Маршо Радион тIаьххьара керланаш (23.01.2020)
Хуьлийла дац Кадыров харц, «Лорд» бакъ вац, дагестанхоша бахарехь, Оьрсийчоь - коррупци - Уганда (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Хуьлийла дац Кадыров харц, «Лорд» бакъ вац, дагестанхоша бахарехь, Оьрсийчоь - коррупци - Уганда (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Чоьхьарчу гIуллакхийн министраллина зуламе хIума ца карийна Кадыровс интернетехула ша сийсазвен нах байа беза аларца. Иштта жоп делла Нижний Новгородерчу KozaPress газетан редакторна Славина Иринина, цо Москва, Инарла прокуратуре, динчу орзанна дуьхьал жоп даийтинчу меттигерчу полицин урхалло. Ши бутт гергга хьалха Нохчийчоьнан куьйгалхочо Кадыров Рамазана интернетехула шайна хетарг олуш, шена а, шен гонна а критика еш болу нах хIаллакбан догIу, аьлла дина къамел низамца дустар дехнера Славинас. Читать дальше...
Гадаев Мохьмад-Салахь Т-е Хьомсарчу доттагIчо шийла букъ тоьхна, бохамна бIарзъелла хьаьвзиний хьо? Моттазнарг доьссина, ойланаш йоьхна, сирла де Iаржделла хIоьттиний хьо? Хьаьвзинехь, хIоьттинехь карла и даьлла, суна хьо хиллачух кхеталур ю. ХIунда лазийра те доттагI ас аьлла, оьмаран эхарехь хеталур ду. Амма кхин кехатех соьца ма ловза: ловзаро деллариг дендан тигац. Мехий мел дахарах исбаьхьа-говза, доьхначу духарах духар хилац.
Деношкахь Оьрсийчоьнан премьер-министр хIоттийначу Мишустин Михаилан 49 шо долчу йишин Стенина Натальин Москвахь а, цунна гонахарчу кIошташкахь а миллиард сом мах болу бахамаш бу, хаамбо «Би-би-си» радионо, Оьрсийчоьнан ялгулъяран урхаллин документаш тоьшаллина а далош. Москвана юккъерчу Хамовникерчу Ефремовн урамехь, Knightsbridge Private Park олучу хIусамийн куьпахь ю Стенинин 170 квадрат-метрах лаьтта петар. Хьосташа бахарехь, цуьнан мах бу 180 миллион сом гергга. Реестрехь къайлаваьхьина долахо ... Читать дальше...
Интервью кечйинарг "Кавказ.Реалиин" корреспондент Скворцов Глеб ХIирийн хирурго Кудзаев Казбека дуьйцу, кавказхоша йойтучу пластикан операцех. Дукха хан йоццуш ГIебарта-Балкхаройчохь дуьненчу даьллачу берана операци йинчу Къилба ХIирийчоьнан гоьваьллачу ортопедо, пластикан хирурго Кудзаев Казбека дийцина "Кавказ.Реалии" портале кавказхойн хазаллин индустрехь хуьлучу ледарлонех. РогIера операци дIайирзинчул тIаьхьа, суьйранна 6 сахьт даьлча хилира тхан къамел. – Казбек, тахана маса операци яра хьан? Читать дальше...
ХIинжа-ГIаларчу куьйгалхоша ца боху шаьш Нохчийчоьнца доза кхъастийна бевлла, цундела бакъдойла дац Нохчийчоьнан парламентан спикеро Даудов Мохьмада шина мехкан доза къастаделла даьлла бохург, яздо Дагестанерчу цхьамогIа газеташа. Изза дIахьедар даржийна "Кавказский узел" газетехула Дагестанерчу дозакъасторан юкъараллин комисин хьалханчас Магомедов Мохьмада. Деношкахь Нохчийчоьнан парламентан куьйгалхочо Даудовс махкарчу куьйгалхойн кхеташонехь хаамбира, Нохчийчоь яьлла шена гонахарчу мехкашца дозанаш къастийна. Читать дальше...
2018-чу шеран хьесапашца дуьстича, дайначу шарахь Оьрсийчоь цхьана тIегIанна лакхаяьлла мехкашкара коррупци гойтучу индексашкахь. Дуьненаюкъарчу Iедалх йоцчу Transparency International юкъаралло бахарехь, 180 пачхьалкхашлахь 138 меттиг дIалоцу Оьрсийчоьно. Тахана Iорабаьккхинчу талламо, пачхьалкхийн секторш а зуьйш, довзуьйту коррупцин хьал. Баллаш алсам мел бу а, кIезиг йолуш го коррупци. 100 баллах 28 бу Оьрсийчоьнан. Цунна уллехь ю Доминиканан Республика, Кени, Либери, Мавритани, Папуа-Керла Гвинея, Парагвай, Уганда. Читать дальше...
БIогIамах дIакхетта Ставропол-мехкан губернатор чохь воьду машен Кхаарин сарахь некъахьовзам хилла Ставропол-мехкан губернаторна Владимиров Владимирна, хаамбина цо ша Instagram-агIонтIехь. "Ставрополе юхавогIуш вара со, некъахьовзам хилча. Далла бу хастам, массо а дийна висина.Цхьа вац тIех лазийна. Сан машенлелорхочун куьг чуьрадаьлла. Некъан инспекторш бу шайн болх беш. Верийлаш, хьовсуш лелаелаш машенаш, - яздина Владимировс. ДуьхьалйогIучу машенах ца кхета, Старополерчу Ленинан урамехь бIогIамах тоьхна лелорхочо губернаторан машен. Читать дальше...
ХIинжа-ГIаларчу куьйгалхошца цхьаьнакхета гIерта бераш Иракъерчу набахтешкахь долу наной-дагестанхой. Шайн йоIарий а, кIентийн бераш а цIехьадерзор доьху цара. Иракъе, Шема зударий божарша Iехийна бигина, д уьйцу цара шайн леткъамашкахь.
«Дахарх къаста луучийн тобанаш» кхуллучу интернетхошна «боьха хIуманаш», «телхина нах» алар президента Путина тидаме эцна Нохчийчоьнан куьйгалхочо Кадыров Рамзана, хаамбо РИА "Новости" агенталло. Суициде кегийрхой кхойкху тобанаш ю аьлча, ша ца тешара, бохура Путина деношкахь къамелдеш, иштачу нахах «мрази и уроды» а олуш. И зулам дIаса ца даржийта школашна кхерамзаллах лаьцна йолу Iаманташ арахеца еза, дешаран программе а яхка еза уьш, хьийхира президента. Кадыровс шен телеграм-каналехь воккхаверца тIеэцна и къамел... Читать дальше...