Новости за 25.01.2019

Türkmenistanda ilata suwuň mugtuna berlendigi aýdylýan döwürde ulanylan suw üçin jerime salynmagy dowam etdirilýär. Käbir ýaşaýjylar bolsa bu tölegiň näme esasda alynýandygyna düşündiriş soraýarlar we resmi esas görkezilmegini talap edip, tölemekden boýun gaçyrýarlar. Ýurt ýolbaşçylary 2018-nji ýylyň sentýabr aýynda gazyň, suwyň, elektrik togunyň we iýmlik duzüň tölegli boljagyny yglan etmeginden ozalky döwürde bu serişdeleriň 25 ýylyň dowamynda ilata mugt berilendigini aýdýarlar. Emma Azatlyk... Читать дальше...

Türkmenistanyň Döwlet daşary ykdysady iş banky özi ýurduň içinde wagty plastik bank karty daşary döwletlerde ulanylan raýatlara ýörite hat ugradyp, “kartyň bikanun ulanyşy” üçin olara jerime salýar we kartlaryny müdimilik ýapýar.

Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.

TDH-nyň maglumatyna görä, täze guruljak “awtomobil ýoly bir ugurda üç ulag zolakly we bir ätiýaçlyk zolakly, iki ugurda jemi sekiz zolakly bolup, onuň umumy ini 34,5 metre barabar bolar”.

Türkmenistanda öndürilýän nebitiň Russiýanyň Gara deňizde ýerleşýän Noworossiýsk portunyň üsti bilen üstaşyr eksport edilmegi öňümizdäki fewralda täzeden dikeldilýär diýip, Roýters habar berýär. Agentlik maglumatynda ýangyç bazaryndan habarly dört çeşmesine salgylanýar.

Şu günler Türkmenistanda howanyň temperaturasy gijelerine 0 gradusdan hem aşaklaýan mahaly, Mary welaýatynyň käbir daýhan birleşikleriniň ýaşaýjylary ýylanmak meselesinde agyr kynçylyklary başdan geçirýärler.

Geçen ýyl Pakistanda tussaglykdan azatlyga goýberilen owgan “Talybanynyň” esaslandyryjysy jeňçi toparynyň Katardaky syýasy edarasynyň başlygy wezipesine bellenildi. Bu ABŞ-nyň Owganystandaky dowam edýän 17 ýyllyk urşy gepleşikleriň üsti bilen tamamlamak ugrundaky alyp barýan tagallalaryna gabat geldi. “Talyban” Molla Abdul Ghani Baradaryň “Birleşen Ştatlar bilen alnyp barylýan gepleşiklere gözegçilik etmek we pugtalandyrmak” maksady bilen bu wezipä bellenendigini mälim etdi. “Reuters” habarlar gullugynyň beren maglumatyna görä... Читать дальше...

Wenesuelada oppozisiýa ýolbaşçysy özüni prezidentiň wezipesini ýerine ýetirijisi diýip yglan edenden soň, rus prezidenti Wladmir Putin wenesuelaly kärdeşi Nikoas Maduro jaň edip, özüniň “goldawyny” bildirdi. Moskwa 24-nji ýanwarda Maduronyň garşydaşy Juan Guaido goldaw bildiren daşary ýurt güýçlerini hem ýazgardy. Guaidonyň herketi ABŞ, Kanada, şeýle-de käbir Latin Amerika we Ýwropa döwletleri tarapyndan ykrar edildi. Russiýa, Hytaý, Eýran, Siriýa, Kuba we Türkiýe Madurony goldap çykyş etdiler. Читать дальше...

Germaniýanyň polisiýasy Adolf Gitleriň çekendigi aýdylýan üç suratyň galdpygyny aýdyp, olary ele geçirdi. Suratlar 24-nji ýanwarda Berliniň auksionynda satuwa çykarylmalydy. Berliniň polisiýasy suratlaryň mümkin galplyk barlaglaryny geçirmek üçin, Kloss Auksion Öýünden alnandyklaryny aýtdy. Gürrüňi gidýän peýzaž eserleri 1910-1911-nji ýyllara degişli bolup, olaryň aşagynda “A.Hitler” ýazgyly gol çekilipdir. Auksiondan öň, Kloss auksionynyň metbugat wekili bu suratlaryň sungat eseri hökmünde hiç hili gymmadynyň ýokdugyny aýtdy. Читать дальше...

Şwed harbylary Russiýanyň bir aňtaw we iki harby uçarlarynyň Şwesiýanyň howa giňişligini gysga wagtlyk bozandyklaryny mälim etdiler. Şwesiýanyň Ýaragly güýçleriniň 24-nji ýanwarda ýaýradan beýanatyna görä, 19-njy ýanwarda IL-20 we iki sany Su-27 kysymly uçarlary Şwesiýanyň günortasyndaky Karlşman şäheriniň üstünden uçupdyrlar. Beýanatda rus uçarlarynyň ýurduň howa giňişligine hiç hili duýduryşsyz girendigi, şeýle-de bu hadysa boýunça şwed hökümetine habar berlendigi aýdylýar. Russiýanyň Goranmak ministrligi hadysany inkär edýär. Читать дальше...

Ukrainanyň sudy ýurduň ozalky prezidenti Wiktor Ýanukowiçi, 2014-nji ýyldaky demonstrasiýalary basyp ýatyrmak synanyşyklary bilen baglylykda, dönüklikde günäli tapyp, gaýybana 13 ýyl türme tussaglygyna höküm etdi. Mundanam başga, Ýanukowiç “Ukraina garşy agressiw urşuň alnyp barylmagyna gatnaşma” diýen aýyplama boýunça hem günäli tapyldy. Şol bir wagtda, ol “Ukrainanyň özygtyýarlygyny we çäk bitewiligini zorlukly üýtgedilmegi boýunça hereketleri alyp barmakda” bildirilen aýyplama boýunça aklandy. Читать дальше...