Новости за 02.11.2018

Пакистандын маалымат каражаттары белгилүү диниятчы, “Талибандын атасы” деп атыккан Маулана Самиул Хак кол салуудан каза тапканын билдиришти. Жергиликтүү Geo News каналы маркумдун уулу Хамидул Хакка шилтеме берип кабарлагандай, 2-ноябрда белгисиз бир адам диниятчыны үйүнөн бычактап кеткен. Бирок Рейтер агенттигинин маалыматына ылайык, маркумдун орун басары Юсаф Шах жана жакын адамдарынын бири ал ок жегенин айтып беришти. 80 жашка чыгып калган Самиул Хак Хайбер Пахтунхва аймагында диний мектепти жетектеп турган. Читать дальше...

Кыргыз шоу-бизнесиндеги эстрада ырчыларынын өзгөчө образдары дайыма сынга кабылып келет. Бул образдар чыгармачылыкпы же жөн гана акча табуунун жолубу? Акындар ырчыларга эмнеге нааразы? Жаштар Кыргызстандагы шоу-бизнеске кандай баа берет? “Азаттык +” бул жолу эстрада ырчылары жана жаштар менен талкуу уюштурду. Сөзсүз көрүңүз!

Кыргыз өкмөтү “Центерра Голд Инк.” компаниясы менен былтыр кабыл алынган стратегиялык келишимдин шарттарын кайра кароону келерки жылга жылдырды. Аткаруу бийлиги азырынча анын себептерин түшүндүрө элек.

Алматы шаарынын адистештирилген район аралык соту Жогорку Кеңештин мурдагы депутаты Дамирбек Асылбек уулу менен кошо кармалган 11 кишинин ишин карап жатат. Соода тиреши уланып жаткан учурда АКШ жана Кытай лидерлери телефондон сүйлөштү. Армениянын президенти парламентти таркатып, мөөнөтүнөн мурун шайлоо жарыялады.

2015-жылы АКШ соту тарабынан алты жылга абакка кесилген казакстандык Диас Кадырбаев мекенине депортация болду. Бул тууралуу бейшембиде "Fox News" каналы миграциялык кызматтарга шилтеме берип кабарлады. 24 жаштагы Кадырбаев "2013-жылы Бостон марафону учурунда болгон терактты иликтөөгө тоскоолдук кылган" деп айыпталган. 30-октябрда расмий казак маалымат каражаттары анын Казакстанга кайтып келиши тууралуу билдиришкен. Диас Кадырбаев менен кошо казакстандык дагы бир студент Азамат Тажаяковго да айып коюлган. Читать дальше...

Бишкектин район аралык соту "Коопсуз шаар" долбоору боюнча тендерди орусиялык "Вега" компаниясы утуп чыкканын мыйзамдуу деп тапты.

2-ноябрда Казакстанда кеминде үч өлкө аркылуу "аткезчилик жол менен товар ташып жүргөн" деп кармалгандардын соту өттү.

Жогорку Кеңештин депутаты Камчыбек Жолдошбаев Ак-Талаа районунун Баетов айыл округунун Кайыңды-Булак айылындагы менчик имаратын мектеп катары пайдаланууга берди. Бул тууралуу “Азаттык” радиосуна Ак-Талаанын акими Нурбек Молдокадыров билдирди. Анын айтымында, бул имарат СССР убагында автобаза болуп турган. ​ - Советтер Союзунун убагында имарат административдик автобазага карап турган. Кыргызстан эгемендик алгандан кийин менчиктештирүү учурунда жеке менчикке берилген. Кийинчерээк Камчыбек Жолдошбаевге... Читать дальше...

Бишкекте 2-ноябрь - Маданият кызматкерлеринин кесиптик майрамына карата концерттик программа менен коштолгон салтанаттуу иш-чара өттү. Ага өкмөт өкүлдөрү катышып, куттуктоо сөзүн айтты. Адистердин пикиринде бул даталуу күн маданият тармагында жыл сайын эле ашыкча убаракерчилик менен белгиленип келет. Бул жолу да өкмөт тарабынан маданият тармагынын негизги көйгөлөрү жана аны жакшыртуу боюнча эч кандай сунуштар айтылган жок.

Жамааттык Коопсуздук Келишим Уюмунун (ЖККУ) баш катчысы Юрий Хачатуров өз мекенинде айып тагылгандан кийин кызматынан бошотулду. Арменияда ал коргоо министринин орун басары болуп турган кезде конституциялык түзүлүштү төңкөрүүгө аракеттенген деп күнөөлөнүп жатат. Уюмга Армения, Беларусь, Казакстан, Кыргызстан, Орусия жана Тажикстан кирет. 2-ноябрда жарык көргөн билдирүүдө "армян жетекчилигинин өтүнүчү менен Хачатуров кызматынан мөөнөтүнөн эрте кетүүдө" деп айтылат. Андан мурунку күнү Армениянын... Читать дальше...

Алматы шаарынын адистештирилген район аралык соту Жогорку Кеңештин мурдагы депутаты Дамирбек Асылбек уулу менен кошо кармалган 11 кишинин ишин карап жатат. Бул тууралуу “Азаттыктын” казак кызматы жазды. Ишти судья Бахытхан Бакирбаев карап жатат, айыптоочунун милдетин прокурорлор Мырзагали жана Куракбаевдер аткарышууда. Кабарчы маалымдагандай, прокурорлор айыптоо актысын окушту. Тергөөнүн версиясы боюнча айыпталуучулар бажыдагы көмүскө схемаларды колдонуу аркылуу Казакстандын жана Орусиянын аймагына... Читать дальше...

2-ноябрь - Журналисттерге каршы кылмыштардын жазасыз калышын токтотууга багытталган эл аралык күн. Дүйнөнүн булуң-бурчунда өтүп жаткан акциялар Париждеги Эйфел мунарасында да өттү.  Бейшембинин кечинде Эйфелдин жарыгы бир саамга өчүрүлдү. Бир мүнөттүк жымжырттыктан кийин Париждеги акциянын катышуучулары кесиптик ишмердүүлүгү үчүн өлтүрүлгөн журналисттерди эскеришти. "Чек арасыз кабарчылар" уюмунун өкүлдөрү киши колдуу болгон кабарчылар көбөйүп жатканын билдирди. Эл аралык күн быйыл саудиялык... Читать дальше...

Укук коргоочу Чолпон Жакупова президентке ачык кат жазып, соттордун ишин жана мыйзамдардын аткарылышын көзөмөлгө алууга чакырды.

Ош шаарынын мэриясы борбордук жылуулук системасына туташкан 400 жер үйдү андан ажыратуу боюнча буйрук эмес, протоколдук тапшырма берилгенин билдирди. Тармакты тейлеген вице-мэр Асылбек Топчубаев бул боюнча оозеки гана буйрук болгонун, ал буйруктун автору ким экенин билбей тургандыгын айтты. Мэриянын басма сөз катчысы Азамат Абсаттаров болсо жылуулук боюнча адистердин сунушу менен шаардын жетекчиси тапшырма бергенин түшүндүрдү.  - Ош шаарынын мэри Таалайбек Сарыбашов сентябрь айында, күн ысык маалда кышка даярдыкты текшерген. Читать дальше...

Хакерлер "Фейсбуктун" 257 колдонуучусунун маалыматтарын Интернетке жарыялап, сатыкка коюшту. 80 миңден көп кишинин жазышкан каттары ачыкка чыгып кетти. Бул тууралуу ВВС жазып чыкты. Хакерлер 120 миллиондон ашуун адамдын маалыматтарын уурдашканын айтышууда. Бир баракчанын баасы 10 центке бааланып жатат. Бардыгы болуп 200 өлкөдөгү пайдалануучулардын маалыматтары уурдалды. Эң көбү Украинага туура келет, арасында АКШ, Британия жана Орусия да бар. ВВС бул карасанатайлыкка орусиялык хакерлердин тиешеси болушу мүмкүн деп эсептейт. Читать дальше...

Кыргыз гидрометеорология борбору шашылыш билдирүү таратып, 3-ноябрда абанын температурасы төмөндөп, туруксуз аба ырайы күтүлөөрүн эскертти. Бул жагдай энергетикалык жана коммуналдык кызматтардын ишин жана жайлоолордо малды багууну кыйындатат. Катуу жаан жааганда автоунаа жолдорунда көзгө уруна турган аралык азайып, автоунаалардын ылдамдыгы басаңдайт.  Түнкүсүн тоо этектеринде жана тоолуу райондордо кар жаайт, өрөөндөрдө жаан-чачын болбойт. Күндүз жаан-чачын күтүлбөйт. Тоолуу райондордо жана тоо этектеринде жолдор тайгак жана тоңголок болот. Читать дальше...

Кыргызстандын премьер-министри Мухаммедкалый Абылгазиев Казакстандын Астана шаарында Көз каранды эмес Мамлекеттер Шериктештигине (КМШ) кирген өлкөлөрдүн өкмөт башчыларынын кеңешинин чектелүү курамдагы жыйынына катышты. Кыргыз өкмөт башчысы кызматташуу боюнча Бишкектин позициясы өзгөрүүсүз калаарын, ал КМШ өлкөлөрүнүн интеграциясын бекемдөөнү, көп тармактуу форматта мамилени өнүктүрүүнү колдой турганын билдирди. Абылгазиев өлкөлөрдүн ортосундагы соода-экономикалык байланыштарды кеңейтүүнүн негизги... Читать дальше...

Балыкчы шаарында “Коопсуз шаар” долбоорунун биринчи этабы бүтүп, азыркы учурда тесттик режимде иштеп жатат. Бул тууралуу “Азаттыкка” Балыкчы шаарынын вице-мэри Алишер Табалдиев билдирди:  - Балыкчы шаарына 84 камера орнотулду. 84 камеранын 64ү Балыкчы шаарынын көчөлөрүнүн кесилишине орнотулган. Андан тышкары 20 камера стратегиялык объектилерге орнотулган, 2 камера эреже бузулган учурларды көзөмөлдөйт. Камералар тесттик режимде иштеп жатат. Андан сырткары, Балыкчы шаарынын борбордук көчөсүндөгү жөө жүргүнчүлөр үчүн 3 өтмөк жарыктандырылган... Читать дальше...

Оң рулдуу машинелерди өлкөгө алып кирүү тыйылгандан бери автоунаа базарынын негизги багыты Европага, АКШга жана Орусияга бурулду. Буга байланыштуу соңку жылдары АКШдагы финансы компанияларынын аукциондорунан автоунаа сатып алган кардарлар көбөйдү.

Оң рулдуу машинелерди өлкөгө алып кирүү тыйылгандан бери автоунаа базарынын негизги багыты Европага, АКШга жана Орусияга бурулду. Буга байланыштуу соңку жылдары АКШдагы финансы компанияларынын аукциондорунан автоунаа сатып алган кардарлар көбөйдү.

Президент Сооронбай Жээнбеков Ош облусундагы эки күндүк иш сапарынын алкагында Араван районундагы цемент заводунун ачылышына катышты. Бул тууралуу маалымат президенттик аппараттан алынды.  Мамлекет башчысы заводдун курулушу Аймактарды өнүктүрүү жылындагы эң маанилүү иш-чара экенин белгилеп, бирок жаңы ачылган ишканалар экологияга, айлана-чөйрөгө зыянын тийгизбеши керек экенин эскертти. Ал ошондой эле ишкерликти колдоо жана коргоо мындан ары да улана берерин белгиледи. “Биздин максат – инвесторлорду жана менчикти соттук куугунтуктан коргоо. Читать дальше...

Пакистанда ашынган исламчылар чоң шаарлардагы кан жолдорду бууп салышты. 3 күндөн бери алар "Мухаммед пайгамбарга акарат келтирген" деп айыпталган христиан аялдын акталышына нааразылыгын билдиришүүдө. "Техрик-и Лабаик" партиясы өкмөт менен сүйлөшүүлөр майнапсыз аяктаганын билдирди жана тарапкерлерин полиция менен тирешке даяр болууга чакырды. 1-ноябрда улуттук телеканалдан сүйлөгөн премьер-министр Имран Хан митингдерге чыккандар жолдорду тосо беришсе, өкмөт чара көрөөрүн эскерткен. Жергиликтүү... Читать дальше...

Кытайдан келген казак улутундагы өспүрүмдөр Казакстандын бийлигинен Шинжаң аймагындагы саясий тарбия берүүчү лагерлерде кармалган ата-энелерин бошотууга жардам берүүнү суранышты. Жума күнү 50дөй өспүрүм Алматыда Казакстандын Адам укуктары боюнча бюросуна чогулду. Басымдуу бөлүгү мектеп жашындагы бул балдар ата-энелери Шинжаңда негизсиз кармалып турганын айтып беришти. Өспүрүмдөрдүн көбү атасы же апасы менен Кытайдан Казакстанга көчүп келген.  Кайрылмандар менен иш алып барган “Ата-Журттун ыктыярдуу жаштары” уюмунун активисттери билдиргендей... Читать дальше...

Кыргызстан социал-демократиялык партиясы (КСДП) өзүнүн парламенттеги фракциясынын лидери Иса Өмүркуловду кызматтан кетирүү тууралуу саясий кеңештин чечимин фракциянын ар бир депутатына жөнөтөт. Бул тууралуу “Азаттыкка” партиянын расмий өкүлү Кундуз Жолдубаева билдирди. “Партиянын саясий кеңеши саясий чечим кабыл алды. Иса Өмүркулов саясий жактан да, моралдык жактан да КСДП фракциясынын лидери болууга укугу жок. Ал эми КСДПнын тизмеси менен парламентке келген депутаттар кандай чечим кабыл алаарын алардын абийирине коебуз. Читать дальше...

2-3-ноябрда Москвадагы конференцияда Ышкыбоздук бокстун эл аралык ассоциациясынын (AIBA) төрагасы шайланмакчы. Талапкерлердин бири – советтик жана казакстандык белгилүү боксчу, Азиянын бокс конфедерациясынын жетекчиси Серик Конакбаев. Ал Борбор Азиянын дагы бир өкүлү, ассоциациянын вице-президенти, ушу тапта төраганын милдетин аткарып жаткан өзбекстандык Гафур Рахимов менен ат салышат. Эл аралык Олимпиада комитети шайлоонун жыйынтыгы бокстун 2020-жылдагы оюндарга киргизилип-киргизилбешине таасир этерин эскерткен. Читать дальше...