Новости за 18.11.2018

Кошмо Штаттардын Ооганстан боюнча атайын өкүлү 2019-жылдын 20-апрелине чейин “Талибан” менен тынчтык келишимине жетишүүгө үмүттөнүүдө. Залмай Халилзад мындай пикирин жекшембиде ооган журналисттерине билдирди. - Мен болжолдоп турган акыркы абал – тынчтык орногон Ооганстан; ийгиликтүү Ооганстан; өзүнө коркунуч жаратпаган Ооганстан, бул демек оогандардын ортосундагы тынчтык; ошондой эле эл аралык коомчулукка, мен АКШын атынан сүйлөп жаткандыктан, өзгөчө Кошмо Штаттарына коркунуч жаратпаган Ооганстан, – деди Халилзад. Читать дальше...

Украинанын мурдагы президенти Виктор Янукович Москвада, Склифосовский атындагы тез жардам институтуна жаткырылды. “Ал ушул тапта кыймылдай да албайт” деп адвокаты Александр Хорошинский билдирди.  Янукович теннис ойноп жатканда омурткасы менен тизесинен катуу жаракат алганы кабарланды. Буга байланыштуу 19-ноябрдагы сотко видеобайланыш аркылуу катышып, акыркы сөзүн айтууга мүмкүнчүлүгү болбойт. Адвокаты Янукович үч жумача ооруканада болорун болжолдоп, сотту ошондон кийинкиге жылдырууга аракет кылууда. Читать дальше...

Токтогул районунун атайын фондунун каражаттары максатсыз пайдаланылып, бир топ жыл мурда башталган ирригациялык жумуштар аягына чыкпай келатканын райондогу жергиликтүү кеңештин депутаттары айтып чыгышты. Прокуратура да быйыл фонддун жооптуу кызмат адамдарына эки жолу кылмыш ишин козгогон.

Алматыда казак киносунун негиздөөчүсү Шакен Аймановдун атындагы эл аралык кинофестиваль өтүүдө. Ал буга чейин "Шакендин жылдыздары" деген аталышта уюштурулуп, борборазиялык жаш киночуларды жана дебюттук фильмдерди колдоп келген. Конкурстук программа үч бөлүктөн турат. Ар бири Шакен Аймановдун белгилүү чыгармаларынын аталышынан коюлган. "Кесилиш" бөлүгүндө дүйнөнүн булуң-бурчунан келген толук метраждуу тасмалар көрсөтүлөт. Ал эми "Аталардын жери" конкурсунун калыстар тобуна кыргызстандык депутат... Читать дальше...

Армения премьер-министринин милдетин аткаруучу Никол Пашинян өлкөдө кадрлар банкы түзүлүп, кызматка эл арасынан жетекчилер тандала турганын билдирди. "Мен премьерликте отурган алты айдагы эң жүйөлүү талаптардын бири ушул болгон. Жарандар жогорку кесиптик билими, уюштуруучулук жөндөмүнө карабай көп учурда премьер-министрге үнү жетпей, Армениянын жыргалчылыгы үчүн өз кызматын сунуштай албай жатышканына даттанууда", - деп жазды Пашинян "Фейсбуктагы" барагына. Мындай көрүнүштү болтурбоо максатында... Читать дальше...

Кыргызстандык спортчу Бусурманкул Абдибаит уулу таймаштын аралаш түрлөрү (MMA) боюнча Орусиянын Назрани шаарында (Ингушетия) өткөн "M-1 challenge 99" мелдешинде жеңишке жетти. Турнирдин расмий сайтындагы маалыматка ылайык, таймаш 17-ноябрда өттү. Ага жети өлкөнүн спортчулары катышып, жалпысынан 12 беттеш болду. Бусурманкул Абдибаит уулу 65.8 килограммга чейинки салмакта рингге чыгып, орусиялык Залимбек Омаров менен күч сынашты. Үч раундга созулган таймаштын жыйынтыгында калыстар бир добуштан жеңишти кыргызстандык спортчуга ыйгарды. Читать дальше...

Башкы прокурор Өткүрбек Жамшитов Баткен облусуна барып, прокуратуранын жамааты менен жабык жыйын өткөрдү. Бул тууралуу “Азаттык” радиосунун аймактагы кабарчысы маалымдады. Буга чейин Баткен облусунун прокурору Анарбай Мамажакыповдун өлүмүнө байланыштуу облустук капиталдык курулуш башкармалыгынын жетекчиси сурак берип жатканы кабарланган. Маалыматка ылайык, соттук-медициналык экспертиза дайындалып, тергөө амалдары жүрүп жатат. Кылмыш-жаза кодексинин 97-беренеси ("Адам өлтүрүү") менен иш козголду. Читать дальше...

19-ноябрда Кыргызстандын аймактарында жаан-чачын болбойт. Бирок жолдор тайгак болот. Шамалдын багыты өзгөрүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -7…-12, күндүз 7…12; Таласта түнкүсүн -4…-9, күндүз 6…11; Баткенде түнкүсүн -1…+4, күндүз 9…14; Ошто, Жалал-Абадда түнкүсүн -3...2, күндүз 9…14; Ысык-Көлдө түнкүсүн -4…-9, күндүз 4…9, Нарында түнкүсүн -12…-17, күндүз 0…5 градус болот. Бишкекте жаан-чачын жаабайт. Түнкүсүн жана таңга жуук туман түшүшү ыктымал. Читать дальше...

Дүйнөлүк басма сөзгө баяндама (12-19-ноябрь).

Францияда күйүүчү майдын баасынын жогорулашына каршы чыккан акцияда бир аял каза болуп, бери дегенде 220 адам жаракат алды. Каза болгон аял топтолгондорду байкабай сүзгөн машинанын алдында калган.   Ички иштер министрлигинин маалыматына ылайык, акцияга өлкө боюнча 280 миңден ашык адам катышты. Сары түстөгү кийимчен катышуучулар май куйуучу жайларга барчу жолдорду бууп алышкан. Акцияда 117 киши кармалып, алардын 73ү камакка алынды. 17-ноябрда Парижде акцияга чыккандар президенттин имаратына кирүүгө аракет кылышкан. Читать дальше...

2018-жылы Нарын облусундагы аба майданына аэробекет комплексинин курулушун долбоорлоо чыгымдарын иштеп чыгуу боюнча конкурс өткөрүлгөн. Аэробекеттин курулушу чыгымдарды эсептеген документтер бүткөндөн кийин башталат. Бул тууралуу “Манас” аэропорту ачык акционердик коомунун басма сөз кызматы билдирди.  1964-жылы ишке кирген Нарын аэропортунда 1990-жылдардан тарта аба каттамдары токтоп калган. Бирок учурда күндүз убакта учактарды кабыл алууга уруксаты бар.  Мындан сырткары Аймактарды өнүктүрүү... Читать дальше...

Баткен облусунун прокурору Анарбай Мамажакыповдун өлүмүнө байланыштуу облустук капиталдык курулуш башкармалыгынын жетекчиси сурак берип жатат. Бул тууралуу милициядан кабарлашты. Маалыматка ылайык, соттук-медициналык экспертиза дайындалып, тергөө амалдары жүрүп жатат. Кылмыш-жаза кодексинин 97-беренеси ("Адам өлтүрүү") менен иш козголду. Маркум 17-ноябрда азыр сурак берип жаткан жетекчи менен чогуу жүргөнүн көргөн күбөлөр бар. Ички иштер министрлигиндеги ишенимдүү булактар Мамажакыповдун жанында... Читать дальше...

Баткен облусунун прокурору Анарбай Мамажакыпов 18-ноябрга караган түнү киши колдуу болуп өлтүрүлдү.

Парламенттеги “Өнүгүү-Прогресс” фракциясынын жетекчиси Бакыт Төрөбаев Мамлекеттик Думанын экс-депутаты Леонид Маевскийдин камакка алынганы боюнча пикирин партиянын "Фейсбуктагы" расмий баракчасына жарыялады. Төрөбаев саясатчылардын сот жообуна тартылышына негизги күбө болгон Маевскийдин көрсөтмөлөрү боюнча Башкы прокуратура, Улуттук коопсуздук боюнча комитети кылмыш ишин тыкыр иликтеп, акыйкат баа берүүгө тийиш деп эсептейт: “Алдамчылык иштерине шектелген Маевскийдин көрсөтмөсү менен камакта отурган... Читать дальше...

Президент Дональд Трамп ишембиде Түркияда төңкөрүш аракетине айыпталып жаткан диниятчы Фетхуллах Гүлен тууралуу журналисттерге комментарий берди. “Жок, Гүленди өткөрүп берүү маселеси каралбайт”, – деди Трамп. Бир нече күн мурда NBC телеканалы Трамптын администрациясы диниятчыны өткөрүп берүү маселесин карай турганын маалымдаган. Мындай чечим "Сауд Арабиясынын Стамбулдагы консулдугунда өлтүрүлгөн журналист Жамал Хашогжинин (Хашогги) өлүмү боюнча чыңалууну курчутпоо үчүн Вашингтондун түрк президенти... Читать дальше...

Күйөөсү сабай берип кулагы укпай калган 37 жаштагы Салтанат Нусукеева азыр Бишкектин айланасындагы жаңы конуштардын биринде эки баласы менен батирде жашайт. Күйөөсүнөн качып борборго келгенден кийин мектептин полун жууп жүргөн келиндин кулагы укпаганы жолтоо болуп, бир айдан бери жумушсуз жүрөт. Анын жалгыз тилеги - ишсиз, жашоосу кыйын адамдарды жана жер которгон мигранттарды тикмечиликке үйрөткөн акысыз курстан билим алып, ишке орношуу.

Кыргыз коомчулугунун ой жүгүртүүсүндө терең өзгөрүүлөр болуп жатат.

Ош шаардык мэриясынын басма сөз кызматынын башчысы Азамат Абсаттаров Оштун мэри Таалай Сарыбашевдин жарандыгына байланыштуу Интернетте тарап жаткан маалыматтар боюнча “Азаттык” радиосуна пикирин айтты: - Ошондой маалыматтар чыгып жатат. Мен мэрден сурасам ал жалган экенин айтты. Демек бул маалыматтар чындыкка дал келбейт десек болот. Учурда айрым жергиликтүү сайттарда жана социалдык тармактарда Ош шаарынын башчысы Таалай Сарыбашевдин Орусия жарандыгы бар экени тууралуу маалыматтар тарап, кызуу талкууланып жатат. Читать дальше...

10-ноябрда Түркия Казакстандын, Өзбекстандын жана Тажикстандын жарандарына бул өлкөдө 90 күнгө чейин визасыз жүрүүгө уруксат берилерин расмий билдирди. Буга чейин Борбор Азиянын үч өлкөсүнүн жарандары Түркияда 30 күн визасыз жүрө алчу.

Улуттук статистика комитетинин маалыматына ылайык, Кыргызстандагы орточо айлык акынын өлчөмү 15 752 сом (226 доллар) деп жарыяланды. 2017-жылы орточо айлык акы 14 800 сом деп эсептелген. 2018-жылдын май айындагы эл аралык уюмдардын маалыматында Борбор Азиядан Казакстанда орточо айлык 480 доллар, Түркмөнстан 320 доллар, Өзбекстан 235 доллар, Кыргызстанда 220 доллар, Тажикстан 110 доллар деп эсептелген. Дүйнөлүк рейтингдин сап башында Швейцария, Норвегия жана Люксембург турат. Бул мамлекеттерде орточо айлык акы 3,5 миң доллардан көп. Читать дальше...

17-ноябрда Жол коопсуздугун камсыз кылуу башкы башкармалыгынын жетекчиси Канат Жумагазиев Бишкек шаарындагы жана Чүй облусундагы автомектептердин жетекчилиги менен жолукту. Бул тууралуу мекеменин басма сөз кызматы билдирди. Жолугушууда Жумагазиев жетекчилерге автомектептин курсанттарын профилактикалык иш-чараларга тартууну сунуштады. Анын айтымында, мындай тажрыйба жол кыймылынын эрежелерин жакшылап үйрөнүүгө жана жол коопсуздугун камсыз кылган кызматкерлерге көмөкчү болот.     Автомектептин жетекчилери бул демилгени колдоого алып... Читать дальше...

АКШнын Калифорния штатында ноябрдын башында тутанып, ушул күнгө чейин уланып жаткан өрттөн кийин 1011 кишинин дайыны белгисиз болууда. Бул тууралуу аймактын шерифи Кори Хонеага шилтеме жасап "Los Angeles Times" жазды. Буга чейин дайыны чыкпай жаткандардын саны 631 болчу. ВВС жергиликтүү бийлик дайынсыз кеткендердин санын ар кайсы булактан чогулутуп жактандыктан, тизме так болбошу мүмкүн экенин белгиледи.   АКШнын Калифорния штатында 8-ноябрда тутанып, ушул күнгө чейин уланып жаткан өрт 71 адамдын өмүрүн алып кетти. Читать дальше...

Узап бараткан аптанын урунттуу окуяларына сереп.

Баткен облусунун прокурору Анарбай Мамажакыпов 18-ноябрга караган түнү киши колдуу болуп өлтүрүлгөн. Бул маалыматты “Азаттыкка” Ички иштер министрлигинин басма сөз кызматкери Бакыт Сейитов тастыктады: - Облустун прокурору Баткен шаарынын чекесинде, талаада денесине залакат келтирилип өлтүрүлгөнү аныкталды. Тергөөнүн кызыкчылыгы үчүн башка маалыматтар айтылбайт. Шектүү кишилер бар. Кылмыш иши козголуп, териштирүү иштери жүрүп жатат.   Айрым маалыматтарда кылмышка шектүү киши кармалганы айтылып жатат. Читать дальше...