Новости за 18.04.2022

د ځینو راپورونو په اساس طالبان د پولیسو د یوه پخواني لوړپوړي افسر په وژلو تورن شوي. د جمهوري نظام پر مهال دکورنیو چارو پخواني وزیر مسعود اندرابي په خپل ټوېټر باندې طالبان تورن کړي چې ډګروال قسیم قایم یې شکنجه کړی او وژلی یې دی. هغه لیکلي چې: "ډګروال قسیم قایم د طالبانو د بخښنې په فرمان دوکه شوی و او دندې ته په ستنېدو د طالبانو له خوا نیول شوی او د هغوی د شکنجې په خاطر یې ساه ورکړې."  ځینو رسنیو له هغې ډلې هشت صبح هم د قسیم قایم د کورنۍ په حواله ادعا کړې چې دندې ته په ستنېدو سره ډګروال قایم... Читать дальше...

د افغانستان د خبریالانو مرکز د طالبانو له خوا د یوه افغان خبریال د نیولو او وهلو ټکولو خبر ورکړی دی. دغه مرکز په خپل رسمي ټویټر پاڼه کې لیکلي چې د آریانانیوز پخوانی ویاند محب جلیلي تېره شپه په کابل کې د طالبانو له خوا نیول شوی او سخت وهل شوی دی. طالبانو تر اوسه په دې اړه څه نه دي ویلي. د ژورنالیستانو د دفاع د ځینو ټولنو د راپورونو په اساس، له تېر اګست چې طالبان بیا واک ته رسېدلي په افغانستان کې د خبريالانو پر وړاندې تاوتريخوالى ډېر شوى او ګڼ شمېر خبریالان نیول شوي او وهل شوي دي.

د اسلامي همکاریو د سازمان د خوړو د خوندیتوب د برخې مشر کابل ته تللی او هلته یې له طالب چارواکو سره کتلي. د طالبانو د حکومت په یوه اعلامیه کې راغلي چې د اسلامي همکاریو د سازمان د خوړو د خوندیتوب مشر يرلان باډويلټ سره په لیدنه کې د ریاست الوزرا مرستیال مولوي عبدالکبیر د مرستو غوښتنه کړې. اعلامیه د مولوي کبیر په حواله زیاتوي چې جګړو افغانستان ته له هره اړخه زیان رسولی او په کار ده چې د اسلامي همکاریو سازمان له اوسني وضعیته د افغانستان په را ایستلو کې پوره همکاري وکړي. د خوړو د خوندیتوب په برخه... Читать дальше...

د اوکراین ولسمشر ولودومیر زیلینسکي وايي، د فرانسې ولسمشر ایمانویل مکرون ته یې بلنه ورکړې چې اوکراین ته سفر وکړي او د روسي ځواکونو له خوا د "نسل وژنې" شواهد وګوري. مکرون د دې اصطلاح له کارولو ډډه کړې. له سي اين اين سره په مرکه کې، چې پرون د اپریل 17 خپره شوه، زیلینسکي وویل چې هغه په دې اړه له مکرون سره خبرې کړې دي. ولسمشر زیلینسکي زیاته کړه، په دې باور دی چې د متحده ایالتونو ولسمشر جو بایډن هم باید اوکراین ته سفر وکړي. خو سپینې ماڼۍ ویلي دي چې د امریکا د ولسمشر د دغه احتمالي خطرناکه سفر لپاره سمدستي پلان نه شته.

په سویډن کې له دریو ورځو راهیسې د یوې ښي اړخې تُندلارې ډلې او د هغې د مخالفانو تر منځ نښتې روانې دي. يکشنبه په سویډن کې د یوې سخت دریځې ښي اړخې ډلې له خوا د قران کریم د نسخو د سوځولو د پلان له امله د دریمې ورځې لپاره نښتې روانې وې. د سویډن پولیسو پرون د اپریل په ۱۷مه وویل چې په جنوبي ښار مالمو کې د شپې له خوا د ښي اړخي افراطي ډلې او د هغوی د مخالفانو په نښتو کې یو بس، یو تېز رفتاره موټر او څو نور شیان سوځول شوي. په سویډن کې دا څو ورځې تر هغې طرحې وروسته چې د ډنمارکي- سویډني سیاستوال راسموس... Читать дальше...

په یو شمېر لویدیځو او اسیايي هېوادونو کې د افغانستان ډیپلوماټیکو استازولیو پر افغان خاوره د پاکستان وروستۍ بمبارۍ غندلي دي. په ایټالیا،اسټرالیا،چک جمهوریت،ناروې، سریلانکا او ځینو نورو هېوادونو کې د افغانستان سفارتونو د پاکستان د وروستیو بریدونو په تړاو یوه ګډه اعلامیه خپره کړې او دا بریدونه یې غندلي. د راپورونو په اساس شنبه سهار وختي د خوست او کونړ په څو سیمي د پاکستان جټ الوتکو بمباري کړې چې له امله یې یواځې په خوست کې د وروستیو راپورونو په اساس ۴۲ کسان وژل شوي او ۱۵ نور ټپيان دي. په کونړ کې بیا د ۵ کسانو د وژل کېدو خبره تایید شوې ده. Читать дальше...

د ملګرو ملتونو سازمان وايي، په افغانستان کې جګړو، وچکالۍ او اقتصادي ناورین د ماشومانو لپاره بې سارى بشري بحران رامنځته کړی دی. د ماشومانو لپاره د ملګرو ملتونو د وجهي صندوق يا يونېسف د نړیوالو اړیکو او ملاتړ مسوولې پالوما اسکودیرو چې افغانستان ته تللې پرون یو لړ ټوېټونو کې لیکلي دا یې په سترګو ولیدل چې څنګه لسیزو جګړو، وچکالۍ او اقتصادي رکود د ماشومانو لپاره یو بی ساری بشري ناورین رامنځته کړی.  پالوما اسکودیرو لیکلي چې د پکتیا په روغتون کې یې له لسګونو میندو سره لیدلي، چې ټولو یې د خپلو خوارځواکو ماشومانو د بیړنۍ درملنې غوښتنه درلوده. Читать дальше...