Новости за 28.01.2020

Нохчийчоьнан "мостагIий", барт эгIон хьийза зорбанаш, "полисхойн" зуламаш (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Шемахь тIом сацорна дуьхьало латтайо Оьрсийчоьно аьлла Iамеркан Цхьанатоьхначу Штатийн пачхалкхан секретаро. Президентан режимна тIетайначу оьрсийн эскарша а, ГIажарийчоьнна муьтIахь йолчу "Хезболла" радикалан тобано а лелориг "къизаллаш" ю аьлла Помпео Майка. Байначу беттан тIаьххьарчу деношкахь оьрсийн авиацин гIоьнца Шеман пачхьалкхан эскарша тIелатарш марсадехира Идлиб провинцехь. Шеман оппозицино шайн контролехь латточу Евфрат хинна малхбузера тIаьххьара территори ю иза. Иттех стаг вийна... Читать дальше...

Нохчийчохь оьрсийн омбудсменна Москалькова Татьянина тоьпаш тоьхначу шиннан вежарий гайтина хилла аьлла, шинаридийнахь "Новая газетано" динчу дIахьедарх вистхилла Нохчийчуьра адамийн бакъонаш Iалашъян векал винчу Нухажиев Нурдис. "Прокуроран декхарш шена тIе а лаьцна, "Новая газетано" бехкейо нохчийн ницкъаллийн структураш буьрса зуламаш лелорна. Бехкбиллина ца Iаш, цара "йина кхел йоцуш, дIабаьхьна талламаш а боцуш", бехкениг билгалваьккхина", - аьлла Нухажиевс. Цо бахарехь, "кхелахо а, прокурор... Читать дальше...

Расулова Анастасия «Хьалхара канал» телекомпанехь болх бинчу журналиста Абдулгамидов Алика схьа ца эцна шена луш йолу «Дуьненаюкъарчу бандитийн тобанаш йохоран 20 шо кхачар» мидал. Иштта хаийтина цо ша совгIатца билгалбохучийн могIаршкахь шен коллегаш бацарна резавоцийла. "Гарехь, вайн Iедална махка Путин вар хилла коьртаниг. Церан балаболуш хIума а ца хилла совгIаташ дала хьакъберш къастор. Хьакамех джентльменаш бен коьчалш хилла оцу мидалех», -элира "Кавказ.Реалиига" Абдулгамидов Алика. "Ас журналисташна тIеберзийра тидам... Читать дальше...

Гадаев Мохьмад-Салахь   * * * Суьйре, Iуьйре гIийла йогIу, Буьйсанаш ас шийла йоху, Дагна везнарг вагIац, боху – Ас хIун де те, йина нана?   Ас хIун де те, йина нана? ХIун гур ду те суна кхана? Маццалц лелар ю те пана? Безамах ю бала хилла.   Безамах ю бала хилла. Дог ца догIу шифон тилла, Кога буха буткъа чилла. – Сагатделла со ма хьийза.   Сагатделла со ма хьийза. Кийрахь сан дог гIийла цIийза, Сан коьрта чохь гIайгIа зийза, – Дагна везнарг вагIац, боху.   Дагна везнарг вагIац... Читать дальше...

Коронавирус ца яржийта гIерта Китай. Пекинехь а, кхечу гIаланашкахь а бихкина алссам адам гулуш болу барамаш. Дуьненах дIахадийна, шайна а баьхна, зуьйш бу дарбан хIусамашкахь ун гучудаьллачу Хубэй махкара иттаннаш миллионаш бахархой.

Нах байина аьлла, лаьцна экс-сенатор Арашуков Рауф а, миллиардашкахь ахчанаш лечкъийна аьлла, бехкевина цуьнан да Рауль а кхин а кхаа баттахь чохь вуьтуш сацамбина Москварчу кхелахоша. "Новости" агенталло бина цунах хаам. "Суьдхойн вердикт ишта ю: талламчаша корта тохар тIе а эцна, Охан-беттан 24-чу дийне кхаччалц лаьцна вуьтуш", - аьлла, дIакхайкхийна кхелахочо сацам. Арашуков-жимахверг бехкево ши стаг вейтарна а, зуламхойн тобанехь хиларна а, тешана тIеIаткъамбарна а. Арашуков Рауль таIзаре хIоттийна зуламхойн тоба вовшахтохарна а... Читать дальше...

Гадаев Мохьмад-Салахь * * * Iуьйре йогIу, суьйре йоьду, суьйре йогIу, Iуьйре йоьду, де дIадоьдий, буьйса йогIу, буьйса йодий, де ма догIу.          Шар чохь лелаш шийтта бутт бу,     диъ куц хуьйцуш хийцамаш беш,     бIаьсте йогIу, аьхке йогIу,     гуьйре йогIу, Iа ма догIу. Муьлха хан ю даго къастош, цу хенашкахь хьуна йогIуш, цу хенашлахь даго къастош суна йогIург бIаьсте ма ю.          Герга кхаьчна бIаьсте йогIу,     суьйре, Iуьйре хазлуш йогIу,     олхазарш ду декаш, ловзуш,     цу бIаьстенах даккхийдерца. Читать дальше...

Нохчийчоьнан куьйгалхочо Кадыров Рамзана хаам бира, нохчашка къинтIера бовлар дехна Кремло 1944-чу шарахь дерриг а къам, гIалгIашца цхьаьна, дохийна Сибрех а, Юккъерчу Азе а дIахьажорна аьлла. Амма шаьш хаттар динчу нохчашна дага ца догIу Оьрсийчоьнан Iедалша нисса дIа нохчашка къитIера бовлар дехна хилар, яздо Кавказ.Реалиино.

Оршотдийнахь ОвхIанистанан малхбалерчу Газни провинцехь кема чудоьжнера. Информаци тIечIагIйира провинцин губернатора а. Цо бахарехь, тIалибаша доладечу дозанашкахь доьжна хилла кема. Шинаридийнахь Iорабаьккхинчу хаамца, тIалибийн векало МуджахIид Забихуллас дIахьедира, "Iамеркан кема дохор" боламо шена тIелаьцна аьлла. "Кема дохийна цу чохь мел хилла команда а, экипаж а, шайлахь Iамеркан Цхьанатоьхначу Штатийн иччархойн коьрта эпсарш а болуш", - аьллачу тIалибийн векалан дешнаш далийна зорбанашкахь. Читать дальше...

Карарчу шеран Зазадоккху-баттахь ХIиндойчоьнан а, Нохчийчоьнан а кимематографаша юкъахь яьккхина кино гойтур ю оьрсийн кинотеатрашкахь аьлла, хаамбина ТАСС агенталле нохчийн режиссеро Терекбаев Беслана. Маршо Радионо яздира, стохка ГIадужу-баттахь а Терекбаевс дIахьедарх, оццу шеран Лахьан-беттан 12-чохь прокате йоккхуш ю нохчийн а, хIиндойн а кинематогрфисташа юкъахь яьккхина "Тоьлла доттагIий" ("Лучшие друзья") кино аьлла. Берашна лерина кино яккха буьйлабелла ши шо сов зама яра. Юьхьанца Нохчийчохь... Читать дальше...

ГIалгIайчохь хиллачу протестийн жигархо Саутиева Зарифа маьршаяккхар тIедожина Оьрсийчоьнан Талламан комитетана коммерцица йоьзна йоцчу "Мемориал" организацино. Оьрсийчоьнан а, Къилбаседа Кавказан федералан гонашкарчу Талламан комитетийн урхалхойн цIарах яздина ду дахьийтина кехат. Нохчийчоьнна а, ГIалгIайчоьнна а юкъарчу дозанех хиллачу бертана дуьхьалбевллачу протестхошлахь яра Саутиева, билгалдоккху авторша. Стохка аьхка лецира Саутиева Магасехь Зазадоккху-баттахь хIоттийначу митингехь Iедалхойн векалшна дуьхьал ницкъбаьккхина аьлла... Читать дальше...

"За безопасность" цIе йолчу боламан жигархоша Оьрсийчоьнан пачхьалкхан Думан кхерамзаллан а, коррупцина дуьхьало  латточу комитете дехар дина полисхойн барзакъ дохкарна тIехь дозанаш тохахьара аьлла. Чоьхьарчу гIуллакхийн министраллан белхахойн духар а доьхна, Оьрсийчохь деш долу зуламаш алсамдевлла аьлла, яздо авторша шайн кехат тIехь. Жигархоша доьху, оьрсийн низамехь полисхойн духар лелорехь хийцамаш бар а, интернет-туьканашкахь маьрша тIеман барзакъ дохкар дехкар а. Юга.ру хьостано яздира,... Читать дальше...

Мехкан куьйгалхочунна Кадыров Рамзанна шаржаш ехкина аьлла, 25 стаг дIалаьцна бохуш, хаамийн гIирсашкахь яржийна информаци бакъ яц аьлла зорбан министро Умаров Джамбулата. Социалан машанашкахь нохчийн урхалхочун мозгIаран духарехь кечдина сурт Iорадаьккхира хьалхо. ТАСС агенталлана ша елла комментари инстаграмехь зорбане яьккхина нохчийн министро. Францехь Людовик XVI-нна йина шаржаш бахьана долуш тIом эккхар а, ишта цу кепарчу коллажца 20-чу бIешерашкахь Оьрсийчохь бахархошлахь ситуаци тIаме ерзарх а дагадоуьйту Умаровс. Читать дальше...

Саидов Тимур ДIадаханчу пIераскана 25 стаг лецира Нохчийчохь. Царех цхьамма мехкан куьйгалхочунна, иза килсарчу мозгIарх тарвеш, коллаж йина, вукхара иза яржийна, бохура. ТаIзар авторна дина ца Iаш, дина и сурт интернетехула дIасахьийсийначарна а, схьаэцначарна а. Суьртан оригинал тIехь ву керста духарахь Оьрсийчоьнан патриарх Кирилл. Коллаж йиначара хийцина цуьнан корта Кадыров Рамзананчух. Маршо Радионо яздина ма-хиллара, лецнарш бара Шелара (11 стаг – школехь доьшучу берашна тIера 62 шо долчу таксистан биста кхаччалц)... Читать дальше...