څلورو افغان نجونو، چې په افغانستان کې يې د طالبانو د بنديز له امله د طب زدکړې نيمګړې پاتې شوې وې، اوس د برېتانيې په سکاټلينډ کې بيا پيل کړې دي. هغوی ډېرې خوشاله دي او په افغانستان کې تر تعليمي بنديز لاندې نجونو باندې غږ کوي چې هيله دې له لاسه نه ورکوي. هغوی زياتوي چې له زدکړو وروسته به په خپل هېواد کې د ښځو درملنه کوي. د فرانس پرېس اژانس له ويډيوګانو جوړ رپورټ.
محمود جان بابر وايي چې د پاکستان د نورو صوبو اعلاوزيران یوازې خپله صوبه چلوي خو د هغه په وينا، د خیبر پښتونخوا اعلاوزير علي امين ګنډه پور هم صوبه چلوي او هم په مرکزي سياست کې ګوتې وهي.
یو شرکت د شتمنو خلکو د ساعت تېري لپاره په خلا کې ورته د ګرځېدو موقع برابروي. سپېس اېکس په لومړي ځل د سېپټېمبر پر ۱۲مه ازموینه پیل کړه چې له مخې به یې د امریکايي فضايي یا خلایي څېړنو ادارې (ناسا) د ستورمزلو ترڅنګ شتمن خلک هم وکولای شي چې په خلا کې وګرځي. د اسوشيېټېډ پرېس اژانس له ویډیو جوړ رپورټ.
د دې اونۍ د "هارون باچا هنري ګړۍ" خپرونې مېلمه پېژندلی سندرغاړی اسفنديار مومند دی. نوموړي په وروستيو کې د سيمې له يوې سندرغاړې ثنا ګل سره د ویلو غبرګو ټپو ویډیو پر خپل رسمي یوټیوب چینل خپره کړه چې په دوو اونیو ۲.۵ مېلیونه ځلې ولیدل شوه. مومند دا يوه لويه لاس ته راوړنه بولي او وايي چې ده ته يې د لا ښو سندرو جوړولو روحيه بخښلې. دی زياتوي، کوښښ يې دی چې اسان فهمه شعرونه د سيمې له روايتي سازونو سره ووايي. د نوموړي دا خبرې او د مشهورو شويو ټپو ترڅنګ ځينې نورې سندرې يې په خپرونه کې اورېدای شئ.
د خیبر پښتونخوا په کواټ کې د زده کوونکو ترمینځ غشي ویشتو دوه ورځنۍ سیالۍ پای ته رسېدلي دي. هغه سیالۍ د صوبې د لوبو ادارې، د افغان کډوالو چارو کمېشنرۍ او د ملګرو ملتونو د کډوالو ادارې (یو اېن اېچ سي ار) تنظیم کړې وې چې د سېپټېمبر پر ۱۷مه او ۱۸مه په کواټ سپورټس کمپلېکس کې وشوې. په سیالیو کې د افغان کډوالو په ګډون د کواټ پوهنتون په ګډون د بېلابېلو ښوونځیو نارینه او ښځینه زده کوونکو برخه واخیسته. د افغان کډوالو چارو صوبايي مشر شکیل خان ساپي مشال راډیو ته وویل چې د سیالیو موخه د ځايي وګړو او افغان کډوالو ترمینځ د ورورګلوۍ فضا ته وده ورکول دي. Читать дальше...
یوشمېر خیریه کارکوونکو د اوکراین له مرکز کییف سره نېږدې په یوه سیمه کې یوې جګړې ځپلې کورنۍ لپاره د درې بعدي (تري – ډي) ټېکنالوژۍ په مرسته کور جوړ کړی دی. دا یوه داسې نوې ټېکنالوژي ده چې په مرسته یې په کمپیوټر کې د شیانو نمونې او ډیزاین جوړېږي او بیا د یو چاپ ماشین یا پرېنټر له لارې تولیدېږي. د دې ډول کورونو جوړولو لګښت په دودیز ډول له جوړېدونکو ودانیو خورا کم وي. د نتالیا بېریوزوفا مېړه پر اوکراین د روسیې یرغل په پیل کې ووژل شو او کور یې وران شو. خو نوموړې اوس له خپلو دوو لوڼو سره یوځای دایمي سرپناه پیدا کړه. Читать дальше...
د افغانستان د پکتیا ولایت په ګردېز کې يو تن د پلاستيکي کريټونو کارخانه جوړه کړې ده. دا کارخانه ۲۰ مزدوران لري او د ۴۰۰،۰۰۰ ډالرو په پانګونې یې کار پيل کړی دی. د کارخانې مالکان وايي د دوی له خوا جوړېدونکي پلاستيکي کرېټونه د سبزیو او مېوو د لېږد لپاره کارېږي. خو دوی شکايت کوي چې د پانګونې او کار ښه ساتلو لپاره ورسره حکومتي مرسته نه شته. په دې اړه ويډيو راپور وګورئ
نړیوال پر افغانو ښځو او نجونو د طالبانو بندیزونو ته څه بدیل لري؟ ولې یو شمېر د بشري حقونو فعالانې چې افغانې نه دي، په نړیواله کچه د افغانو ښځو او نجونو غږ پورته کوي؟ فریدې سیال په دې مرکه کې د ازادې اروپا/ازادي راډیو د ډایرکټرانو د بورډ مشرې لیزا کورتس سره په همدې موضوعاتو خبرې کړي دي.
