Маршо Радион тIаьххьара керланаш (01.03.2020)
ГIажаройн инарла вийна, Нохчо лаьцна "Черменехь", Никотин лоьху полицино, Керла Шо - сов харжаш
ГIажаройн инарла вийна, Нохчо лаьцна "Черменехь", Никотин лоьху полицино, Керла Шо - сов харжаш
Къилбаседа Кавказехь Керлачу Шарна хIиттийначу базанех уггаре дезаниг ду Соьлж-ГIалин юккъе хIоттийнарг – цунах даьлла 26 миллион сом. Пачхьалкхан урхаллаша ахча дайар гойтучу сайт тIе а тевжаш, и хаам баржийна «Акценташ» цIе йолчу аналитикан центран портало. Массарел а дукха ахча базанех делла Нохчийчоьно, ГIалгIайчоьно, ГIебарта-Балкхаройчоьно, Ставропол-махко. Миллион соьмал сов базанах мах белларш ю 9 гIала, шайлахь Несара а, Магас а йолуш. Краснодарерчу Сочехь а, коьртачу шахьарахь Краснодарехь а эцначу базанех делла 3,5-4 миллион. Читать дальше...
36 шо долу Нохчийчоьнан вахархо лаьцна полисхоша ХIирийчу боьдучу новкъа тIерачу «Чермен» шех олучу федералан хан постехь, хаамбина тахана Оьрсийчоьнан чоьхьарчу гIуллакхийн министраллин Къилбаседа Кавказерчу урхаллин пресс-гIоьнчалло. Цо дийцарехь, низамхоша зуьйш сацийна ночочун машен, гучудаьлла иза ядийна хилар а, ГIезалойн махкахь лохуш хилар а. ХIирийчуьрчу Пригородни кIоштарчу полицин каравелла лаьцнарг.
Туркойчоьнан Сийлахь-Йоккхачу къоман кхеташоно еарийдийнахь къобалдина Либе эскарш дохуьйту низам. Депутаташа кхаьжнаш тосуш тергамбира "ХIуьрриет" газето. Оьрсийчоьно оцу махкахь агIолаьцначу инарлин ХIафтар Халифин тIемалошна дуьхьалхIуьттур ду туркойн эскарш. "Созджу" газето бахарехь, Дуьненаюкъарчу Цхьаьнакхеттачу Къаьмнийн организацино къобалъечу Либин Къоман Бертан Iедалан ницкъашкара эскархой Iамор бу туркойн говзанчаша. Прессо дийцарехь, Либе кеманашна дуьхьалоен тIеман гIирс хьажо а дагахь ю Туркойчоь. Читать дальше...
Керла шо тIехIуттушехь дIайолийна Нохчийчуьрчу полицино а, наркотикашца къовсам латточу урхалло ашаьш юкъахь дIахьочу рейдин керла кеп – никотин шайца долу коьчалш базар ечаьргара дIалехьор. Оцу хьокъехь хаам баржийна юхкучу сурсаташна тIехьожучу хьукматан (Роспотребнадзоран) махкарчу урхалло. Еарийдийнахь, оцу хьукматан пресс-гIоьнчалло бахарехь, туьканаш, базарш талла арабевллачу полисхошна карийна никотин шайца долу 112 юхку хIума – насвай, снюс. Уьш нахера дIаяьхна, кхеле хьажийна бехктакхаман 6 материал.
«Исламан революцин гIаролхоша» арахьа дIахьочу тIеман барамех жоп лучу «Къудс» декъан буьйранча, инарла Сулеймани Кассем вийна пIераскана, БагIдадан аэропортехь Iамеркан Цхьаьнатоьхначу Штатийн кеманашца дIаяьхьначу операцехь. Хилам уггаре хьалха бовзийтинарг ю Иракъан пачхьалкхан телегойтийла. Пентагоно а ца лечкъадо тIеман бараман да ша хилар - президентан Трампан омрица дIабаьхьина иза, аьлла Iамеркан Цхьаьнатоьхначу Штатийн эскарийн векало. Сулейманица цхьаьна вийна ТехIерано гергарло лелочу... Читать дальше...