On ýyl mundan ozal Orsýetiň Tbilisi bilen arasyndaky bäş güne çeken urşuň esasy maksady “Gürjüstanyň döwlet gurluşyna” hüjüm etmekdi diýip, Gruziýanyň ozalky prezidenti Mihail Saakaşwili aýtdy. Ol öz ýurdunda amala aşyrylan reformalaryň regiondaky beýleki döwletlere “nusgalyk” bolandygyny, bu ýagdaýyň bolsa Orsýetiň göwnünden turmandygyny öňe sürdi.
Birleşen Ştatlar özüniň Eýranyň garşysyna gönükdiren täze sanksiýalar toplumyny şu gün, ýagny 6-njy awgustda yglan eder. Bu sanawda walýuta çäklendirmeleri ilkinji hatarda durýar.
Aşgabatda öýsüz it-pişikleri köçeden ýygnamak we ýok etmek boýunça işler ýene-de batlandy diýip, Azatlyk Radiosynyň Türkmenistandaky habarçylary aýdýarlar. Türkmenistanyň paýtagtynyň öý dolandyryş müdirliginiň işgärleriniň Azatlyk Radiosynyň habarçylaryna aýtmagyna görä, olara köçelerde idegsiz ýören itleri we pişikleri tutup, olary edara tabşyrmak barada ýörite görkezme berilýär, plan kesgitlenýär. Öz adynyň efirde tutulmazlygyny soran ýaşaýyş jaý müdirliginiň işgäriniň Azatlyk radiosyna aýtmagyna görä... Читать дальше...
Öňi 77-lik bilen başlanýan ulaglaryň döwlet belgileri boýunça Türkmenistanda dowam edýän çäklendirmeleriň tolkuny Lebap welaýatyna-da baryp ýetdi.
5-nji awgustda Aşgabatda Olimpiýa şäherjiginiň “Sport” myhmanhanasynda “Amul-Hazar 2018” halkara awtorallisine bagyşlanan mediaforum geçirildi. Resmi mediada bu çäräniň ähmiýetini nygtaýan uzyn makalalar çap edilse-de, onuň türkmenistanlylara ýetirýän täsirleri barada hiç zat aýdylmady.
ABŞ-nyň Döwlet departamenti Moskwanyň sosial ulgamlary arkaly “gazaplylygy öjükdirmek” we Birleşen Ştatlaryň jemgyýetini bölmek boýunça alyp barýandygy aýdylýan tagallalary üçin, Russiýanyň Waşingtondaky wekilini çagyrdy. Döwlet departamentiniň metbugat wekili Heather Nauert özüniň Twitter hasabynda: “Sekretaryň kömekçisi [Wess] Mitçel Russiýanyň ygtyýarly wekili [Dmitriý] Žirnowy Kremliň sosial ulgamlary arkaly ABŞ-da gazaplylygy we bölünişigi ornaşdyrmak synanyşyklary boýunça jogap bermäge çagyrdy. Читать дальше...
ABŞ-nyň prezidenti Donald Tramp 2016-njy ýylyň iýunynda Nýu-Ýorkda Kreml bilen ilteşikli bir aklawçy bilen geçirilen duşuşykda, özüniň syýasy garşydaşy barada maglumat alandygyny mälim etdi. Emma, Tramp munuň “dolulygyna kanuny bolandygyny” hem belledi. Tramp 5-nji awgustda özüniň Twitter hasabynda ýerleşdiren ýazgysynda bu hili duşuşyklaryň “syýasatda elmydama-da geçirilýändigini” öňe sürdi. Maglumata görä, bu duşuşyga Trampyň ogly Donald Tramp Jr; häzirki ýokarky derejeli maslahatçysy... Читать дальше...
Indoneziýanyň Lombok adasynda ýüze çykan ýer titremede azyndan 142 adam öldi, başga-da ýüzlerçesi ýaralandy. Ýerli resmiler 7 bal derejesindäki bu tebigy hadysanyň netijesinde kurort şäheri Mataramda “uly” weýrançylyklaryň dörändigini, şeýle-de adam pidalarynyň sanynyň artmagynyň mümkindigini aýtdylar. Ýer sarsmanyň täsiri goňşy Bali adasynda hem duýuldy. Geçen hepde Indoneziýanyň başga bir kurort sebiti – Lombokda hem ýer titreme bolup, onda azyndan 16 adam heläk bolupdy.
Saud Arabystany Kanadany özüniň içerki işlerine goşulmakda aýyplap, bu ýurduň ilçisini çykarýandygyny, şeýle-de baglaşylmaly täze söwda we sermaýa şertnamalarynyň togtadylýandygyny mälim etdi. Kanadanyň Riýadhdaky ilçihanasy adam hukuklary boýunça aktiwistleriň azat edilmegine çagyryş edenden soň, ýurduň Daşary işler ministrligi “Saud Arabystan patyşalygy... öz içerki işlerine goşulmagy kabul etmez” diýen mazmunly beýanat ýaýratdy. Saud Arabysytany Kanada bilen baglaşylmaly ähli täze söwda we... Читать дальше...
II Jahan urşy döwri Fransiýada nasistlere garşy göreşen immigrantlaryň Garşy duruş toparynyň aman galan soňky agzasy 101 ýaşynda aradan çykdy. Milleti boýunça ermeni Arsene Tçakariýan 1916-njy ýylda Türkiýede dogulypdy. Ol 1930-njy ýylda Fransiýa göçüp, 1937-nji ýylda hem fransuz armiýasyna gulluga çagyryldy. Emma, 1940-njy ýylda Fransiýa nasistik Germaniýa boýun bolandan soň, ol gullukdan çykaryldy. Ol soňy bilen ermeni şahyry we kommunisti Missak Manouçiýanyň ýolbaşçylygyndaky, daşary ýurtlylardan düzülen... Читать дальше...
