Новости за 14.07.2018

د لښکرګاه د لسمې حوزې اړوند پر یوه پوسته ځانمرګی برید شوی دی. د پولیسو یوې سرچیني د نوم نه ښودلو په شرط ازادي راډیو ته وویل چې چاودنه د موټربم په واسطه شوې او په ترڅ کي دوه پولیس وژل شوي دي او پنځه نور ټپیان دي. د هلمند د والي ویاند عمرځواک ازادي راډیو ته چاودنه تائید کړه ویې ویل چې څلور پولیس ټپیان دي او څوک وژل شوي نه دي. ویل کېږي چاودنه دخاصو پولیس پر قطعه شوې ده. تراوسه چا د دې برید مسئولیت په غاړه نه دی اخیستی.   پخواني معلومات د لښکرګاه د لسمې حوزې اړوند پر یوه پوسته ځانمرګی برید شوی دی. Читать дальше...

د افغانستان د کلیو او پراختیا وزارت وايي، تر راتلونکو دوو ورځو پورې به د شاو خوا دوه سوه میلیونه افغانیو په ارزښت د بیارغونې يو شمېر پروژې پيل شي. د دغه وزارت ویاند فریدون اژند نن ازادي راډيو ته وویل چې په دغو پروژو کې د زراعتي اوبو رسونې شبکې، استنادي دېوالونه،د سړکونو بیارغول او يو شمېر نورې پروژې شاملې دي. ښاغلی اژند وايي،دغه پروژې په لسو ولایتونو کې د کلیو او پراختیا وزارت لخوا د هند په همکارۍ ترسره کېږي. د ده په خبره د يادو پروژو له لارې به سلګونو تنو ته د کار زمینه هم مساعده شي.

د افغانستان د کرنې او مالدارۍ وزارت د بېلا بېلو ناروغیو او افاتو د تشخیص او د کرنیزو تولیداتو د کیفیت د معلومولو په هدف په کابل کې د لابراتوارونو يو کمپلکس جوړ کړی دی. د دغه وزارت ویاند اکبر رستمي نن ازادي راډيو ته وویل چې په دغه کمپلکس کې چې ۱۳ لابراتوارونه په کې شامل دي، ټاکل شوې چې تر راتلونکو څو میاشتو پورې د کابل په بادام باغ کې ګټې اخېستنې ته وسپارل شي. د ښاغلي رستمي په خبره، دغه کمپلکس چې پرې څه باندې څلور سوه میلیونه افغانۍ لګښت راغلی، په کې د طبعیي افاتو د پېژندلو،د کرنیزو تولیداتو د... Читать дальше...

د پاکستان ترهګرۍ ضد ادارې - نيکټا - د جولايي پر ۱۱مه د هغو پنځو خبریالانو د نومونو فهرست خپور کړی دی کومو ته چې د یادې ادارې په وینا ګواښونه دی.

د پاکستان احتساب ادارې (نیب) چارواکو د جولای پر ۱۳مه، شپې مهال پخوانی وزیراعظم نواز شریف او د هغه لور د راولپېنډۍ اډیالې زندان ته یوړل.

د بدخشان ولایت سیمه ییز چارواکي وايي، امنیتي ځواکونو تېره شپه په ارغنج خوا ولسوالۍ کې د دولت د وسله والو مخالفانو ډله ییز بریدونه په شا تمبولي دي. د بدخشان د والي ویاند نیک محمد نظري نن شنبه ازادي راډیو ته وویل چې په دې نښته کې افغان سرتېرو ته مرګ ژوبله نه ده اوښتې، خو ادعا کوي چې ګڼ شمېر وسله وال په کې وژل شوي دي. طالبانو تر اوسه په دې اړه څه نه دي ویلي.

د ارزګان ولایت د دهراود ولسوالۍ سیمه ييز چارواکي وايي، تېره شپه وسله والو طالبانو په دغه ولسوالۍ کې د افغان بیسیم مخابراتي شرکت دوه پایې سوځولي دي. د ولسوالۍ د امنیه قوماندانۍ مرستیال جان محمد کریمي نن شنبه ازادي راډيو ته وویل چې وسله والو طالبانو دغه پايې چې د افغان بسییم خصوصي شرکت اړوند دي یوه يې د ولسوالۍ په اچکزايي کلي کې او بله هم په څراغ کلي کې سوځولي دي. د نوموړي په وینا چې دا تر اوسه معلومه نه ده چې طالبانو دغه پايې ولې سوځولي، خو زیاتوي چې وړمه ورځ یاد شرکت د څو ساعتونو لپاره خپل فعالیت پیل کړی وو. Читать дальше...

کابل چاپ ورځپاڼو په خپلو نننیو ګڼو کې د ناټو د سرمشریزې او افغانستان سره د دغه سازمان د نویو ژمنو او دغه شان ...

ډیپلوماټ ورځپاڼې په خپله وروستۍ ګڼه کې د افغانستان د سولې په هڅو یوه مقاله لیکلې ده...

د امریکا د متحدو ایالاتو ولسمشر، ډونالد ټرمپ وايي د بریتانیې له صدراعظمې، ترزا مې سره په کتنه کې یې غوښتنه کړې چې پر ایران فشارونه جاري وساتي او ایران باید هېڅ کله هم اټمي وسلې ونه لري. ډونالد ټرمپ پرون جمعه د بریتانیې د صدراعظمې په کور کې له هغې سره وکتل او بیا دواړو خبریالانو ته معلومات ورکړل. په همدې حال کې، زرګونه کسانو په لندن کې د ټرمپ پر ضد مظاهرې وکړې. د بریتانیې صدراعظمې، ترېزا مې وویل چې له ولسمشر ټرمپ سره یې پردې چې د ایران په ارتباط نور څه کولائ شي، بحث کړی دی. دواړو مشرانو همدا راز پر روسیه خبرې کړې دي. Читать дальше...

د امریکا د متحدو ایالاتو ولسمشر، دونالد ټرمپ وايي د بریتانیې له صدراعظمې، ترېزا مې سره په کتنه کې یې غوښتنه کړې چې پر ایران فشارونه جاري وساتي او ایران باید هېڅ کله هم اټمي وسلې ونه لري. دونالد ټرمپ پرون جمعه د بریتانیې د صدراعظمې په کور کې له هغې سره وکتل او بیا دواړو خبریالانو ته معلومات ورکړل. په همدې حال کې ، زرګونه کسانو په لندن کې د ټرمپ پر ضد مظاهرې وکړې. د بریتانیې صدراعظمې، ترېزا مې وویل چې له ولسمشر ټرمپ سره یې پردې چې د ایران په ارتباط نور څه کولائ شي، بحث کړی دی. دواړو مشرانو همدا راز پر روسیه خبرې کړې دي. Читать дальше...