Новости за 26.01.2019

Бишкек Жылуулук электр борборунун (ЖЭБ) адистери 26-январда түтүктөрдөгү мүчүлүштүктү оңдоп, түндө жылуулук бериле баштаганын "Электр станциялары" ишканасынын басма сөз кызматы кабарлады. Ишембиде тармактык суу менен камсыз болгон түтүк бузулуп, ысык суу токтотулган жана Бишкектин түштүк тарабында жылуулук азайган. Шаардын борбордук бөлүгүндөгү, темир жолдун түндүк жагындагы түтүктөрдө суу токтогон. Оңдоо иштерин кечки саат 21:00гө чейин бүтүрүү пландалган. Анын алдында баш калаанын бир нече... Читать дальше...

Кыргыз тилинде бир эле сөздүн бир канча маанини түшүндүргөндөрү арбын кездешет.

Бул ыр эмес, балдарга сөз үйрөтүү үчүн оюн ыкмасына салынып жасалган атайын тил сөздүк. Муну бала бакчалардын тарбиячылары, мектеп мугалимдери, кыргыз-орус тилдерине арналып өткөрүлчү ар кандай иш-чаралардын уюштуруучулары өздөрүнө колдонмо катары пайдаланса болот деген ойдобуз.

Кыргызстан социал-демократтар партиясынын (КСДП) мүчөсү, парламенттин мурдагы депутаты Мээрбек Мискенбаев 26-январда да тогуз сааттай сурак берди. Партиянын расмий өкүлү Кундуз Жолдубаева билдиргендей, ал эртең менен саат тогузда Экономикалык кылмыштуулукка каршы күрөшүү боюнча мамлекеттик кызматында сурак берип, кечки саат алтыдан өткөндө чыкты. Кийинки сурак 28-январга белгиленди.  Мискенбаев 25-январда да 11 саат сурак берген.  Экономикалык кылмыштуулукка каршы күрөшүү боюнча мамлекеттик... Читать дальше...

Эрежесиз эр урушка чыгып мушташып жаткандардын ичинен кээде чырайлуу кыздарды да кезиктирүүгө болот. Алар октагондо бири-бирин уруп-согуп, колу-бутун кайрып жаткан болот.

Өсүмдүктөрдүн гүлү аарылардын үнүн угат. Туздуу кыртышта өскөн чөптөн биоотун жасалды. Бактылуулук абанын сапатына көз каранды. Узун өмүрдүн гени мураска берилет.

Аялдар кош бойлуу кезинде жана төрөттөн кийин физиологиялык эле эмес психологиялык жактан да жабыркаган учурлар көп кездешет. Соңку жылдары өз жанын кыйган жаш энелер катталууда. Бул жолу «Эже-сиңдилер» телепрограммасында төрөткө чейинки жана андан кийинки саламаттык тууралуу баарлаштык.

Лейлекте райондук ооруканалардын базасында алгачкы жолу жүрөккө операция жасалды.

Орусияда акыркы сурамжылоо президент Владимир Путинге элдин ишеними соңку 13 жыл ичинде төмөндөп кеткенин көрсөттү.  Калктын пикирин изилдөө борбору өткөргөн сурамжылоого ылайык, Путинге ишенгендер жарандардын 32,8 пайызын гана түзөт. Бир апта мурдагы сурамжылоодо бул сан 33 пайыздан жогору болчу.  Путиндин саясатына ишеними азайгандардын көбү баалардын өсүшүн жана кирешенин азайышын (респонденттердин 57%), жумушсуздукту (46%) жана жарандарды социалдык жактан коргоонун алсыздыгын (43%) мисал келтиришкен. Читать дальше...

Мамлекеттик чек ара кызматы "Токмок автожол" өткөрүү пунктунда атышуу болгону тууралуу кабарды төгүнгө чыгарды. "Чек арадан өтүп бараткан жарандардын ортосунда эч кандай атышуу болгон эмес", - деп кабарлады мекеменин басма сөз кызматы. Мурдараак ушундай эле билдирүүнү Чүй облустук Ички иштер башкармалыгы да тараткан.  Буга чейин айрым маалымат каражаттары 25-январда түнкү саат үч менен таңкы саат бештин ортосунда аталган өткөрүү пунктунда аткезчилер менен чыр-чатак чыгып, атышуу болгонун жазышкан. Читать дальше...

Орусиядагы "ЧВК Вагнер" деп аталган жеке аскердик компаниянын 400 жоочусу Венесуэланын легитимдүүлүгү таанылбай жаткан президенти Николас Мадурону коргоо үчүн жөнөтүлгөн. Бул тууралуу "Reuters" агенттиги маалымдады. Азырынча Кремль бул тууралуу комментарий бере элек.  Шаршембиде президенттин ыйгарым укуктарын өзүнө алганын жарыялаган Хуан Гуайдо жума күнкү митингде сүйлөп жатып, эмки аптада Каракаста ири демонстрацияларга даярдык жүрүп жатканын жарыялады.  Буга чейин Венесуэланын президенти,... Читать дальше...

Кыргызстандын, Өзбекстандын жана Тажикстандын бири-бирине чектеш облустарынын жетекчилери элдин карым-катышын жандантып, аймактагы туризмди өнүктүрүүнү макулдашты. Ал үчүн маданий жана спорттук иш-чараларга басым жасалмакчы.  Кыргыз өкмөтүнүн Баткен облусундагы ыйгарым укуктуу өкүлү Абиш Халмурзаев, Өзбекстандын Фергана облусунун акими Шухрат Ганиев, Тажикстандын Согди облусунун төрагасы Ражоббой Ахмадзода Тажикстандын Канибадам шаарында 25-январда жолугушту. Бул тууралуу Баткен облустук администрациясынын басма сөз кызматы кабарлады. Читать дальше...

Кыргызстандын футбол боюнча улуттук курама командасынын оюнчусу Мирлан Мурзаев Азия кубогунда чабуулчу болууну ал өзү тандагандыгын айтты.

АКШ президенти Дональд Трамп бир катар кеңселерди 15-февралга чейинки каржылоо боюнча Конгресс кабыл алган убактылуу бюджетке кол койду. Ошентип 35 күнгө уланган "шатдаун" токтоду. Алдыдагы үч жумада узак мөөнөттүү бюджет маселеси талкууланат. Мурдараак АКШ Сенаты "шатдаунду" 35 күндүк мөөнөткө токтотуп коюуга багытталган мыйзам долбоорун колдогон. Бул мыйзам бюджетсиз калган министрликтерди жана мекемелерди каржылоого каратылган. Бирок анда АКШ менен Мексиканын ортосуна дубал куруу үчүн акча бөлүү тууралуу сөз жок. Читать дальше...

Ирандын тышкы иштер министри Мухаммад Жавад Зариф Венесуэланын тышкы иштер министри Хорхе Арреса менен телефондо сүйлөшүүсүндө Иран Венесуэла өкмөтүн колдой тургандыгын билдирди.

Бразилиянын Белу-Оризонти шаарынын аймагында дамбаны суу жырып кетип, бери дегенде тогуз адам өлүп, үч жүздөй киши дайынсыз жоголду. Бул тууралуу "Globo" телеканалы кабарлады. Шахтанын чыгындылары топтолгон дамба жума күнү жарылган. Натыйжада, шахтаны жана бир канча үйдү суу каптаган. Апаат болгон жерде жүзгө жакын куткаруучу иштеп жатат. Жакын жерде жашагандар коопсуз жакка көчүрүлдү.  Окуя болгон жерге үч министр барды. Бразилиянын президенти ишемби күнү келери кабарланган.

Өкмөттүн Баткен облусундагы ыйгарым укуктуу өкүлчүлүгүндө күч түзүмдөрүнүн, чек аралаш жайгашкан район, шаар жана айыл өкмөт башчыларынын катышуусунда кеңешме өткөнүн облустук бийликтен “Азаттык” радиосуна билдиришти. Жыйында чек ара аймактарындагы чыр-чатактардын алдын алуу, жаңжалдарга себеп болгон маселелерди сүйлөшүү жолу менен жөнгө салуу, коңшулаш өлкөлөр ортосундагы макулдашылган чечимдерге жоопкерчилик менен мамиле жасоо, жергиликтүү калкка түшүндүрүү иштерин жүргүзүү маселеси сөз болду. Читать дальше...

Кыргызстан социал-демократтар партиясынын (КСДП) мүчөсү, парламенттин мурдагы депутаты Мээрбек Мискенбаев 26-январда кайрадан суракка чакырылды. Партиянын расмий өкүлү Кундуз Жолдубаева билдиргендей, ал ушул тапта Экономикалык кылмыштуулукка каршы күрөшүү боюнча мамлекеттик кызматында сурак берүүдө.  Мискенбаев 25-январда да 11 саат сурак берип чыккан.  Экономикалык кылмыштуулукка каршы күрөшүү боюнча мамлекеттик кызматынын басма сөз катчысы Анастасия Пискур Мискенбаев бир күн мурда суракка чакырылганын ырастап... Читать дальше...

2018-жыл Кыргызстан үчүн оңой болбоду, бирок социалдык-экономикалык өнүгүүсү оң натыйжа көрсөтүп, ички дүң өнүм 3,5 пайызга өстү. Бул тууралуу премьер-министр Мухаммедкалый Абылгазиев 25-январда өкмөт жыйынында билдирди.  "2019-жыл – биз жасаган иштердин жыйынтыгын көрсөтө турган маанилүү жыл", - деген Абылгазиев 2018-жылдагы жетишкендиктер деп III Дүйнөлүк көчмөндөр оюндары, жазуучу Чыңгыз Айтматовдун 90 жылдыгын, Түрк тилдүү мамлекеттердин кызматташтык кеңешинин мамлекет башчыларынын кеңешинин... Читать дальше...

12 жаштагы Одри Аиданы 11 жыл мурда америкалык үй-бүлө асырап алган. Ал ушул жашка чыкканга чейин АКШда жашады. Жарым жылда мурда ал ата-энеси менен Кыргызстанга келген. Ал мурда туулган жерин сүрөттөн гана көрүп келсе, эми ата-энеси менен өлкө аймагын кыдырып жүрөт. Учурда ал кыргыз маданияты, салт-санаасы менен таанышып, кыргыз тилин үйрөнүүдө.

БАЭ командасы австралиялыктар менен ойноо үчүн 1/8 финалда Кыргызстанды 3:2 упай эсебинде уткан.

Америкалык жазуучу Эрнест Хемингуэйдин “Чал жана деңиз” чыгармасынын совет доорундагы кыргызча котормосунан улам заманбап котормо көйгөйлөрүнө кылчайып...

Кыргызстанда 2019-2025-жылдарга карата темир жол транспортун өнүктүрүү концепциясынын долбоору сунушталды. Расмий маалыматка ылайык, 26-январда премьер-министр Мухаммедкалый Абылгазиев темир жол транспортун өнүктүрүүгө арналган кеңешме өткөрдү. «Кыргыз темир жолу улуттук компаниясы» мамлекеттик ишканасынын башкы директору Канатбек Абдыкеримов жогоруда аталган долбоорду сунуштады. Өкмөт башчынын тапшырмасы менен иштелип чыккан концепциянын алкагында ишканаларды башкаруунун жаңы модели – акционерлештирүүнү түзүү пландаштырылууда. Читать дальше...

Бишкек ЖЭБинде кайрадан көйгөй жаралды.Бир жыл мурда ушул эле күнү стратегиялык объектте болгон кырсыктын айынан чоң саясий чыр чыгып, бир катар чиновниктер камакка алынган.

"Facebook" компаниясы "Facebook Messenger", "Instagram" жана "WhatsApp"  тиркемелеринин бирдиктүү системага бириктирет.  "The New York Times" билдиргендей, ар бир кызмат өз алдынча тиркеме катары иштей берет, бирок система жалпы болуп, колдонуучулар бир платформада туруп экинчиси менен да тоскоолдугу жок байланыша алат. Башкача айтканда, "Facebook Messenger" колдонуучусу "WhatsApp" тармагындагы адамга билдирүү жөнөтсө болот. "BBC" кабарлагандай, бирдиктүү системага өтүү жараяны узакка созулушу мүмкүн.