په داسې حال کې چې خیبر پښتونخوا صوبه د بدامنۍ په لمن کې ده، د لکي مروت پولیسو پر پولیس سرتیرو د وسلوالو بریدونو خلاف احتجاج پیل کړی دی. هغوی تور پورې کوي چې پوځ او استخباراتي ادارې یې په کار کې مداخلت کوي او که چیرې واک ورکړل شو نو د سیمې امنیت به پر ځای کړي. دا چې په لکي مروت کې د پولیسو د احتجاج ترشا څه دي؟ د کرښې پر غاړه خپرونه کې پر همدې موضوع بحث شوی دی.
د خوست د ټنیو ولسوالي د حصارک د لیرې پرتې سیمې اوسېدونکي د سړکونو له خرابولي، روغتیايي خدمتونو ته د نه لاسرسي او د کرکیلې لپاره د اوبو له کمښته شکایت کوي. که څه هم په تڼیو کې په تېرو دوه لسیزو کې د بیارغونې د پام وړ کارونه شوي، خو دا پراخه ولسوالي د حصارک په شان ډېرې داسې سیمې هم لري، چې خلک يې په هره برخه کې ستونزې لري. تڼي د خوست یوه غرییزه ولسوالي ده چې په اوږدو کې له شمالي وزیرستان، په ځانګړې ډول میرامشا سره په څنګ کې پرته ده. ويډيو رپورټ
د خيبر پښتونخوا په لکي مروت کې ځايي پولیس وايي، تر څو چې له هغې سیمې څخه پوځ نه وي وتلی، احتجاج به یې دوام لري. پولیسو د سېپټېمبر پر نهمه د لکي مروت پر لويه لاره يا اڼدس های وې باندې پرلت وهلی او کراچۍ ته تلونکې لویه لاره یې تړلې ده. پولیسو تور پوری کړی چې د پوځي او استخباراتي ادارو کارکوونکي د دوی په چارو کې مداخله کوي او هغوی په امنیت ټینګولو کې پاتې راغلي دي. پوځ او د استخباراتي ادارو چارواکو لا د لکي مروتو د پولیسو د تورونو او غوښتنو په اړه څه نه دې ویلي. خو له پرلتوالو سره د ضلعي انتظاميې د چارواکو او د پوليسو د مشرانو مذاکرات روان دي. Читать дальше...
په افغانستان کې واکمنو طالبانو د روان کال د جولای پر ۳۰مه اعلان وکړ چې په ځينو هېوادونو کې د افغانستان د ۱۴ سفارتونو او قونسلګريو له خوا ورکړل شوي اسناد نور "اعتبار" نه لري.
د کندهار په سپین بولدک کې یو شمېر کسان زړې راډیوګانې راسپړوي او له هغې سره زر لاس ته راوړي. د دې راډیوګانو په ځینو پرزو کې په لږ اندازه سره زر کارول شوي دي. په دې کار بوخت ځينې کارګران وايي، په میاشت کې شاوخوا ۱۵۰ ګرامه ښه باکیفیته سره زر لاس ته راوړي. ويډيويي راپور
د افغانستان د هرات ښار اوسېدونکی رجب ګلجو بایسکلونو ته یوه نوې بڼه ورکوي. هغه وايي چې دا کار له تېرو شاوخوا درو لسیزو راهیسې کوي. د ګلجو په وينا، هغه د معيوبه کسانو لپاره هم بايسکلونه جوړوي. د اسوشيېټېډ پرېس اژانس له ویډیو جوړ راپور.