Новости за 06.02.2025

Бүген Лениногорскида муниципаль районына Татарстан сәнәгать һәм сәүдә министры Олег Коробченко, ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин рәсми сәфәр белән килде. Бу хакта «Заман сулышы» сайтында хәбәр ителә.

Кырвидә район гармунчылары ярышты, дип яза Мордовиянең «Юлдаш» газетасы.

«Тимер» батальоны солдатлары үтенече буенча, Чаллы мөхтәсибәте махсус хәрби операциядә катнашучылар өчен гуманитар ярдәм җибәрде. Ярдәм Чаллы шәһәре имам-мөхтәсибе Әлфәс хәзрәт Гайфуллин тарафыннан оештырылды. Бу турыда Татарстан Диния нәзарәте хәбәр итте.

Бөгелмә районы республиканың көньяк-көнчыгышында күп тармаклы зур сәнәгать, мәдәни һәм фәнни үзәк булып тора. Бу хакта бүген Бөгелмә районы Советының йомгаклау сессиясендә Татарстан Премьер-министры Алексей Песошин билгеләп үтте. Татарстан Рәисе матбугат хезмәте шул хакта хәбәр итә.

Татарстан Бөтенроссия мәктәп укучылары олимпиадасының соңгы этабында җиңүчеләр һәм призерларның өчтән ике өлеше тупланган төбәкләр арасына керде. Республикада андыйлар – 8 процент, дип белдерде РФ Президенты Владимир Путин Фән һәм мәгариф советы утырышында һәм төбәкләрдә белем бирүнең сыйфатын күтәрергә чакырды.

Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин эш сәфәре белән Лениногорскида булды, биредә ул район советының узган елның социаль-икътисади үсеш нәтиҗәләренә һәм 2025 елдагы планнарга багышланган утырышында катнашты.

ТР Фермерлар, крестьян хуҗалыклары һәм авыл хуҗалыгы куллану кооперативлары ассоциациясе президенты Камияр Байтимеров авыл территорияләрен үстерү өчен «Фермер авылы» программасын эшләтеп җибәрергә тәкъдим итте. Ул бүген оешманың 25нче съездында шулай дип белдерде. Бу турыда «Татар-информ» яза.

Спорт журналисты һәм комментатор Дмитрий Губерниев Камилә Вәлиева CAS карары белән килешергә һәм яуланган медальләрен кайтарырга тиеш дигән фикере белән уртаклашты. Бу хакта VSEPROSPORT хәбәр итә.

Хөкүмәт 2025 елның 1 гыйнварыннан хәрби пенсияләрне тагын 4,4 процентка өстәмә рәвештә арттыру турында законга төзәтмәләр әзерләде, моңа акча каралган, дип белдерде РФ Премьер-министры Михаил Мишустин. Бу хакта РИА Новости агентлыгы хәбәр итә.

Мәскәүнең «Царицыно» музей-тыюлыгында 30 мартка кадәр «Шәһәр һәм һөнәрчелек. Казанда очрашу. Идел буе татарларының традицион сәнгате» күргәзмәсе эшли. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә.

ТР Рәисе Рөстәм Миңнеханов Мәскәү һәм бөтен Русь Патриархы Кирилл белән очрашты.

Бүген, 6 февральдә, «Татмедиа»да «Язылган өчен 100 мең сум, телевизор һәм башка бүләкләр!» акциясенә нәтиҗә ясадылар. Акциядә 686 абунәче катнашты, аларның күбесе Санкт-Петербург, Свердловск өлкәсе, Чувашия, Марий Эл һәм Башкортстан республикаларында яши. Төп бүләк – 100 мең сум акчага Саба районыннан Рәисә Мөбарәкова лаек булды.

Нурлаттан махсус хәрби операциядә катнашучы Бабай кушаматлы хәрби «Татарстан Республикасы каршындагы хезмәтләр өчен» орден медале белән бүләкләнде. Хәзер ул туган ягына кыска вакытлы ялга кайтты.

4 февраль көнне Израил премьер-министры Биньямин Нетаньяһу белән сөйләшкән чагында Трамп Газзәдә яшәүчеләрнең күпчелеген гомерлеккә башка илләргә күчендерергә теләвен әйткән иде. Болай эшләгәндә АКШ Газзә сызыгын үз контроленә алып, аны харәбәләрдән чистарта, төзекләндерә алачак, диде Трамп.

Россия пенсионерлары, автомобиль двигателенең егәрлеге 150 ат көченнән артмаса, транспорт салымын түләүдән азат ителә ала. РФ Дәүләт Думасы депутаты Никита Чаплин шулай дип белдерде. Бу хакта News.ru порталы хәбәр итә.

ТР Фәннәр академиясенең Гамәли семиотика институты ясаган TatSoft онлайн-тәрҗемәчесен 1,6 миллионга якын кеше куллана. Татарстан Фәннәр академиясе матбугат хезмәтендә шулай дип белдерделәр.

Татарстан мөфтиятенең дәгъвәт бүлеге ир-атлар өчен «I»MAN» проектын башлап җибәрә. Бу хакта ТР Диния нәзарәте матбугат хезмәте хәбәр итә.

2025 елда «Бәллүр компас» илкүләм премиясе унөченче тапкыр тапшырылачак. Гаризалар 10 февральгә кадәр кабул ителә, дип хәбәр итә вакыйганы оештыручылар.

Бүген Татарстан Рәисе Рөстәм Миңнеханов «Казаныш» Халыкара архитектура-төзелеш форумының пленар утырышында чыгыш ясаганда барысын да 15-16 майда ТР башкаласында узачак XVI «Россия – Ислам дөньясы: KazanForum» Халыкара икътисади форумында катнашырга чакырды. Бу хакта республика җитәкчесенең матбугат хезмәте хәбәр итә.

Саклану министрлыгына чаклы тоткыннарны сугышка "Вагнер" хосусый хәрби ширкәте җыя иде. 2023 елның маенда хәрби оешманың җитәкчесе Евгений Пригожин "Вагнер"ның сугышка 50 мең тоткынны җибәрүен, шуларның 10 меңе (20 проценты) үлүен хәбәр иткән иде.

Татарстан һәм Казанның су территорияләрен үстерү потенциалы гаять зур. Әмма алардан тулы күләмдә файдалану өчен тиешле инфраструктура булдырырга кирәк. ТР Рәисе Рөстәм Миңнеханов «Казаныш» Халыкара архитектура-төзелеш форумында шулай дип белдерде.

Бүген Татарстан Дәүләт Советы Рәисе Фәрит Мөхәммәтшин Уфага эш сәфәре барышында Башкортстан Дәүләт Җыелышы – Корылтай Рәисе Константин Толкачев белән очрашты. Бу хакта Татарстан парламентының матбугат хезмәте хәбәр итә.

Ежедневный оперативный прогноз возникновения чрезвычайных ситуаций на территории Республики Татарстан на 7 февраля 2025 года.

Татарстанда авыл хуҗалыгы ярминкәләре 15 мартта яңадан эшли башлаячак һәм 27 апрельгә кадәр дәвам итәчәк. Республика авыл хуҗалыгы һәм азык-төлек министры Марат Җәббаров ТР Фермерлар, крестьян хуҗалыклары һәм авыл хуҗалыгы куллану кооперативларының XXV съездында шулай дип белдерде.

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Красноярск краенда. Биредә ул Казанка авылы мәчетендә булды. Бу хакта Бөтендөнья татар конгрессы матбугат хезмәте хәбәр итә.