Новости за 23.11.2018

Өлкөнүн чыгышындагы Хост провинциясында, аскерий базанын ичиндеги мечитте, жума намаз учурунда болгон жарылуудан ондогон киши мерт болду жана жаракат алды. Аймактан түшкөн соңку маалыматтарга караганда, жарылуудан кеминде он эки кишинин өмүрү кыйылды. Хост провинциясынын губернаторунун басма сөз катчысы Талиб Мангалдын “Эркин Европа/Азаттык” радиосунун ооган кызматына билдиргендей, жарылуудан дагы 33 киши жаракат алган. Башында айрым маалымат агенттиктери ооган расмий өкүлдөрүнө шилтеме жасап... Читать дальше...

АКШнын Чекене соода боюнча улуттук федерациясынын эсебинде, ушул жума күнү өлкө боюнча 116 миллион адам дүкөнгө барганы жатат. Ал эми келерки дүйшөмбүгө чейин дүкөндөргө 164 миллион адам келери күтүлүүдө. Black Friday деп аталган күнү салт боюнча соода түйүндөрү товар бааларын бир нече эсе арзандатышат. АКШнын тургундары ушул бейшемби-жума күндөрү Thanksgiving (Ыраазычылык күнү) майрамын белгилөөдө.  Reuters агенттиги кабарлагандай, сурамжылоолор америкалык керектөөчүлөрдүн 38% Black Friday күнү дүкөнгө барарын... Читать дальше...

Кара майдын Brent сортунун бир баррелинин баасы 23-ноябрда Лондон биржасындагы соодада 59,26 долларга бааланды. Бул - 2017-жылдын октябрь айынан берки эң төмөнкү баа.  Өзү мунай баасы дүйнөлүк биржаларда акыркы жети аптадан бери төмөндөөдө жана ноябрь айында эле 20% арзандады.  Мындан улам кара май өндүрүүчүлөрдүн ОПЕК уюму 6-декабрдагы олтурумунда өндүрүш көлөмүн кыскартуу маселесин талкуулайт деп күтүлүүдө. Кара май өндүрүүчүлөрдүн ОПЕК уюмуна он беш мамлекет мүчө. Ири өндүрүүчүлөрдүн бири болгон Орусия ага кирбейт... Читать дальше...

"Сөз дайра" берүүсүндө батанын, айрым макал-лакаптардын маанисин чечмелейбиз.

“Эркин Европа/Азаттык” радиосунун тажик кызматы кабарлагандай, Тажикстандын парламенти 23-ноябрда өлкөнүн 2019-жылкы бюджетин бекитти.  Каржы министри Файзиддин Каххорзоданын парламентте билдиргенине караганда, Рогун ГЭСинин курулушуна 2019-жылы бюджеттен 2 млрд. 100 млн. сомони же 222 млн. доллар бөлүнгөн. Бул ГЭС курулушуна бюджеттен быйыл ажыратылган акчадан 100 миллион cомониге көп. Рогун ГЭСинин биринчи агрегаты быйыл 16-ноябрда пайдаланууга берилди. Президент Эмомали Рахмон ошол азем учурунда жарыялагандай... Читать дальше...

Кошмо Штаттардын администрациясы дүйнө боюнча өнөктөш өлкөлөрдү Кытайдын Huawei телекоммуникациялык компаниясынын жабдууларын колдонууну токтотууга чакырды. Вашингтон бул компанияны Кытай бийлигинин пайдасына жашыруун тыңчылык кылат деп шек санайт. Бул тууралуу америкалык Wall Street Journal басылмасы жазып чыкты. АКШ бийлиги өз чакырыгын Германия, Италия, Жапония жана башка өлкөлөрдүн бийликтерине, аларда интернет кызматын көргөзгөн компанияларга багыттады. Быйыл жыл башында АКШнын чалгын... Читать дальше...

"Кыргызстан сулуусу - 2018" сынагы он күндүн ичинде удаа-удаа өтүп, ноябрь айынын биринчи бөлүгүндө эле эки сулуу тандалды. Кыргызстанда мындан башка да сулуулук сынактары байма-бай өтүп келет. Каалаган киши уюштура бергени үчүнбү же башка себептери барбы, айтор, дээрлик көбү чыр менен аяктайт. "Азаттык+" бул жолу Кыргызстанда өткөн сулуулук сынактарынын деңгээлин талкуулайт.

Пакистанда Кытай консулдугуна чабуул койгон жанкечтилер жок кылынды. Кытайдын катаал тарбия лагерлеринде жакындарыбыз камакта деп кыргыздар да чыгышты. Тажикстан АКШда "кара тизмеге" илинди. Өзбекстанда аялды чечиндирип, кордогон милиционер 6,5 жылга кесилди.

Кумтөр кенин иштеткен канадалык "Центерра Голд" компаниясы кендеги үлүштөрдү сатып алууга кытайлык компаниялар кызыгып келгенин расмий ырастады.

"Акнет" ишканасына карата кылмыш ишинин козголушунун арты менен жүздөгөн абоненттер телевидение жана Интернет начар иштеп жатканына нааразы боло баштады.

Ишеналы Арабаев атындагы Кыргыз мамлекеттик университетине караштуу Теология коллежинин студенттери Чыңгыз Айтматовдун 90 жылдыгына карата жазуучунун “Кылым карытар бир күн” романын сахналаштырышты. Бул тууралуу иш-чараны уюштурган Дин иштери боюнча мамлекеттик комиссия кабарлады. Студенттер Айтматовдун чыгармаларындагы түрдүү баалуулуктар боюнча баяндамаларын, изилдөөлөрүн жарыялашты. Андан кийин жазуучунун чыгармаларынын айланасында талкуу болду. Иш-чарага Чыңгыз Айтматовдун уулу Элдар Айтматов... Читать дальше...

Жогорку Кеңештин 22-ноябрдагы түштөн кийинки отуруму кворумдун жоктугуна байланыштуу 40 мүнөткө кеч башталды. Жыйынга убагында келбеген депутаттар сынга кабылып, алардын ишке болгон мамилеси талкуу жаратты.

Жарылуу бүгүн Ооганстандын чыгышындагы Хост провинциясында, аскердик базанын ичиндеги мечитте, жума намаз учурунда болгон. Андан кеминде 26 кишинин өмүрү кыйылып, дагы 50дөй адам жарадар болду.  Хост провинциясынын өкмөт өкүлү Абдел Ахмад Зия билдиргендей, курмандыктардын саны мындан да көп болушу мүмкүн. Жарылуу кандайча болгону, аны ким кылганы азырынча беймаалым. Кол салуу үчүн эч бир топ жоопкерчилик ала элек. “Талибан” кыймылы буга чейин диний жайлардагы кол салууларды айыптап келген.... Читать дальше...

Баткен облусунун мурдагы прокурору Анарбай Мамажакыповду өлтүрүү боюнча шектүү катары кармалган облустук капиталдык курулуш башкармалыгынын башчысы Мелис Калыков кыйноого алынганы тууралуу даттанып чыкты. Бул тууралуу “Азаттыкка” Кыйноого каршы улуттук борбордун жетекчиси Нурдин Сулайманов билдирди. - Айыпталуучу "кыйноого кабылдым" деп өзү айтып, арыз жазып берди. Арызында ал “мени кармагандан кийин Баткен облустук милиция башкармалыгына алып келишип, прокурорлор жана милиция кызматкерлери кыйноого алышты” деп жазып жатат. Читать дальше...

Свердлов райондук сотунда милиция бөлүмүндө киши колдуу болгон Бурулай Турдаалы кызынын өлүмү боюнча ишти кароо уланууда. Учурда күбөлөрдүн көбү суралып бүттү. Бул жолку соттук отурумда айыпталуучу Марс Бөдөшевдин досу, экинчи айыпталуучу Акмат Сейитов көрсөтмө берди. Ал эми Бөдөшев өзү даяр эмес экенин, кийин сурак бере турган айтты. Сот отурумунан кийин Бурулай Турдаалы кызынын жана анын өлүмү боюнча айыпталып жаткан Марс Бөдөшевдин ата-энелери, туугандары айтышып, уруша кетишти.

Ала качууга туш болуп милиция бөлүмүнөн ажал тапкан Бурулайдын сүрөтү өзү окуган коллеждин жатаканасынын дубалына тартылды. Бурулайдын дубалдагы образы - аялдарга жана кыздарга карата жасалган зомбулук менен күрөшүп, кыздарды ала качып, зордоп никеге тургузууну жоюуга чакырат.

Талас облустук музыкалык драма театрынын курулушуна мурдагы президент Алмазбек Атамбаевдин фондунан бөлүнгөн 45 миллион сом максатсыз жумшалган. Бул тууралуу "Азаттыкка" Талас облустук капиталдык курулуш башкармалыгында юрист болуп иштеп кеткен Аскар Исабеков билдирди:  - Дегеле бул имараттын курулушунда ачыктан-ачык мыйзам бузуу болгон. Бул боюнча капиталдык курулуш башкармалыгынын ошол кездеги жетекчиси, азыркы учурдагы өкмөттүн Талас облусундагы өкүлү Марат Мураталиев менен талаш-тартыштар болгон. Читать дальше...

Орус өкмөтү коомдук талкууга чыгарган мыйзам долбоорунда расмий булактарда жайгаштырылган жеке маалыматтарды атайын уруксаты жок адамдардын жайгаштырышына тыюу салынат.  Мыйзамдын жоболору ошондой эле мамлекеттик мекеме-уюмдарды жеке маалыматтарды коргоо боюнча система түзүүдө өлкөнүн атайын кызматы ФСБ менен кеңешүүгө милдеттендирет. Расмий маалыматка караганда, бул боюнча мыйзам долбоорлору президент Владимир Путиндин былтыркы тапшырмасына ылайык иштелип чыккан.  Британияда быйыл мартта орусиялык... Читать дальше...

Кыргыз гидрометеорология агенттиги чукул билдирүү таратып, 24-25-ноябрда аба ырайы туруксуз болорун эскертти. Бул күндөрү абанын температурасы кескин төмөндөп, Ысык-Көл менен Нарындан башка аймактарда кар жаайт. Жаан-чачын катуу болушу ыктымал. Көп жерлерде туман түшөт.  Мындай аба ырайы энергетикалык, коммуналдык кызматтардын ишин жана жайлоолордо мал багууну кыйынчылыкка учуратат. Тоолуу райондордогу автоунаа жолдору тайгак, тоңголок тартып, кар күрткүлөрү пайда болот. Электр зымдарына суу кар жабышып, алар үзүлүп кетиши да ыктымал. Читать дальше...

Тажикстанда юстиция министринин орун басары, Жаза аткаруу боюнча башкы башкармалыктын башчысы Изатулло Шарифзода кызматынан кетти. Президент Эмомали Рахмондун 23-ноябрдагы жардыгында Шарифзода кызматтан “пенсияга чыкканына байланыштуу” бошотулганы айтылган. Анын ордуна Жаза аткаруу боюнча башкы башкармалыктын жетекчилигине эми Тажикстандын Улуттук коопсуздук боюнча комитетинин төрагасынын орун басары Мансуржон Умаров дайындалды. Тажикстандын башкы түрмөчүсү Хожент шаарындагы абакта болгон тополоңдон эки жумадан кийин алмаштырылды. Читать дальше...

Бишкек шаарындагы медициналык коллеждин жатаканасына ала качуу учурунда милиция бөлүмчөсүндө өлтүрүлгөн Бурулай Турдаалы кызынын сүрөтү тартылган стрит-артынын ачылышы болду. Бул тууралуу "Аялдарга жардам көрсөтүү борбору" өкмөттүк эмес уюму кабарлады. Анын ачылышына өкмөттүн кызматкерлери, парламент депутаттары, эл аралык уюмдардын жана БУУнун өкүлдөрү, окуу жайдын студенттери жана окутуучулары катышты. Бурулай өзү ушул окуу жайда билим алчу. Иш-чара "Гендердик зомбулукка каршы 16 күндүк жигердүүлүк"... Читать дальше...

qqq

"Укук бузуунун алдын алуу боюнча бирдиктүү аракет" деп аталган рейддин алкагында Кара-Суу шаарында жергиликтүү тургундун үйүнүн короосунда күйдүргүнүн (Сибирь жарасынын) калдыктары көмүлгөн жер табылды. Бул тууралуу рейдге көз салып жүргөн “Азаттыктын” Оштогу кабарчысы Медер Ниязалиев билдирди. Текшерүү учурунда үйдүн жашоочусу Лола Убайдуллаева комментарий берип, калдыктар көп жыл мурда көмүлгөнүн айтты: - 1947-жылы бул жерде талаа болгон экен. Ошол убакта күйдүргүдөн өлгөн малды көмүшкөн экен. Читать дальше...

Башкы прокуратура экс-президент Алмазбек Атамбаевдин Түркиядагы бизнесин сатууга байланыштуу жагдайларды териштирүүнү УКМКнын Коррупцияга каршы кызматына тапшырды.

Башкы прокуратура экс-президент Алмазбек Атамбаевдин Түркиядагы бизнесин сатууга байланыштуу жагдайларды териштирүүнү УКМКнын Коррупцияга каршы кызматына тапшырды. Бул тууралуу “Азаттыкка” Башкы прокуратуранын расмий өкүлү Наргиза Кубатова билдирди. Анын айтымында, Коррупцияга каршы кызмат экс-президенттин мүлкү боюнча коомдук ишмер Эдил Байсаловдун маалымат каражаттарына чыккан билдирүүлөрүн карап чыгышы керек. Буга чейин Байсалов Атамбаевдин Түркиядагы бизнесин сатууга байланыштуу текшерүүнү талап кылган. Читать дальше...