Новости за 04.08.2018

Ozalky hasapçy, prokurorlaryň salgyt we bank galplyklary derňewlerini ilerletmekleri netijesinde, prezident Donald Trapmyň ozalky kampaniýa başlygy Pol Manafortyň girdeji maglumatlaryny we salgyt beýanatlaryny galplaşdyrmaga kömek edişi barada görkezme berdi. Sindi Laportanyň 3-nji awgustda, Manafortyň sud seljermeleriniň dördünji gününde beren görkezmesinde Manafortyň çylşyrmly maliýe işlerine, hususan-da onuň ukrain syýasatçylaryna, şol sanda ozalky prezident Wiktor Ýanukowiçe syýasy geňeşçiilik edip gazanan girdejilerine aýdyňlyk salynýar.

Türkmenistanyň prezidenti Gurbanguly Berdimuhamedow ýene bir gezek milli medianyň işinden nägileligini bildirdi, emma döwlet eýeçiligindäki TDH hökümet maslahatynda öz işlerine döwlet baştutany tarapyndan edilen tankydy bellikleriň detallaryny açmakdan saklandy.

Owgan polisiýasy günorta-gündogar Owganystandaky şaýy metjidinde gurnalan goşa partlamada azyndan 35 adamyň öldürilendigini aýdýar. Paktianyň gobernatory Şamim Khan Katawazi 4-nji awgustda ýaraly bolanlaryň 94 adamdygyny aýtdy. Olaryň 20 sanysynyň ýagdaýynyň agyrdygy aýdylýar.  Paktia welaýatynyň polisiýa başlygy Raz Mohammad Mandozai iki sany janyndan geçen bombaçynyň 3-nji awgustda welaýat paýtagty Gardezde Hawaja Hassan metjdiniň içine girip, öz partladyjy enjamlaryny ýarandyklaryny aýtdy. Читать дальше...

Sosial medianyň berýän habarlaryna görä, ýurtdaky ykdysady kynçylyklaryň çuňlaşmagynyň çäginde, Eýranyň birnäçe şäherinde 3-nji awgustda hem ýüzlerçe protestçi köçä çykdy. Eýranlylar, ýurduň milli puly bolan raialyň barha beter hümmetiniň gaçyrmagynyň çäginde, inflýasiýanyň aşa ýokarlanmagyndan, ykdysady kynçylyklaryň köpelmeginden gahar edip, soňky birnäçe günde ýurduň dürli ýerlerinde proteste çykdylar. Azat Ýewropa/Azatlyk radiosyna iberilen çeper höwesjeň wideolary Tähranda proteste çykan onlarça adamyň... Читать дальше...

ABŞ, Moskwanyň Demirgazyk Koreýanyň işçilerine täze iş rugsatlaryny berip, gadaganlyklary bozandygy baradaky habarlaryň “örän alada goýýandygyny” aýdyp, Orsýeti Demirgazyk Koreýa babatdaky BMG sanksiýalaryny ýerine ýetirmäge çagyrdy. ABŞ-nyň ýokary diplomatlarynyň 3-nji awgustdaky çagyryşy “Wall Street Journalda” Moskwanyň Demirgazyk Koreýanyň müňlerçe täze işçisine ýurtda işlemek rugsadyny berip, sanksiýalary bozandygy barada berlen habardan bir gün soň edildi.  Orsýet bu aýyplamalary ret edýär. Читать дальше...

Orsýetiň Sibirde heläkçilige uçran dikuçarynda azyndan 18 adamyň wepat bolandygy aýdylýar. Orsýetiň Adatdan daşary ýagdaýlar ministrligi MI-8 dikuçarynyň ýerli wagt bilen sagat 10-larda, 4-nji awgustda, Igarka şäheriniň 180 km uzaklygynda aşak gaýdandygyny aýdýar. Ministrlik başga detallary açmady.  Rus mediasy çeşmelere salgylanyp, bu hadysada dikuçaryň üç adamdan ybarat ekipažynyň we 15 ýolagçynyň heläk bolandygyny habar berýär.  Dikuçar heläkçiliginiň sebäbi bada-bat belli bolmady.

“Yslam döwleti” topary indi ýok diýip, soňky birnäçe günlükde Amerikanyň Birleşen Ştatlarynyň wise-prezidenti Maýk Pens aýtdy. Halyfat ýykyldy. Ençeme ýyllap yslamçylaryň galasyna öwrülen Siriýada we Yrakda territoriýalaryň ýarysyndan gowragyna söweşijiler kontrollyk edýärdi. Olaryň bu ýurtlardaky ojagy dargadyldy.