Маршо Радион тIаьххьара керланаш (17.01.2020)
Путинан векал хIотто мега Кадыров, Европан кхелан реза вац Путин, Къоьзан-Iоман бухахь эвла лохур ю (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Путинан векал хIотто мега Кадыров, Европан кхелан реза вац Путин, Къоьзан-Iоман бухахь эвла лохур ю (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Нагахь Макгрегор Конор Лас-Вегасехь UFC 246 турнирехь Серроне Дональдца леташ толахь цуьнан шанс хир ю Нурмагомедов Хьабибца лата, аьлла UFC президенто Уайт Данас. Цунах лаьцна яздо MMA Fighting сатйо. Карарчу хенахь UFC чемпион Нурмагомедов реза вац Ирландерчу спортхочун реванш ян аьтто хилийта, маситта латарехь иза толлалц. Макгрегор а, Серроне а летар ву Дечкен-беттан 19-хь, Соьлж-ГIаларчу хенаца Iуьйранна 6 сахьт даьлча.
Шинарин дийнахь теракт кечйеш хилла аьлла лаьцна 5 нохчо дIахийцира оццу сарахь. Талламхошна тоам боллуш тоьшаллаш ца карийра уьш талламан изоляторехь латто. Шайца хиллачух лаьцна дийицира Маршо Радионе царах цхьаъ волчу Байсагуров Зелимхана.
Оьрсийчохь кхаж тасар долийна 2020-чу шарахь махкахь уггар таме а, евзаш йолу а гIала хоржуш. "Оьрсийчоьнан гIала - къоман харжам" кхажтасарехь дакъалаца аьтто бу хIора а лаам болчун. Оьрсийчоьнан бахархоша интернетехула кхаж тасарца хоржур ю башха историн а, културан а тIаьхьало йолу, къоман символ хила хьакъ долу гIала. Царна юкъахь ю Нохчийчоьнан коьрта меттиг – Соьлж-ГIала. Кхажтасаран жамI дийр ду кхушара ГIуран-беттан 30-хь.
Оьрсийчоьнан президентан юьззина бакъо йолу йолу векал хIотто мега Кадыров Рамзан керлачу Iедалехь. Цунах лаьцна яздо "Аргументы недели" зорбан гIирсо, Кремлерчу хьастана тIе а тевжаш. И хаам баржийна "Цензуры.нет" сайто. Кремлерчу хьастано цуьнца дуза "тамашийна чулацам болу бахьана далийна Кадыров дIавахарна". Хууш ма хиллара, цхьана ханна Нохчийчоьнан кьуйгалхо хIоттийна республикерчу Iедалан гIаьнтда Хучиев Муслим. "Аргументы недели" зорбан гIирсо ца дуьйцу Кадыровс тIеэцна я дIатеттина шега кховдийна дарж. Читать дальше...
Историн-архитектурин музейхь-йихкинчу меттигехь башха культуран эсаллаш йохорна бехктакхаман гIуллкх долийна ГIалгIайчохь. Талламхойн версица а догIуш, стохка ГIуран-баттахь ЖIайрахан кIоштахь зе динера "Бейни" олучу бIаьвнийн комплексана а, ширачу "Утен-ГIалан" кертахь а, «Бэрер-ГIала» эсаллана а. Ширачу гIишлойн пенашна юкъара схьадаьхнера тIулгаш, историн эсаллийн куц а дохош. И зулам дина ши стаг гучуваьлла полицина. Уьш гIалгIай бу, хаам бо «Российская газето». ГIалгIайчоьнан... Читать дальше...
Чиллан-баттахь Нохчийчу йогIур ю Оьрсийчуьрчу регионашкара а, Бельгера а дайверийн (хи бухахула некъа дон нах) тоба. Цуьнан декъашхоша толлур бу Къоьзан-Iоман бух, хаам бо ТАСС агенталло. Говзанчашна хьалха Iалашо хIоттийна цуьнан бух талла, Нохчийчохь тIемаш боьлхуш кхиссина минанаш а, бомабанаш а схьалахьор Iалашонца. Иштта, хууш ма хиллара, легендица а догIуш Къоьзан-Iам гучубаьлла шира эвла хиллачу меттехь. Иза бакъ делахь дайвершна каро мега иза.
Европан адамийн бакъонашкахула кхело Оьрсийчоьнца боьзна "къайлаза бакъонца боцу" сацамаш тIеоьцу, дIахьедина президенто Путин Владимира. Цо дийцарехь, "цунна дукха хенахь дуьйна гуш ду цхьаболчера юьстахара Оьрсийчоьнна урхалла дан лаам хилар". И дIахьедарш Путина дина пахьалкхан Конституцина тIехь хийцамаш кечбан кхоьллинчу белхан тобан декъашхошна хьалха вистхуьлуш. Болчу хаамашца, Оьрсийчоьнна дуьхьал бинчу латкъамашна юкъахь доккхахадолу дакъа ду Къилбаседа Кавказехь, ша аьлча Нохчийчохь лар йоцуш адамаш дарца а... Читать дальше...