Новости за 24.04.2020

ЕвроБертан арахьарчу гIуллакхийн урхаллина юкъайогIучу дезинформацина дуьхьалояран тобано керла дIахьедар даржийна Европерчу пачхьалкхашкахь коронавирусах лаьцна харц хаамаш баржоран хьокъехь. Документо бахарехь, ЕвроБертан а, гонахарчу а пачхьалкхашкахь яьржина "фейк-хаамаш" кечбен кампани, уьш арахьоьцурш дукха хьолехь Кремлехьа, ткъа наггахь Китайгахьа болу хаамийн гIирсаш а, блогераш а бу.   Эпидемица доьзна уггаре хьалха яржош ю "бертахь ун юкъадаккхарх" йолу фейк. Коронавирус кхераме яц... Читать дальше...

Марханаш ца лаьцна Дагестанехь, COVID-19: кавказхойн де-буьйса, Шагдина гIалгIайн жигархошна кхайкхийна таIзар.

Оьрсийчоьнан президента Путин Владимира шен омрица Гезгмашин-беттан 3-чу дийне дехьатеттина хIинццалц пачхьалкхехь цул де хьалха билгалдоккхуш хилла ТIеман сийлаллин де. Денна и дезде дехьадаккхар довзуьйтуш, далийна бахьана ду, "Дуьненан шолгIа тIом берзош коьрта гIулч яра Советан пачхьалкхо 1945-чу шарахь Япони эшорца яьккхинарг", аьлла. Ткъа ша и толам баккхар Советан пачхьалкхо а дIакхайкхийра 1945-чу шеран Гезгмашин-беттан 3-чу дийнахь. ХIинца низамо ТIеман сийлаллин де къастийнначу Гезгмашин-беттан... Читать дальше...

ТIаьххаьрчу 24 сахьтехь Къилбаседа Кавказехь коронавирусах велла ши стаг, и лазар карийна кхин а 365 вахархочуьнца. Коронавирусна дуьхьалоечу Оперативан штабо бечу хаамца, белларш бу Краснодар-махкара. Ун даьржичхьана схьа велла Къилбаседа Кавказехь 57 стаг. ТIаьххьарчу дийнахь-буса коронавирус регионехь массанхьачул а дукха хааелла Дагестанехь – 113 вахархочуьнца. Иштта ю статистика: Дагестан +113 (юхьанца дуьйна схьа 567) Краснодар-мохк +84 (623) ГIалгIайчоь +38 (474) Х1ирийчоь +33... Читать дальше...

Еарин дийнахь Чехин Iедало тIеэцначу сацамо юхаяьккхина коронавирус яржарца доьзна Зазадоккху-беттан юккъехь ерриг пачхьалкханна кхайкхийна хилла карантин. Бахархойн Охан-беттан 24-чу дийнахь дуьйна бакъо ю Чехехула дIасалела а, дозанал арабовла а (амма дуьсуш ду юхавеанарг шина кIиранна карантинехь Iар). Нахана магадо 10 стаге кхочучу тобане гулбала. Европерчу мехкийн хьалхарчу могIарахь кхайкхийра карантин Чехехь, дехкарш юхадохучу пачхьалкхийн хьалханчех а ю иза. Чехин министрийн кабинето керла кеп йовзийтина ша малдечу хьелийн. Читать дальше...

ЦIеххьана лакхадаьлла Казахстанехь доьзалехь ницкъбар. Цхьана мехкан коьртачу гIалан кризисан центрашкахь лачкъа оьхучийн терахь шозза лакхадаьлла бохуш, яздо Свобода Радион "Настоящее Время" телеканало. Масех шарахь марзхошкара ницкъбар, аьшнашъяр ловш, схьаеана Сандушаг (цуьнан дехарца цIе хийцина). Чолхечу хьолан раж кхайкхийначул тIаьхьа цуьнан ситуаци кхин а гIаддайначу яьлла. Карантин бахьана долуш деххачу деношкахь чохь йисинера иза. Марнанна ца тара и. Денна еттара цо несана а, шен кIентан берашна а. Читать дальше...

Ставропол-мехкан кхело шагдина стохка Магасехь хиллачу гуламехь Росгвардин ницкъашна гIело ярна бехкебинчу гIалгIайн жигархошна хьалхарчу кхело къастийна таIзарш, хаам бо "Мемориал" центро.   Аппеляци еш, кхело хийцина девнан фигуранташна хан такха къастийна кепаш, шогачу хьолан набахтешка бахийта кхачийна уьш. Хьалха къастийначу бехкашна тIетоьхна гулам лаьттачу хенахь цара мехкан куьйгалхо хиллачу Евкуров Юнус-Бекаца политикан буха тIехь мостагIалла лелор.             Иштта, набахтин хьелаш шаг а деш... Читать дальше...

СаIудийн Iаьрбийчоьно Рамаданан хьалхара де кхайкхийна Охан-беттан 24-гIа де, пIераска. Долийна марханаш кхаба. Оьрсийчоьнан муфтийн кхеташоно а къастийна хIокху пIерасканца марханийн юьхь. Цхьа Дагестанан динан урхалла йоцург, резахилла оцу сацамца массо а Къилбаседа Кавказера республикаш. Дагестанехь Рамадан-бутт болало кхана, Охан-беттан 25-чу дийнахь. Цигарчу Iеламчаша, еарийн буса стигалахь бутт ца гина шайна, боху. Ткъа шайн мехкан муфтиятца реза а ца хилла, пIераскан дийнахь марха лаьцнарш а бу дагестанхошлахь. Читать дальше...

Беттан юьххьехь коронавирусан ун даьлла дарбан цIийне охьавиллина хилла нохчийн политик Закаев Ахьмад Лондонерчу клиникера аравалийтина, яздо "Кавказ.Реалиино. Лоьраша изоляцехь Iар тIедожийна Ахьмад, шен цIахь ву карарчу хенахь. Кризис тIехяьлла хилар, хаало шена боху цо. Муха болх бо Великобританерчу лоьраша пандемин хьелашкахь, хIун нийса дац Нохчийчохь хIоттийначу карантинца, хIунда харц бу коронаскептикаш? Оцу хеттаршна жоьпаш делира Закаев Ахьмада "Кавказ.Реалии" зорбан гIирсе. - Муха ю хьан могушалла? Читать дальше...

ХIун хуьлуш ду Дагестанехь карантинца а, коронавирус кхетта нах цомгаш хиларца а дуьйцу республикерчу "Монитор пациента" юкъараллин куьйгалхочо Увайсов Зияутдина “Карара Хан” телехьожийлехь.