Новости за 06.05.2026

Татарстан башкаласының Шатурская урамында транспорт хәрәкәтен бер айдан артыкка чикләячәкләр. Бу хакта Казан мэриясе матбугат хезмәте хәбәр итә.

«Рувики» интернет-энциклопедиясе Җиңү көне алдыннан «Җиңү сызыгы» дип аталган яңа проект әзерләде. Бу — Бөек Ватан сугышының интерактив картасы. Ул хәрби хәрәкәтләр барышын һәм сугышның төп этапларын күрсәтә, дип хәбәр итә платформаның матбугат хезмәте.

«Россия – Ислам дөньясы: KazanForum» XVII халыкара икътисади форумында катнашучыларны йөртү өчен 325 транспорт чарасы җәлеп ителәчәк. Бу хакта ТР Транспорт һәм юл хуҗалыгы министрлыгының матбугат хезмәте хәбәр итте.

Казанның Залесный бистәсендә Урман паркы урамында шәхси йорт яна. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча баш идарәсендә хәбәр иттеләр.

Бүген «Татмедиа» агентлыгында «Ялкын» беренче республика мәктәп медиалары патриотик фестивалендә җиңүчеләрне бүләкләү тантанасы узды.

Татарстан Республикасы буенча Эчке эшләр министрлыгы җитәкчелеге Бөек Ватан сугышында катнашкан ветеран Харис Салиховны Җиңү көне белән котлады. Харис Салиховичка бүләкләрне һәм котлауларны Татарстан буенча Эчке эшләр министрлыгының Шәхси состав белән эшләү идарәсе башлыгы Илһам Сәхапов тапшырды.

9 Майда Россия телевидение һәм радиотапшырулар челтәре Россия шәһәрләрендәге телеманараларда Җиңү көне уңаеннан тематик яктырткычлар кабызачак. Казан телеманарасында Җиңү байрагы, Россия флагы, Георгий тасмасы, Ватан сугышы һәм Кызыл Байрак орденнары сурәтләре пәйда булачак. Бу хакта ТАСС челтәрнең матбугат хезмәтенә сылтама белән хәбәр итте.

Казанда торак арендалауның уртача бәясе аена 38,1 мең сумга кадәр кимегән. Бу узган квартал белән чагыштырганда 8 процентка, ә узган ел белән чагыштырганда 5 процентка арзанрак. Бу «Циан» аналитикасыннан һәм «ДОМ.РФ» аналитика үзәге анализыннан билгеле булды.

Казан дәүләт энергетика университетында Бөек Ватан сугышында Җиңүнең 81 еллыгына багышланган тантаналы чара узды. Парадта1800 беренче курс студенты һәм югары уку йортының активистлары катнашты.

Татарстанның Зәй районында яшәүче тыл хезмәтчәне Александра Винокурова бүген 94 яшьлек туган көнен каршылады. Бу хакта ТР Хезмәт, мәшгульлек һәм социаль яклау министрлыгы матбугат хезмәте хәбәр итте.

MAX мессенджерының көнлек аудиториясе 85 миллион кулланучыдан арткан. Кушымта эшли башлаганнан бирле аны 120 миллионнан артык кеше урнаштырган. Бу хакта компаниянең матбугат хезмәтендә хәбәр иттеләр.

Республиканың иҗат бригадасы 9 Май алдыннан махсус операция зонасында концерт куйды. Концертның видеосын Татарстан Рәисе Рөстәм Миңнеханов социаль челтәрләрендә урнаштырды.

Вазифаи вәкаләтләрен арттыру һәм ришвәт алуда гаепләнүче Уфа мэры Ратмир Маүлиев үз гаебен танымый. Бу хакта Уфа башлыгының адвокаты Марат Самойловка сылтама белән ТАСС хәбәр итте. Шулай ук адвокат әйтүенчә, Мәүлиев тикшерүгә каршылык күрсәтми.

Татарстанның Әгерҗе районында Кызыл китапка кертелгән ысылдавык аккошны коткарганнар. Бу хакта ТР Биологик ресурслар буенча дәүләт комитеты хәбәр итте.

14-16 майда «Казан — ислам дөньясының мәдәни башкаласы» елын рәсми рәвештә ачу һәм XVII «Россия — ислам дөньясы: KazanForum» халыкара икътисади форумы кысаларында «Дзен» яңалыклар платформасының масштаблы мультимедияле проекты тәкъдим ителәчәк. Бу хакта ТР Мәдәният министрлыгы хәбәр итте.

Төркиянең Искешәһәр шәһәрендә төрки дөньяны берләштерүче зур бәйрәм – төркилек көне үткәрелгән. Чарада Казахстан, Кыргызстан, Үзбәкстан, Төрекмәнстан һәм башка төрки илләр вәкилләре белән беррәттән Татарстан делегациясе дә актив катнашкан.

Уфада Башкортстан Республикасы Дәүләт Җыелышы – Корылтай йортында Башкортстан парламенты рәисе Константин Толкачев белән хушлашу мәрасиме булды, дип хәбәр иттеләр Татарстан Республикасы Дәүләт Советы матбугат хезмәтендә.

Тимерьюлчылар Бөек Ватан сугышында Җиңүнең 81 еллыгы алдыннан мемориаль объектларны тәртипкә китерде, дип хәбәр итә Горький тимер юлының Казан төбәге матбугат хезмәте.

Омск өлкәсендә ундүрт бала экскурсия вакытында газ белән агуланган, дип хәбәр итә ТАСС агентлыгы.

В Нижнекамске 20 семьям военнослужащих, погибших в ходе специальной военной операции, передали государственные награды за мужество и героизм, проявленные при выполнении боевых задач. Церемония вручения прошла в здании городского ЗАГСа.

Түбән Камада махсус операциядә һәлак булган хәрбиләрнең 20 гаиләсенә дәүләт бүләкләре тапшырылды. Бүләкләү тантанасы шәһәр ЗАГСы бинасында узды.

ТР Дәүләт Советы депутатлары Ватанны саклап һәлак булганнарның истәлеген мәңгеләштерү мәсьәләләрен җайга сала торган закон проектын парламентка тапшырды.

Гадәттән тыш хәлләр министрлыгында Татарстан халкын иртәгә төнлә һәм көндез көчле җил булачагы турында кисәттеләр.

1-5 июльдә «Татарстан-Мордовия» балалар-яшьләр форумы узачак. Ике республиканың 14-17 яшьлек үсмерләре үзара тәҗрибә уртаклаша һәм уртак проектлар булдыра алачак. Форумга 5 июньгә кадәр теркәлергә мөмкин, дип хәбәр иттеләр «Татар-информ» агентлыгына «Алдынгылар хәрәкәте»нең Татарстан бүлеге матбугат хезмәтендә.

1-3 май көннәре Казахстанның Семей шәһәре татар яшьләре өчен мөһим мәйданчыкка әверелде. Биредә Казахстан татар яшьләре форумы гөрләп узды. Бөтендөнья татар яшьләре форумының матбугат сәркатибе Айзилә Абдрахманова әлеге форум турында язма тәкъдим итә.