Новости за 29.04.2022

داعش یا اسلامي دولت ډلې په مزار شريف کې په شیعه ګانو د پرونيو بمي چاودنو مسوولیت منلی دی. په مزارشریف ښار کې تېر ماښام د سپرلیو په دوو موټرونو کې چاودنو لږترلږه ۹ تنه ووژل او ۱۳ نور یې ژوبل کړل. رویټرز خبري اژانس لیکلي چې داعش په مزار شریف کې په شيعه مسلمانانو د بريدونو مسوولیت د ټيليګرام چېنل له لارې په غاړه اخیستی. تېره اوونۍ هم په مزارشریف ښار کې د شیعه ګانو په یوه جومات کې چاودنې لسګونو کسانو ته مرګ ژوبله اړولې وه. تر دې دمه د مزارشریف د تېر ماښام د چاودنو مسوولیت کومې ډلې په غاړه نه... Читать дальше...

د سعودي عربستان د ملک سلمان خیریه مرکز د کابل ولایت په چهاراسیاب ولسوالي کې ۵۰۰ کورنیو ته خوراکي مواد ووېشل. د سعودي عربستان د ریاض ورځپاڼې د راپور له مخې، دا مرسته د روژې په مناسبت په ۲۰۲۲ کال کې د مرستو د پروژې په لړ کې ووېشل شوه. د دې پروژې پر اساس به د سعودي عربستان له لوري ۱۸ زره ۶۰۰ کورنیو یا یولکو یوولس زره ۶۰۰ تنو ته مرسته ورکول کېږي.

د بخښنې نړیوال سازمان یا ایمینسټي انټرنېشنل د هغه بلوڅ محصل د خوشي کېدو غوښتنه کړې چې په کراچۍ ښار کې پر چینایانو له ځانمګري برید وروسته نیول شوی او د برخلیک په اړه یې معلومات نه شته. ادعا کېږي، چې د یوې بلوڅې ښځې له لوري له انتحاري بریده وروسته په کراچۍ کې یو شمېر کسان په دې خاطر نیول شوي چې په خټه بلوڅ دي. د بخښنې نړیوال سازمان پرون (پنجشنبې) پر خپله ټویټرپاڼه ولیکل چې پر پاکستاني چارواکو غږ کوي چې د بلوڅ محصل بیبګر امداد په اړه دې ووايي چې چېرې دی او که دوی نیولی وي نو سمدستي دې خوشې کړي او یا دې یې محکمې ته وړاندې کړي. Читать дальше...

د ایران یو جګپوړی چارواکی وايي، هېواد یې غواړي چې د افغان کډوالو د پېژندلو په هدف د هغوی سرشمېرنه وکړي. د ایرنا خبري اژانس د راپور له مخې، دا خبره د ایران د کورنیو چارو وزیر احمد وحیدي پرون (پنجشنبې) وکړه. ده ویلي، چې د ایران د اقتصادي پروګرامونو او د کډوالو د پاللو لپاره پکار ده چې افغان کډوال معلوم شي. د ایرن د رسمي خبري اژانس ایرنا د راپور له مخې، له افغان کډوالو او د نورو هېوادونو له اتباعو غوښتل شوي چې د حکومت او پولیسو ادارو ته ورشي څو په خپل وخت د خدماتو د ورکولو د څرنګوالي په اړه د هغوی سرشمېرنه وشي. Читать дальше...

د امریکا ولسمشر جو بایډن به د اوکراین د ملاتړ لپاره له کانګریس څخه د ۳ میلیارده او ۳۰۰ میلیون ډالرو د تصویبېدو غوښتنه وکړي. بایډن وویل، دا پیسې اوکراین ته د خپلې خپلواکۍ د جګړې په خاطر ضروري دي. بایډن، چې په سپینه ماڼۍ کې له خبریالانو سره ږغېده، زیاته کړه: »موږ دې لایحې ته اړتیا لرو... موږ باید دا کار وکړو. د دې جګړې لګښت کم نه دی... خو یرغل ته شا اړول به لا ګرانه تمام شي.»

د ناټو سرمنشي ینس ستولتنبرګ وايي، ناټو چمتو ده چې د روسیې خلاف په جګړه کې د اوکراین ملاتړ ته دوام ورکړي. د رویټرز خبري اژانس د راپور له مخې، ستولتنبرګ پرون (پنجشنبې) په بروکسل کې یوې غونډې ته وویل، ناټو باید د اوږدې مودې لپاره چمتو واوسي او دا احتمال شته چې دا جګړه میاشتې – میاشتې او کلونه دوام وکړي. ده دا هم وویل، چې ناټو به د اوکراین د شوروي د دورې د زړو وسلو ځای په نویو لوېدیځو وسلو ډک کړي.

د طالبانو د حکومت د ښار جوړونې وزارت پرون پنجشنبې له یوه چینايي شرکت سره د کابل د ده سبز ولسوالي په پېروزي ښارګوټي کې د صنعتي پارک د جوړولو موافقه لاسلیک کړه. د طالبانو د ريیس الوزرا د لومړي مرستیال ملاعبدالغني برادر دفتر په یوه خبرپاڼه کې ویلي، چې په دې صنعتي پارک کې به د بیجنګ – ننګرهار د تولیدي او تعمیراتي شرکت له لوري د پېروزي ښارګي په ختیحه برخه کې ۱۵۰ فابریکې جوړې شي. په خبرپاڼه کې همداراز راغلي، چې پر دې پروژې به ۲۱۶ میلیون ډالره ولګول شي او څه باندې ۱۳ زره تنو ته به په کې دایمي او ۳۰ زره نورو ته په غیرمستقیم ډول د کار فرصت برابر شي.

په مزارشریف ښار کې تېر ماښام د سپرلیو په دوو موټرونو کې چاودنې وشوې چې له کبله بې لږترلږه ۹ تنه وژل شوي دي. په دې چاودنو کې، چې ویل کېږي، قربانیان یې شیعه ګان دي، ۱۳ تنه نور ژوبل شوي دي. د رویټرز خبري اژانس د راپور له مخې، په مزارشریف کې د امنیه قوماندانۍ ویندوی محمداصف وزیري وايي، چاودنې په هغو مسافروړونکو موټرو کې شوي چې په شیعه ګانو پورې تړاو لري. تېره اوونۍ هم په مزارشریف ښار کې د شیعه ګانو په یوه جومات کې چاودنې لسګونو کسانو ته مرګ ژوبله اړولې وه. تر دې دمه د مزارشریف د تېر ماښام د چاودنو... Читать дальше...

په داسې حال کې چې راپورونه وايي، طالبانو د کانونو استخراج ته زور ورکړی او له دې درکه د خپلو عوایدو د زیاتولو هڅه کوي، د طالبانو حکومت له چینايي شرکتونو سره د مس عینک قرارداد له سره وڅېړه او هغه یې تایید کړ. د طالبانو د حکومت د کانونو او پیترولیم وزارت ویندوی مفتي برهان تېره شپه ازادي راډیو ته وویل، چې د طالبانو د اسلامي امارت کابینې د کانونو وزارت ته دنده وسپارله چې د مس عینک قرارداد له سره وارزوي او که د اسلامي او افغاني ارزښتونو خلاف نه و، د دغه قرارداد د عملي کولو لپاره ګامونه واخلي. هغه وايي... Читать дальше...

فوبرز: فوربز مجلۍ په دې اړه یوه مقاله خپره کړې، چې د امریکا دفاع وزارت د یوه راپور له مخې د افغانستان لپاره د ۷ ميلیارد ډالرو پوځي تجهیزات چې امریکا پېرلي وو، د طالبانو لاس ته ولوېدل. دا راپور تر اوسه علني نه دی خپور شوی. د سي این این د راپور پر اساس په دغو تجهیزاتو کې الوتکې، موټر، وسلې، او مخابراتي مهمات وو چې د افغانستان پخواني حکومت ته ورکړل شوي وو. فوربز د سي این این د راپور له قوله لیکلي، چې که څه هم د امریکا پوځ د دغو وسلو بېرته اخیستلو یا له منځه وړلو اراده نه لري خو دا تجهیزات ترمیم ته اړتیا لري. Читать дальше...