Новости за 02.07.2019

په جوزجان ولایت کې سرچینې وايي چې طالبانو تېره شپه د قوش تپې ولسوالۍ ونیوله. قوش تپه د شبرغان د جنوب لوېدیځ په ۷۰ کیلو مترۍ کې پرته ولسوالۍ ده. د جوزجان د ولایتي شورا یوه غړي چې نه‌غواړي نوم‌یې افشا شي، نن سهار ازادي راډیو ته وویل، تېره شپه ۱۱ بجې طالبانو پر دې ولسوالۍ تهاجمي حملې وکړې چې په نتیجه کې د قوش تپې مرکز سقوط وکړ او هلته دېره شااوخوا سل تنه سرتېري ځیني مړه، ځيني ټپیان او ځیني نور اسیران شول. د طالبانو ویاند ذبیح‌الله مجاهد ازادي راډیو ته وویل، د دې ډلې وسله‌والو تېره شپه قوش تپه... Читать дальше...

د افغانستان جمهوري ریاست وايي، په کابل کې په پرونۍ حمله کې څلور ملکیان او دوه نظاميان وژل شوي دي. د ولسمشر ویاند صدیق صدیقي پرون ماسختن په دې اړه ازادي راډیو ته وويل: په دې برید کې چې هدف يې ملکيان وو، د یوه کوچني په ګډون څلور ملکيان وژل شوي او دوه سرتېري د سخت دريځو پر وړاندي د عملیاتو پر مهال ووژل شول. د افغانستان د روغتیا وزارت ویاند وحیدالله مایار پرون ماښام ازادي راډیو ته وويل، په دې حمله کې ۱۱۶ کسان ټپیان شوي دي. د ده په وینا، اکثریت ټپیان ملکي کسان دي. طالبانو پرون د دې حملې مسئولیت... Читать дальше...

د امریکا ولسمشر ډونالد ټرمپ وايي، افغانستان د ترورېستانو لپاره د یوه لابراتوار په څېر دی. ښاغلي ټرمپ پرون په یوه ټلویزیوني مرکه کې افغانستان له مشهور امریکايي پوهنتون هارورډ سره تشبېه کړ او ویې ویل چې د ترورېستانو لپاره دا هېواد د همدې پوهنتون حیثیت لري. ټرمپ په دې مرکه کې چې د کابل له پرونۍ حملې مخکې ثبت شوې وه او تېره شپه پر فاکس نیوز چینل خپره شوه، یو ځل بیا تینګار وکړ چې غواړي امریکايي سرتېري له افغانستانه وباسي، خو ده زیاته کړه چې وېرېږي چې د امریکايي ځواکونو له حضور پرته به د افغانستان... Читать дальше...

د فارياب چارواکي په دې ولایت کې د دېرشو طالب جګړه مارانو د وژل کېدو خبر ورکوي. د فاریاب د پولیسو ویاند عبدالکریم یورش ازادي راډيو ته وويل چې دا جګړه ماران د دوشنبې په ورځ د افغان ځواکونو په عملیاتو کې د پښتون کوټ ولسوالۍ په نذیر اباد سیمه کې ووژل شول. ښاغلي یورش پرون په دې اړه وويل چې د طالبانو د مشر په ګډون یې ۳۱ غړي ووژل شول او ۱۴ نور يې سخت ټپیان شول. د ښاغلي یورش په وینا، په پشتون کوټ ولسوالۍ کې افغان امنیتي ځواکونو پروني عمليات د ګرزیوان او بلچراغ ولسواليو مواصلاتي لارو پرانیستلو په هدف پیل کړل. Читать дальше...

د ازادي راډیو اوونیزه (د ژوند په شېیو کې) پروګرام له ګلانو څخه درملو ته ځانکړې شوې.

د سعودي په مشرۍ ائتلاف وايي چې ایران پلوو حوثي یاغیانو د سعودي عربستان پر ابحا هوايي ډګر یوځل بیا د بې پیلوټه الوتکې برید کړی او نهه کسان یې ټپیان کړي دي. دې ائتلاف چې په یمن کې د حوثي یاغیانو پرضد عملیات کوي، په یوه بیان کې چې نن د سعودي خبري اژانس خپور کړ، ویلي چې دا حمله نن سهار وشوه او ټپيان یې ملکي وګړي دي چې اته پکې د سعودي عربستان او یو د هند اتباع دي. د حوثي یاغیانو یو ویاند تأیید کړه چې د دې ډلې وسله والو په خپلو پراخو عملیاتو کې د سعودي عربستان د اسیر ولایت د مرکز ابحا هوايي ډګر په نښه کړ.

د بغلان ولایت د دوشي ولسوال صاحب داد غفوري خبرداری ورکړی چې که افغان امنتي ځواکونه د دې ولسوالۍ دره کيان بېرته له طالبانو ونه نیسي، دا ډله به له کیان سره نښتې نورې سیمې هم لاندې کړي. ښاغلي غفوري ازادي راډيو ته د دوشنبې په ماښام وويل چې طالبانو یوه ورځ مخکې دا دره ونیوله. ده وویل: که دا دره بېرته ونه نیول شي، د طالبانو لاره به له دهنه غوري، تاله و برفک او سرخه تاتار سره وصل شي. د بغلان د ولایتي شورا رئیس صفدر محسني همداراز ازادي راډيو ته وويل چې طالبانو د دره کیان کنټرول په خپل لاس کې اخیستی دی. Читать дальше...

وروسته له دې چې تهران د ۲۰۱۵ کال د اټمي موافقې پربنسټ له ټاکل شوې اندازې د زیاتو یورانیمو د غني کولو اعلان وکړ، ولسمشر ډونالد ټرمپ وویل چې ایران له اور سره لوبې کوي. ټرمپ تېره شپه په سپینه ماڼۍ کې د خبریالانو د دې پوښتنې په ځواب کې چې ایران ته څه پیغام لري، وویل چې ایران په دې پوهېږي چې څه کوي او زیاته یې کړه چې دا هېواد له اور سره لوبې کوي. د ملګرو ملتونو د اټمي انرژۍ ادارې IAEA پرون د تهران هغه ادعا تأیید کړه چې وايي، په ټیټه کچه د غني شویو یورانیمو اندازه یې د ۲۰۱۵ کال د موافقې پربنسټ له ټاکل شوي حده اوښتې. Читать дальше...

په مسکو کې د امريکا سفارت د دوشنبې په ورځ پر ټویټرپاڼه لیکلي چې د امریکايي تبعه پال ويلان د طبي معاينې لپاره زندان ته د ډاکتر د ورتلو غوښتنه رد شوې ده. پال ویلان پخوانی نظامي دی چې اوس په روسیه کې د جاسوسۍ په تور بندي دی. د امريکا سفارت پر ټوېټر ليکلي چې د ده روغتيايي وضعیت تر پخوا ډېر خراب شوی دی. څو ورځې مخکې په مسکو کې د امريکا سفارت د روسیې د بهرنيو چارو وزارت ته د اعتراض لپاره یو چارواکی لېږلی و. یاد چارواکي له بهرنيو چارو وزارته غوښتي وو چې د هغو تورونو په اړه دې پلټنې وکړي چې وايي، په زندان کې له پال سره بد چلند کېږي. Читать дальше...

د افغانستان د سولې لپاره د امريکا ځانګړي استازي زلمي خلیلزاد پر خپله ټوېټرپاڼه لیکلي چې جرمني او قطر به په ګډه د راتلونکي شنبې او یکشنبې په ورځو د بین الافغاني خبرو کوربانه وي.

د اټمي انرژۍ نړيوالې ادارې د ایران هغه ادعا تأیید کړه چې د دې هېواد د غني شویو یورانیمو کچه د ۲۰۱۵ میلادي کال د اټمي موافقې له مخې تر ټاکل شوي حده اوښتې ده.