Маршо Радион тIаьххьара керланаш (14.04.2020)
Кавказехь даьржа ун, Нохчийчохь ца бо там-мах, журналисташа дарвина Ка-дыров (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Кавказехь даьржа ун, Нохчийчохь ца бо там-мах, журналисташа дарвина Ка-дыров (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Абдуллаева Зайнаб Анализан а, конфликташна дуьхьалояран а Центро довзийтина Къилбаседа Кавказехь Iедална дуьхьал тIемаш бинчу нехан доьзалшна адаптаци ярца долу хьал. Дагестанерчу а, Нохчийчуьрчу а, ГIалгIайчуьрчу а 40 зудчуьнгара эцначу интервьюн буха тIехь хIоттийна Центро шен «Кханене – маьрша гIулч?» цIе йолу таллам. Муха беха тIеман конфликташкахь цIийндай байина я уьш еххачу ханна набахтешна чубохкарна цхьалха бисина зударий а, церан бераш а, теллина тептаран авторша. "Хиллачу къамелаша гойту... Читать дальше...
Волкова Алиса Охан-беттан 5-чохь, кIирандийнахь, хIирийн Дигора гIалахь халкъан гулам хIоьттира. БIе гергга вахархочо доьхура шайна болх я ахча хилийтар, бохура, яц цхьа а коронавирус, ткъа нах хIусамашкахь сецор – иза уьш «кхетамчуьра баха лелош гIурт бу», цунах «тешнабехк» олу. "Кавказ.Реалиис" хаьттира эксперташка, стенна ца теша нах ун даьржаш хиларх. Дигорарчу протестан цхьа декъашхо лецира. Полицехь де-буьйса гергга текхира цо, дIахийцира цIахь цасацарна протокол а хIоттийна. ШолгIачу... Читать дальше...
ГIалгIайчоьнан бахархошка кхайкхамбина Нохчийчоьнан зорбан министро Умаров Джамбулата, шина вежараллин къоман барт эгIо гIертачу нахе ла ма дегIа аьлла. «Нохчашна санна, шуна дика хила лууш цхьаъ вац. ХIаъ, ду дера кхиндолу бусулба къаьмнаш а шуна дика болх хила лууш, амма гIалгIашна а, нохчашна а юкъара вежараллел деза хIума дац», - аьлла, билгалдаьккхина министро. Ишта Умаровс тIетоьхна: «Дала а, вайн цхьана хиларо а бен гIо дийр дац вайна кху бохамна кIелхьара довла. Цундела лаьара суна... Читать дальше...
Мадридна гена доццуш, Гриньон муниципалитетерчу бусалба бIаьхойн кешнашкахь дIабухку кху муьрехь уьнах белла бусалбанаш. Велларг дIаволла ваха ца мега массех стагна бен. Тезета а ца боьлху дукха – доьзалш, массех накъост а, молла а. Болчу хаамца, баларш кIеззиг лахделла Испанехь, дIадахначу еарийдийнахь велларг вара 683 стаг. Вирус яьржичхьана схьа кхелхина 15,5 эзар гергга. COVID-19 хьакхаелла ву Испанехь I53 000 кхоччуш вахархо.
Къилбаседа Кавказерчу коронавирусан ситуацех бинчу хаамашца, яхначу буса кхин а 68 ун даьлла стаг хилар къаьстина цигахь. Роспотребнадзоран информацица, Къилба ХIирийчохь къаьсттина алсам бу COVID-19 ун кхеттарш - 18 стаг. Дагестанехь 16 вахархо хаавелла, Нохчийчохь 15, Ставрополан кIоштахь 9, Адыгейхь 7, Кхарачойн Чергазийчохь -3. Къилбаседа Кавказан кхечу регионашкахь керла ун даьлла нах билгалбевлла бац.
REGNUM хьостан информацица, яхначу буса Оьрсийчуьрчу кхин а 2774 вахархочунна коронавирусан ун даьлла. Москварчу оперативан штабо бина и хаам шинаридийнахь. Керла вирус кхетта нах билгалбевлла 51 регионехь. Велла унах 22. Къаьсттина цомгуш нах дукха бу Москвахь -1489. Цунна тIаьхьа ю Подмосковье - 460 стаг, Санкт-Петербург — 121, Коми-97, Нижегородскан кIошт — 68. Йоллу Оьрсийчохь верриг а COVID19 токхуш ву 21 102 вахархо. Велла уьнах 170, дарба хилла 1694 стагна.
ТIаьххьарчу дийнахь а, буса а 1355 вахархочуьнца COVID-19 ун гучудаьлла Москвахь. Верриг а 11, 5 эзар вара уьш цул хьалха. ПIераскандийнахь дуьйна саццаза нах бу дарбан хIусамашка кхуьйлуш, коронавирусо меттахъяьккхинчу пневмоница. Километрашкахь дархой балочу лоьрийн сихаллин гIо кхачочу «скорая» машенийн раьгIнаш лаьтта некъашца.
Нохчийчуьрчу муфтиято цхьана ханна юкъахдаьккхина керла доьзал кхуллучу шинна юкъахь шариIатехь там-мах бар. ТАСС агенталле бина и хаам оршотдийнахь регионерчу динан урхаллан зорбанчаша. «Муфтийс Межиев Салахьа дIахьедар дина, шариIатехь там-мах бар официалехь сацош ду, эпидемиологин хьал чIагIдаларца доьзна аьлла», - билгалдаьккхина муфтиятан пресс-гIуллакххоша. Нохчийчохь 49 стаг ву коронавирусан ун даьлла. Пхиъ велла, 15 дарба а хилла, цIа вахийтина. Оршотдийнахь дуьйна туькана, я молханаш эца воьдучунна карахь бакъо хила еза аьлла... Читать дальше...
БIеннашкахь оьрсийн туристаш, дукхахберш Нохчийчуьра а, Дагестанера а болуш, цIабахка таро йоцуш СаIуда Iаьрбийчохь бисина. «Открытые медиа» хьостано бина и хаам, цигахь йисинчу цхьана оьрсийн туристан хаамна тIе а тевжина. Нуриманова-Якупова Динарас бахарехь, Зазадоккху-беттан тIаьххьарчу деношкахь дуьйна оьрсийн арахьарчу гIуллакхийн министраллехь а, консулаллехь а шайн дехаршна луш жоп дац, я маца цIа дига дагахь бу а дуьйцуш дац аьлла. Оцу юкъанна, Iамеркан Цхьанатоьхначу Штаташа а, Великобританис а... Читать дальше...
«Новая газетано» республикерчу коронавирусца йоьзначу ситуацех зорбане яьккхина информаци бакъ ца йинчу Нохчийчоьнан куьйгалхочо Кадыров Рамзана, журналисташна нохчийн меттан гочдархо хьехна. КIирандийнахь «Новая" газетано хаамбира, Керлачу АтагIахь стаг дIавуллучохь хиллачу цхьаболчу нахаца къамел хилира шен, цара дийцарца, тесташ йина а ца хиллера царна, изоляцехь Iе аьлла, тесна битина хиллера уьш бохуш. Ишта газетас яздора, Нохчийчуьрчу масийтта кIоштахь дарбан хIусамаш карантинна дIакъевлина хиларх а... Читать дальше...