Новости за 11.11.2018

Ооганстандын Газни провинциясында бир нече күндөн бери куралдуу кармаш уланып жатат. Расмий өкүлдөр 15 карапайым киши жана тандалма күчтөрдүн 10 аскери өлгөнүн билдиришти. Атышуу хазарлар байырлаган Жагхори районунда 7-ноябрда талип жоочулар аймакка кол салганда тутанган. Борбордук өкмөт жергиликтүү кошуундарга жардамга атайын бөлүктөрдү жөнөткөн. Полициянын маалымат катчысы Ахмад Хан Сираттын айтымында, 11-ноябрда алты коопсуздук аскери жарадар болду. Хазарлардын көбү шиийлер. 1996-2001-жылдары... Читать дальше...

Жакында Жогорку сот тарабынан акталган пакистандык христиан аял Асия Биби Германияга кетүүнү туура көрөт. Бул жөнүнө 11-ноябрда немис гезитинде жарык көргөн комментарийде анын адвокаты Сайфул Малук айтты. Адвокат Биби “үй-бүлөсү менен кошо Германияга бара алса, кубанычта болмок”, - деди. Германиядан тышкары бир нече европалык өлкө аларды кабыл алууга даярдыгын билдиришкен. Басылма ошондой эле немис Тышкы иштер министрлигинин өкүлүнө шилтеме менен Германия жана Пакистан өкмөттөрү маселени талкуулап жатышканын жазды. Читать дальше...

Тегеранда Азия Чемпиондор Лигасынын финалына жүздөгөн кыз-келин ышкыбоздорго да барууга уруксат берилди. Бул тууралуу жергиликтүү маалымат каражаттары жазышты. 10-ноябрда Иран баш калаасынын “Персеполис” жана жапониялык “Кашима Антлерс” клубдарынын беттешүүсү өткөн “Азади” стадионуна негизинен оюнчулардын жакындары, аялдар командасынын мүчөлөрү, футбол федерациясынын кызматкерлери барышты. Матч 0-0 эсебинде аяктады, бирок биринчи оюнда жапониялыктар уткандыктан, чемпиондук наам аларга тийди. Реформачыл... Читать дальше...

Парижде дүйнөнүн 70 чакты өлкөсүнөн келген жетекчилер Биринчи Дүйнөлүк согуштун аякташынын 100 жылдык мааракесине катышышты. 1918-жылдын 11-ноябрында бери дегенде 10 миллион кишинин өмүрүн алып кеткен төрт жылдык урушка чекит коюлган. Белгисиз жоокер коюлган жерге, Триумфалдык арканын жанында өткөн салтанатка Орусиянын, АКШнын, Түркиянын президенттери, Германиянын канцлери жана башка лидерлер чогулушту. Француз мамлекет башчысы Эммануэл Макрон дүйнө лидерлерин “тынчтык үчүн биргелешип күрөшүүгө” чакырды. Читать дальше...

Жыл сайын орточо эсеп менен 450 түрк аял Америка Кошмо Штаттарына барып көз жарат. Алар АКШдагы "төрөт туризмине" 16 миллион доллар коротот. Түрк энелер ымыркайларына АКШ жарандыгын алып берүү үчүн ушундай чечим кабыл алышканын айтышат.

Парижде дүйнөнүн 70 чакты өлкөсүнөн келген жетекчилер Биринчи Дүйнөлүк согуштун аякташынын 100 жылдык мааракесине катышышты. 1918-жылдын 11-ноябрында бери дегенде 10 миллион кишинин өмүрүн алып кеткен төрт жылдык урушка чекит коюлган. Белгисиз жоокер коюлган жерге, Триумфалдык арканын жанында өткөн салтанатка Орусиянын, АКШнын, Түркиянын президенттери, Германиянын канцлери жана башка лидерлер чогулушту.

Дүйнөлүк басма сөзгө баяндама (5-12-ноябрь).

Кыргызстанда журналисттердин кесиптик этикасын жайылткан флешмоб өтүп жатат. Аны Жалпыга маалымдоо каражаттарынын үстүнөн түшкөн даттанууларды караган комиссия 7-ноябрь – Басма сөз жана маалымат күнүнө карата уюштурду. Максаты - кесипкөй журналистиканы өнүктүрүү жана сөз эркиндигинин сакталышына салым кошуу. Эстафета форматындагы флешмобдо журналисттер этикалык кодекстин бир беренесин айтып, аны видеого түшүрүп, “Фейсбуктагы” баракчасына коёт жана кезекти башка кесиптешине узатат. Кийинки катышуучу андан ары улантышы керек. Читать дальше...

Кыргызстан мусулмандарынын дин башкармалыгы тараткан маалыматка караганда, өлкө аймагындагы диний окуу жайлардын мүдүрлөрү үчүн “Диний билим берүүнүн коомдогу орду” деген аталган окуу семинары башталды. Ага муфтий Максатбек Токтомушев, анын орун басары Жоробай Шергазыев, “Бүткүл дүйнөлүк куран жана сүннөт” уюмунун өкүлү, доктор Ахмад Сайфуддин Туркистаний катышты. Муфтий диний окуу жайлардын мүдүрлөрүнө билим берүү сапатын жогорулатуу, бирдиктүү окуу программасынын негизинде иштөө, студенттердин... Читать дальше...

Өздөрүн “Луганск элдик жумурияты” жана “Донеск элдик жумурияты” деп атап алган аймакта башчыларды жана Элдик кеңешти шайлоо өтүп жатат. Шайлоо белгиленген убагында башталып, бардык добушканалар ачылды. Бул тууралуу маалымат жыйынында “ЛНР” Борбордук шайлоо комиссиясынын катчысы Екатерина Терещенко билдирди. Жалпысынан Луганскта 316 добушкана ачылды. Бул аймакта шайлоочулар активдүү катышып жатканы кабарланууда. Добуш берүүнүн жүрүшүнө Абхазия, Бельгия, Бразилия, Венгрия, Германия, Греция, Йемен... Читать дальше...

АКШ менен Түркиянын президенттери Дональд Трамп жана Режеп Тайып Эрдоган Парижде кечки тамактануу учурунда саудиялык журналист Жамал Хашогжинин өлүмүнүн себептерин иликтөөнүн жүрүштөрү тууралуу талкуулашты. Бул тууралуу жекшемби күнү “Дейли мейл” гезити жазды. Жолугушуу Франция президенти Эммануэль Макрондун чет элдик коноктор үчүн уюштурган кечки тамактануу учурунда болгон. Эки лидердин сүйлөшкөнү боюнча сүрөттөр Эрдогандын расмий сайтына жарыяланды. Ал эми амеркалык президенттин пресс-катчысы... Читать дальше...

Мамлекеттик каттоо кызматынын маалыматына караганда, быйыл тогуз айда Кыргызстанда 380 781 чет элдик жаран каттоого алынган. Бул өткөн жылга салыштырмалуу 160 миңге көп. Каттоого алынгандардын ичинен 18 354ү - Кытайдын жарандары. Буга чейин Жогорку Кеңештин депутаты Таабалды Тиллаев өлкөдө мыйзамсыз иштеп жаткандардын саны 100 миңден ашканын, Кыргызстандын мыйзамдарында сырттан келген мигранттардын жана туристтердин жоопкерчилигин караган нормалар жетишсиз экенин айтып чыккан. Мамлекеттик каттоо... Читать дальше...

Cалык кызматы мамлекеттик кызматкерлердин жана алардын жакындарынын 2017-жылдагы кирешеси менен чыгашасы тууралуу декларацияларын жарыялап жатат. Айрым жогорку кызматтагы адамдар декларациясында кандай мал-мүлкүн көрсөтүшкөн? "Азаттыктын" түшүндүрмө видеосунан көрүңүз.

Cалык кызматы мамлекеттик кызматкерлердин жана алардын жакындарынын 2017-жылдагы кирешеси менен чыгашасы тууралуу декларацияларын жарыялап жатат. Айрым жогорку кызматтагы адамдар декларациясында кандай мал-мүлкүн көрсөтүшкөн? "Азаттыктын" түшүндүрмө видеосунан көрүңүз.

Ысык-Көл облусунун борбору Каракол шаарындагы жаңы конуштардын бирине Жогорку Кеңештин депутаты, маркум Улан Чолпонбаевдин ысымы ыйгарылды. Бул тууралуу “Азаттык” радиосуна шаардык кеңештин депутаты Азамат Айтбаев билдирди. Анын айтымында, Карасаев жана Элебаев көчөлөрүндө жайгашкан жаңы конушка Улан Чолпонбаевдин ысымын берүү демилгесин жергиликтүү тургундар көтөрүшкөн. Депутаттар быйыл жайында демилгени бир добуштан колдоп беришкен. 10-ноябрда маркумдун аты жазылган белгилер орнотулуп, Чолпонбаевдин... Читать дальше...

АКШ Йемендеги саудиялык аскерий учактарга абада май куюуну токтотту. Сауд Арабия АКШ муну Эр-Рияддын өтүнүчү менен токтотконун, анткени сауд аскерлери учактарга абада май куюуну өз күчтөрү менен аткара ала турганын билдирген. Пентагондун башчысы Жеймс Мэттис АКШ бул чечимди колдой турганын билдирди. Бул өзгөрүүлөр суадиялык журналист Жамал Хашогжинин өлүмүнө байланыштуу жаңжал курчуган учурга туш келүүдө. Буга чейин АКШ Конгрессиндеги эки партиянын өкүлдөрү тең абада май куюуну токтотуу менен коркутуп келген. Читать дальше...

Анкара саудиялык журналист Жамал Хашогжинин өлүмүнө байланыштуу бардык аудио жазууларды АКШга, Франция, Германия, Британияга өткөрүп берди. Түркиянын президенти Режеп Тайып Эрдоган “алардын баары бул аудио жазуулар тууралуу билерин, угуп чыгышканын” айтты. Муну менен Түркия Сауд Арабиясынын Стамбулдагы консулдугунда журналисттин өлүмүнө байланыштуу далил бар экенин алгачкы ирет расмий тааныды. Бул тууралуу буга чейин маалымат каражаттарында гана айтылып келген. Аудио Борбордук чалгын башкармалыгынын башчысы Жин Хеспелге да берилди. Читать дальше...

Өкмөттүн маалыматына караганда “Кумтөр” ишканасы 2018-жылы алтынды былтыркыдан аз өндүрөт деп күтүлүүдө. Мунай иштеткен “Жунда” заводу, “Макмал” алтын комбинаты ишин токтотту.

Саламаттык сактоо министрлигинин коомдук кеңешинин мүчөсү Нурхан Жумабаеванын “Азаттыкка” берген маалыматы боюнча, жыл башынан бери 52 балага кант диабети диагнозу коюлду. Өлкөдө 400дөй бала бул оору менен каттоодо турат. Балдардын эндокринолог-педиатр адистигиндеги дарыгерлери жетишсиз. Жумабаева бул багытта онго жетпеген дарыгер иштей турганын белгиледи. Чоң кишилер арасында 54 миңден ашуун адам кант оорусу менен каттоодо турат. Бирок "Глобалдык кант диабет картасы" уюму бул сан 200 миңге чукул болушу мүмкүн экенин аныктаган. Читать дальше...

Залкар жазуучу Чыңгыз Айтматовдун 90 жылдыгына карата анын чыгармаларынын негизинде тартылган тасмалар Москвадагы кинотеатрларда көрсөтүлүп жатат. Бул тууралуу Кыргызстандын Орусиядагы элчилигинин өкүлү Гүлбарчын Байымбетова кабарлады. Анын айтымында, Т.Океев атындагы "Кыргызфильм" киностудиясынын жана Орусиянын Маданият министрлигинин колдоосу менен Айтматовго арналган иш-чаралардын экинчи бөлүгү башталды. Москва шаарынын “Звезда”, “Факел”, “Юность” кинотеатрларында кыргыз кино тасмаларын көрсөткөн кинодекада өтүп жатат. Читать дальше...

АКШнын Калифорния штатында чыккан өрттөн каза болгондордун саны 23кө жеткенин "Reuters" агенттиги кабарлады. Түндүк Калифорниядагы токойдо башталган өрт Парадайс тоолорундагы 6700дөй үйдү жана чакан чарбалыкты каптады. Жергиликтүү бийлик курмандыктардын саны көбөйөрүн божомолдоодо. Учурда 35 кишинин дайыны белгисиз. Болжол менен 40 500 гектар аянтты өрт каптады. Президент Дональд Трамп кырсыктын чыгышына жергиликтүү бийликти айыптап, "коопсуздук чараларын көргөн эмес" деп сындады. Бийлик өкүлдөрү... Читать дальше...

Ангела Меркель согуштан кийин, Германия менен өнөктөштөрү ортосундагы элдешүү орун алган соң Компьенск токоюна барган алгачкы концлер болду. Немис канцлери жана Франциянын президенти Эммануэль Макрон Биринчи Дүйнөлүк согуштун курмандыктарын эскерген салтанатка катышты. Ишемби күнү алар Франциянын түндүгүндөгү Компьень шаарына жакын жайгашкан токойдогу мемориалга гүлчамбар коюшту. Бул жерде 1918-жылы 11-ноябрда Германия менен өнөктөштөр ортосунда аскерий аракеттерди токтотуу боюнча келишимге кол коюлган. Читать дальше...

Узап бараткан аптанын урунттуу окуяларына сереп.