы аяктайт.

АКШда атышуудан үч адам каза болду, дагы бир нечеси жараат алды. Окуя бир аз мурдараак Лос-Анжелестеги боулинг-клубдардын биринде болгону кабарланууда. Полиция көптөгөн адамдар жараат алганын билдирди. Фейсбуктун колдонуучуларынын бири клубдан түз көрсөттү, анда кансыраган адам жерде жатканын көрүүгө болот. The Los Angeles Times маалымдагандай, атышуу башталар алдында клубда мушташ болгон. Учурда окуя болгон жерди полиция курчап турат. (RK)

6-январда түнкүсүн айрым жерлерде жаан, кар, тоо этектеринде жана тоолуу райондордо кар жаайт, күндүз жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -2...-7, күндүз 1...6, Таласта түнкүсүн -5...-10, күндүз -2...+3, Ысык-Көлдө түнкүсүн -6...-11, күндүз -2...+3, Ошто, Баткенде, Жалал-Абадда түнкүсүн 0...-5... Читать дальше...

Ички иштер министрлиги жолдо тартип орнотууну акча табуу амалына айландырган кызматкерлерден арылуусу керек. Премьер-министр Мухаммедкалый Абылгазиев ушундай талап коюп, милицияга жана атайын кызматка “паракорлорду аныктоо жана аларды катуу жазалоо боюнча туруктуу негизде атайын рейддерди жүргүзүүнү” тапшырды. «Айрым милиция кызматкерлери өздөрүнүн мыйзамсыз аракеттери менен жарандардын нааразылыгын жана сын пикирлерин жаратууда» - деп белгиледи өкмөт башчы. 1-январдан тартып Кыргызстанда Административдик... Читать дальше...

Аба ырайына байланыштуу Батыш Казакстан облусунда автоунаанын бардык түрү үчүн бардык багыттар боюнча жол бүгүн 5-январда убактылуу жабылды. Бороондун айынан республикалык да, облустук да маанидеги жолдор жабык турат. Синоптиктер шашылыш эскертүү жасап, дем алыш күндөрү аймакта шамалдын ылдамдыгы катуулап, бороон болорун алдын ала билдирген.  Өткөн аптада Казакстанда сууктан жүргүнчүлөр эвакуция болгон. (RK)

Түркия ооган өкмөтү жана талибдердин ортосундагы 17 жылдан бери токтобой жаткан куралдуу жаңжалды токтотуу жөнүндө Ооганстан менен Пакистандын сүйлөшүүлөрүнө ортомчу боло алат. Бул тууралуу Түркиянын президенти Режеп Тайып Эрдоган билдирди. Пакистандын премьер-министри Имран Хан менен жолугушуудан кийин журналисттердин суроолоруна жооп берип жатып түрк президенти үч өлкөнүн өкүлдөрү катыша турган жолугушуу Стамбулда март айында өтөрүн айтты. - Кудай буюрса үч тараптуу саммитти Стамбулда 31-марттагы шайлоодон кийин өткөрөбүз. Читать дальше...

“Тазалык” ишканасы боору жабыркап, тез арада хирургиялык операцияга муктаж болуп жаткан жумушчусуна каражат чогулта баштады. Боордун альвеококкозу деген диагноз коюлган Жеңишбек Касымовго Индиядан операция жасатуу пландалууда. Зарыл болгон 30 миң доллардын дагы 18 миңи жетишпей жатканын “Тазалыктын” басма сөз катчысы Жибек Каракеева Фейсбуктагы жеке баракчасына жазды. Былтыр Жеңишбекке Түркиядан бекер операция жасап беребиз дешкен, бирок донору туура келбей калып, эми индиялык доктурлар анын боорун алмаштырууга убада берип жатышат. Читать дальше...

Ташкенттин аэропортунда Өзбекстандын мурдагы жараны, 32 жаштагы Рахмат Турон кармалды. “Азаттыктын” өзбек кызматынын маалыматына караганда, Турон азыр Франциянын жараны жана ал мекенине туристтик виза менен келип, кайра кайтып жаткан. Прокуратура 1987-жылы Мубарек районунда туулган Рахматилла Тураев (Рахмат Турон – Ред.) аттуу адам Өзбекстандын Кылмыш-жаза кодексинин “кылмыштуу жол менен алынган киреше” жана “чек арадан мыйзам бузуп өтүү” деген эки беренеси боюнча айыпталып жатканын, ага эл аралык издөө жарыяланганын билдирди. Читать дальше...

Кыргызстанда кайрымдуулук уюмдарынын ишин жөнгө салуучу жаңы нормалар иштелип чыкты. Бул жөнүндөгү мыйзам долбоорун Жогорку Кеңеш коомдук талкууга чыгарды. «Меценаттык жана кайрымдуулук иши жөнүндө» мыйзам 1999-жылдын 6-ноябрында кабыл алынган. Ага ылайык, коммерциялык бирикмелер ыктыярдуу негизде “кайрымдуулук уюму” деген макам алууга укуктуу. Алар үчүн Салык кодексинде жеңилдиктер каралган, бирок бир да уюм андан пайдаланбайт. Себеби кайрымдуулук уюму деп таанылыш үчүн өз кирешесинин 98% кайрымдуулук максаттарына... Читать дальше...

Өмүрбек Текебаевди абактан бошотуу жөнүндөгү өтүнүч учурда президенттик аппаратта каралып жатат. Бул тууралуу "Азаттык" радиосуна президенттин басма сөз катчысы Толгонай Стамалиева билдирди. 25-декабрда экс-президент Роза Отунбаева мамлекет башчысы Сооронбай Жээнбековго кайрылып, Текебаевге ырайым берүүнү өтүнгөн. “Мунапыстын жалпы принциптери жана ырайым берүү жөнүндө” мыйзамдын беренесине таянып ал мамлекет башчысы соттолуучу өзү кайрылбаса да, эмгектери же башка жөндүү себептери болсо ырайым бере ала турганын белгилеген. Читать дальше...

Кыргызстандын Кыйноолорго каршы улуттук борбору Бишкек жылуулук электр борборун (ЖЭБ) модернизациялоого байланыштуу коррупцияга айыпталып жаткан мурдагы аткаминерлердин абактагы шарттары тууралуу маалымат берди. Мекеменин жетекчиси Нурдин Сулайманов “Азаттык” радиосуна билдиргенине караганда, Улуттук коопсуздук боюнча мамлекеттик комитеттин тергөө абагында кармалып жаткандардын шартын жалпысынан жакшы деп мүнөздөсө болот: - Жаза аткаруу кызматынын изолятору менен, милиция системасынын убактылуу... Читать дальше...

Казакстанда кесиптештерин куттуктап жатып, аларды «банда» деп атаган ИИМ академиясынын кызматкери иштен айдалды.

Бишкекте шахмат боюнча балдар арасында Кыргызстандын чемпионаты өтүп жатат. 4-январда башталган иш-чара Гапар Айтиев атындагы Улуттук көркөм өнөр музейинин имаратында уюштурулууда. Жыйынтыгы 12-январда чыгат. Чемпионаттын уюштуруучулары - Жаштар, дене тарбия жана спорт боюнча мамлекеттик агенттик, Кыргызстандын Шахмат федерациясы жана "FOFINGO" уюму. Шахмат федерациясынын президенти Милан Турпановдун айтымында, бул турнир жыл сайын өткөрүлөт. Быйыл жылдагыдан эң көп спортчу - Кыргызстандын бардык аймактарынан 625 бала катышууда. Читать дальше...

Айдоочулардын жоопкерчилигин камсыздандырууну баштоо үчүн өткөөл мөөнөт берилет. Финансылык көзөмөл кызматынын маалыматына караганда, «Автотранспорт каражатынын ээсинин жарандык-укуктук жоопкерчилигин милдеттүү камсыздандыруу жөнүндө» мыйзам 7-февралда күчүнө кирет. Бирок 7-августка чейин кошумча убакыт берүү жагы каралып жатат. Өкмөттүн тиешелүү токтому коомдук талкууга коюлду. Өкмөт эгер камсыздандыруу полиси бар айдоочу жол кырсыгына кабылса анын мүлктүк кызыкчылыктары корголорун айтууда. Полистин баасы азырынча аныктала элек. Читать дальше...

Рейтинг 30-декабрда Калифорнияда өткөн UFC 232 турниринин жыйынтыгына карап чыгарылган.

Майып балдарын баккан ата-энелерге 2019-жылдын 1-январынан баштап 4900 сомдон төлөнө баштайт.

Ошто 33 бейтап бюджеттин эсебинен гемодиализ алуудан баш тартты. Алар 2018-жылдын ноябрь айында БЭМАН дарылоо-диагностикалык борбору уткан тендердин жыйынтыгын жокко чыгарууну талап кылууда.

Тажикстанда доктурлар милдеттүү түрдө дарыгердин кесиптик гимнин жаттап жатышат. “Азаттык” радиосунун тажик кызматынын маалыматына караганда, жаңы жылдан бери бардык ооруканаларда кызматкерлердин эртең мененки чогулушу “Сиз Тажикстандын медицина кызматкеринин гимнин жаттадыңызбы?” деген суроо менен башталууда. Саламаттыкты сактоо жана социалдык коргоо министрлигинин мындай талабын аткарбаган кызматкерлер жазага тартылат. Доктурлардын кесиптик квалификациясы да гимнди билгенине жараша ыйгарылмай болууда. Читать дальше...