په پېښور کې یوې افغانې کډوالې زرغونې حمیدې په خپل کور کې د نجونو لپاره د مصنوعي زیوراتو (سینګار توکو) جوړولو زده کړې مرکز پرانیستی دی. زرغونه وایي چې د دې کار له لارې غواړي کډوالو افغان نجونو ته د پیسو ګټلو اسانه لارې پیدا کړي. اوس د زرغونې کور ته ځینې پاکستانۍ نجونې هم ورځي چې دا مهارت زده کړي. هلته ورتلونکې نجونې وایي چې هغوی له وړاندې نه دا کار زده کړی او له انټرنیټ له لارې یې خپل کاروبارونه هم پیل کړي دي. ویډیویي رپورټ
سازمانونو د سېپټېمبر پر ۲۱مه په کراچۍ پریس کلب کې د خبري غونډې پر مهال له حکومته غوښتنه وکړه چې د ډاکتر شاهنواز د وژنې پلټنو لپاره دې د سیند های کورټ د یو قاضي په مشرۍ عدالتي کمېشن جوړ کړي.
په اوکراین کې د جګړې زیاتوالی ناټو هېوادونه دې ته اړ کړل چې په جګړه کې د پرمختللې ټېکنالوژۍ په کارولو خپلو عسکرو ته روزنه ورکړي. په هغې جګړه کې ډرونونه مهم رول لوبوي. په هالینډ کې د ناټو هېوادونو او تر ۵۰ پورې د دفاع شخصي شرکتونو عسکرو د روانې میاشتې په ترڅ کې د اوکرایني ډرون چلوونکو څخه روزنه ترلاسه کړه. د ازادې اروپا راډیو مرکزي څانګې ویډیويي راپورپښتو بڼه کتلی شئ.
په وروستیو کې د هنګري په ګډون د مرکزي او ختیزې اروپا په یوشمېر هېوادونو کې لوی سېلابونه راغلل چې له وجې یې د اروپا په دویم تر ټولو لوی سیند دینیوب کې د اوبو کچ لوړ شوی او د هنګري د پلازمېنې بوداپېشت (بوداپېسټ هم بلل کېږي) په شمال کې د کېسماروس کلی یې اغېزمن کړی دی. د مشال راډیو د هنګري څانګې خبریال هلته له یو اوسېدونکي سره په کښتۍ کې د هغه کور او باغ ته تللی دی. په ۱۹۷۷ز کال کې په هغه سیمه کې د سېلابونو د مخنیوي لپاره پلان جوړ شوی وو خو د هنګري د هغه وخت کمیونسټ حکومت چاپېریال ته د زیان اړولو اندېښنو له وجې پرېښود. Читать дальше...
په جنوبي امریکايي هېواد اېکواډور کې یو شوقي په سلګونو جوړې بوټان ساتلي دي. په هغو کې د نړۍ د لویو جنايي ډلو د غړو، فلمي ستورو، هنرمندانو او لوبغاړو بوټان شامل دي. ااېستېبان دېل هییېرو وايي چې هره جوړه بوټان د هغو انسانانو د ژوند د قدم په قدم پرمختګ ښکارندويي کوي. د اې اېف پي له ویډیو جوړ رپورټ.
پاکستان تحریک انصاف (پي ټي ای) د سېپټېمبر پر ۲۱مه د خپل زنداني رهبر عمران خان او نورو سیاستوالانو د خوشې کولو لپاره احتجاجي جلسه وکړه. د ګوند ګڼ سیاستوالان، غړي او پلویان له لاهور ښار سره نېږدې جلسې ته ورغلي ول. انتظامیې پي ټي ای ته د جلسې لپاره درې ساعته وخت ورکړی وو او چې ټاکلی وخت پای ته ورسېد نو پولیسو د غونډې د تالار برېښنا یې قطع کړه او مشران یې له دریځه (سټېجه) ښکته کړل. د خیبر پښتونخوا اعلاوزیر علي امین ګنډه پور تر جلسې وروسته لاهور ته ورسېد خو لږ ساعت پس ستون شو. ویډیويي رپورټ.