18-nji awgustda türk telekanallarynda we beýleki media serişdelerinde berlen habara görä, türkmenistanly migrant zenany öldürmekde güman edilýän adam Stambulyň Ataşehir diýen ýerinde tapylyp, tussag edildi.
Daşoguzda ilata gündelik zerur bolan azyk-harytlaryň gymmatçylygy dowam edýär. Azatlygyň Daşoguz welaýatyndan howpsuzlyk sebäpli atsyz çykyş edýän habarçysy welaýatyň bazarlaryndaky soňky bahalar barada 20-nji awgustda habar berdi.
Ak tamyň milli howpsuzlyk geňeşçisi John Bolton Ysraýylyň premýer-ministri Benýamin Netanýahu bilen Ierusalimde geçjek gepleşikde esasy tema Eýranyň ýarag programmasy bolar diýýär.
Aşgabadyň döwlete degişli dükanlarynda çilim gaýtadan satuwa çykaryldy. Şeýle-de, paýtagtda un, şeker, “Ahal” ýagy we çilimden soň, Türkmenistanda öndürilen Coca-cola önümleri hem çäkli möçberde satylyp, bir adama onuň diňe bir gutusy berlip başlandy.
Üstümizdäki ýyl Türkmenistan 1 million 600 müň tonna bugdaý hasylyny ýygnamagy maksat edinýär. Türkmen döwlet habarlar (TDH) gullugynyň ýazmagyna görä, 17-nji awgustda geçirilen hökümet maslahatynda prezident Berdimuhamedow karara gol çekip, kärendeçiler üçin degişli bugdaý plan borçnamasyny kesgitläpdir.
Trans-Kaspi gaz geçirijisiniň gurluşygy hazarýaka döwletleriniň ählisi bilen koordinirlenmelidir diýip, Russiýanyň daşary işler ministrliginiň wekili Igor Bratçikow belledi. Kaspiniň kanuny ýagdaýy boýunça Konwensiýa gol goýlandan soň Trans-Kaspi gaz geçirijisiniň gurluşygy baradaky berlen sowalyň jogaby Russiýanyň Daşary işler ministrliginiň websaýtynda çap boldy. Onda: “Eger-de Trans-Kaspi gaz geçirijilerini gurmak baradaky hakyky planlar orta çyksa, onda hazarýaka döwletleriniň islendigi, muny zerur hasaplasa... Читать дальше...
Owganystanyň demirgazyk Gunduz welaýatynda “Talyban” 100-e golaý adamy, şol sanda aýallary we çagalary zamun aldy. Prezident Aşraf Ghaniniň Gurban baýramy mynasybetli ok atyşyklary bes etmek baradaky çagyryşyna garamazdan, jeňçiler Khan Abad etrabynyň golaýynda ýolagçy üç awtobusy duruzyp, onuň içindäkileri zamun aldylar. Ýerli habar serişdeleri sebite howpsuzlyk güýçleriniň gelendigini we güýçli çaknyşyklaryň barýandygyny habar berýärler. “Talyban” bu waka bilen baglylykda beýanat bilen çykyş etmedi.
Owgan hökümeti ýurduň demirgazyk Gunduz welaýatynda “Talyban” jeňçileriniň elinden 149 zamunyň, şol sanda aýallaryň we çagalaryň azat edilendigini aýdýar. Mundan birnäçe sagat öň - prezident Aşraf Ghaniniň Gurban baýramy mynasybetli ok atyşyklary bes etmek baradaky çagyryşyna garamazdan - jeňçiler Khan Abad etrabynyň golaýynda ýolagçy üç awtobusy duruzyp, onuň içindäkileri zamun alypdylar. Ýerli habar serişdeleri sebite howpsuzlyk güýçleriniň gelendigini we güýçli çaknyşyklaryň gidýändigini habar beripdiler.
Türkmenistanyň “Awaza” syýahatçylyk zolagynda Araly halas etmegiň Halkara gaznasyna (AHHG) agza ýurtlaryň baştutanlarynyň sammiti geçiriler. Sammit 24-nji awgustda geçiriler. Sammite Gazagystanyň, Gyrgyzystanyň, Täjigistanyň, Türkmenistanyň we Özbegistanyň prezidentleriniň gelmegine garaşylýar. Araly halas etmegiň Halkara gaznasy 1993-nji ýylyň 4-nji ýanwarynda Daşkentde esaslandyrylypdy. Onuň maksady Aral basseýnindäki sosial-ykdysady we ekologiki ýagdaýlary gowulandyrmakdan ybaratdyr. Bellesek... Читать дальше...
Ankarada ABŞ-nyň ilçihanasynyň daşyndaky gorag böwetlerine ýaraglardan ot açyldy. ABŞ resmileri wakada hiç kime şikesiň ýetmändigini aýtdylar. Türk habar serişdeleriniň berýän maglumatyna görä, oklar ilçihananyň girelgesiniň öňünden geçip barýan ak reňkli bir ulagdan atylypdyr. Ankaranyň polisiýasy gürrüňi gidýän ulagy gözleýändigini habar berdi. Türkiýede Gurban baýramynyň bellenýändigi sebäpli, bu hepde ABŞ-nyň Ankaradaky ilçihanasy işlemeýär.
Ak Tamyň milli howpsuzlyk boýunça maslahatçysy Jon Bolton Ysraýylyň premýer-ministri Benýamin Netanýahu bilen geçirjek gepleşikleriniň dowamynda, esasan, Eýranyň ýarag programmasynyň maslahat ediljekdigini mälim etdi. Netanýahu muňa “Eýranyň regiondaky agressiýasyny duruzmak we olaryň ýadro ýaragyny edinmeginiň öňüni almak” boýunça geçiriljek gepleşiklere garaşýandygyny aýdyp, jogap berdi. ABŞ-nyň prezidenti Doland Trampyň admistrasiýasy Eýranyň ýarag programmasy babatynda “ugruny üýtgedendigini”... Читать дальше...
Pakistanyň täze premýer-ministri Imran Khan bu wezipä kasam getireninden soň köpçüligiň öňünde eden ilkinji çykyşynda, hökümet çykdajylaryny azaltmagy we korrupsiýa garşy göreşmegi söz berdi. Ozalky kriket ýyldyzy Khan telewideniýe arkaly bir sagat çemesi eden çykyşynda “men beýik Pakistany görmek isleýärin” diýdi. Khan 18-nji awgustda pakistan kanunçykaryjylary tarapyndan premýer-ministr wezipesine saýlanypdy. Mundanam başga, Khan 192 million ilatly Pakistanda çagalaryň jynsy zorlugyna we howanyň üýtgemegine garşy göreşmegi söz berdi.
Stambulyň sudy terrorizm aýyplamalary esasynda Türkiýede saklanylýan german žurnalisti Mesale Tolunyň ýurtdan çykmagyna rugsat berdi. Emma, Tolunyň ýan-ýoldaşy Suat Korlua ýurtdan çykmaga rugsat berilmedi. Oňa gep terrorizm bilen ilteşikli aýyplamalar bildirilýär. Şol bir wagtda, 33 ýaşly žurnalist we çepçi ETHA habar agentliginiň terjimeçisi Tolunyň sud diňlenişigi planlaşdyrylyşy ýaly, 16-njy oktýabrda geçiriler. Aprel aýynda Stambulyň kazyýeti sud diňlenişigine çenli Tolunyň ýurtdan çykmagyna gadagançylyk girizipdi. Читать дальше...
“Talyban” hereketiniň lideri Molla Haýbatullah Ahunzada Owganystanyň “daşary ýurt güýçleri tarapyndan basylyp alynmagy” diýip häsiýetlendiren meselesini ABŞ bilen ikitaraplaýyn ýagdaýda maslahat etmäge çagyrdy. Ahunzada özleriniň Waşington bilen “açyk, aýdyň we netijeli” gepleşikleri isleýändiklerini hem sözüne goşdy. Ahunzadanyň goňşy Pakistanda gizlenýändigi çaklanylýar. Mundan öň, ol owgan hökümetini “korrumpirlenen režim” we “güjük” diýip atlandyryp, gönümel gepleşikleri geçirmekden ýüz öwüripdi.
