Неколку илјади граѓани излегоа на протест против промена на името на плоштадот Македонија во Скопје. Дијаспората истовремено одржува протести во 14 градови во светот.
Претседателот на Владата на Република Македонија Зоран Заев вечер треба да се сретне со лидерот на ВМРО ДПМНЕ Христијан Мицкоски. Како што јавуваат повеќе медиуми, на средбата ќе се разговара за актуелната политичка ситуација во земјата, а се претпоставува дека ќе стане збор и за преговарачкиот процес за името со претставници на грчката влада. Инаку, Мицкоски вчера имаше прва официјална средба со претседателот на ДУИ Али Ахмети.
Италијанскиот фудбалер Давиде Астори почина денеска на 31-годишна возраст, објави неговиот клуб Фиорентина. Капитенот на тимот од Фиренца не се разбудил од сон во хотелот во Удине, каде што Фиорентина требаше да го одигра натпреварот со Удинезе. Италијанските медиуми пишуваат дека Астори имал срцев удар. Астори, кој има 14 натпревари за националниот тим на Италија, пред две недели стана татко. Кариерата ја започна во Милан, а потоа играше за тимови како Кремонезе, Каљари и Рома. Сите дуели од 27. Читать дальше...
Претседателот на Јужна Кореја Мун ин Јае ќе испрати делегација предводена од директорот за национална безбедност во Северна Кореја на разговори за тоа како да се намалат „нуклеарните“ тензии и да са притисне за разговори меѓу Пјонгјанг и Вашингтон. Делегацијата е најавена денеска и оваа вест доаѓа во редок момент на детант меѓу двата ривала, создаден на неодамнешните Зимски олимписки игри во Јужна Кореја. Десетчлената делегација утре патува за Пјонгјанг во дводневна посета, која вклучува разговори со високи претставници на Северна Кореја.
Полицијата ги идентификува тројцата учесници во инцидентот кои на 1 март на автобуската постојка Рекорд во центарот на Скопје му нанесоа убодна рана на З.Т.(17) од Скопје. Како што информира директорот на Бирото за јавна безбедност Лазо Велковски на денешната прес-конференција, приведени се две од трите лица кои се учесници во настанот, а во моментот во СВР Скопје се преземаат мерки на документирање и целосно расчистување на случајот. Приведените лица во целост го признаваат ова дело и против нив... Читать дальше...
Гласачите во Италија денеска избираат нов парламент, а во трката за состав на нова влада учествуваат популисти и крајно десни партии, меѓу кои и коалицијата на поранешниот трикратен премиер Силвио Берлускони, како и централно-левата алијанса. Според аналитичарите, денешното гласање би можело да заврши со многу тесен резултат меѓу 4 најголеми фаворити. Берлускони, кој има 81 година, не може да учествува во трката за премиер поради пресуда за даночна измама, но се очекува да има клучна улога во идната... Читать дальше...
Во нацрт-спогодбата Атина предлага сложено име, но во форма на еден слеан збор, за сите, пишуваат грчки медиуми, пренесува дописникот на МИА од Атина. Според грчкиот весник „Неа селида“. грчката Влада предлага сложено име, непреведено за сите употреби (ерга омнес). На пример, земјата може да се вика „Горнамакедонија“, а не „Горна Македонија“, односно со два збора. Во весникот се споменува и кратенката „МК“ која „Грција не ја прифаќа“. Според пишувањата новата кратенка би можела да биде „GO“ или „GM“ (од Горнамакедонија). Читать дальше...
Опасноста од локални излевања на Треска, Црна Река и Вардар и нивните притоки и натаму останува во горните текови, како и на Пчиња, Сатеска, Голема Река и други реки главно во западниот дел од државата. Потврдени излевања има во горниот тек на Црна Река во атарот на селата Граиште, Единаковци, Света и Бучи, информира Управата за хидрометеоролошки работи (УХМР). Поради појавата на високи водостои и излевања од УХМР предупредуваат на внимателно движење покрај реките и суводолиците, особено во делови од Западна Македонија. Читать дальше...
Членовите на германскaта Социјалдемократска партија гласаа за повторен влез во коалиција со конзервативците на канцеларката Ангела Меркел, објавија германските медиуми по поштенското гласање. Ако биде потврдено, гласањето ќе стави крај на политичката несигурност во Германија, која траеше повеќе од четири месеци. Раководството на партијата треба наскоро да ги објави резултатите. Во наредните недели треба да се објават позициите на министерствата и да се формира новата влада.
Во Белград се одржуваат локални избори. Граѓаните избираат советници во градскиот Совет. На изборите учествуваат 24 изборни листи, право на глас имаат 1, 6 милиони граѓани. На изборите за главниот град на Србија, граѓаните не избираат градоначалник, туку само гласаат за листите на партиите или за коалициите, а градоначалникот го избира во Собранието на Градот Белград. Изборите ќе се одржат избори и за општините Бор и Аранѓеловац.
Во организација на движењето „Нашето име е наше право“, денеска попладне ќе се одржи протест на плоштадот „Македонија“, во Скопје, Во исто време ќе има протести на Македонци од дијаспората и тоа во 14 градови во светот: Франкфурт – Германија, Малме – Шведска, Вашингтон – Сад, Мелбурн, Сиднеј, Перт и Бризбејн – Австралија, Оукленд – Нов Зеланд, Хаг – Холандија, Лондон – Велика Британија, Крањ – Словенија, Валета – Малта, Канали – Италија и Прага – Чешка. На собирот, како што велат организаторите... Читать дальше...
Времето денеска ќе биде променливо облачно и релативно топло со слаб до умерен западен и северозападен ветер. Претпладне во западните делови со повремен локален дожд, а на планините особено во западните делови ќе има повремени и локални врнежи ид снег. Максималната температура ќе достигне од 8 до 20 степени. Во Скопје температурата ќе достигне до 13 степени. До среда се уште ќе има услови за повремени врнежи од дожд, на повисоките планини од снег. Од четврток се очекува преодно стабилизирање на времето.
Планираме магистралните гасоводи комплетно да бидат завршени на почетокот на 2020 година. Тоа значи дека до секоја општина ќе има магистрален гасовод, а секундарната гасификација треба да ја направат општините, вели министерот за транспорт и врски Горан Сугарески во неделното интервју на Радио Слободна Европа.