Новости за 23.04.2020

Оьрсийчоьнан Талламан комитето шега дIаэцна БуьритIера гулам дIасалоллучу муьрехь нах полисхошна тIелетарца доьзна долийна бехктакхаман гIуллакх, хаам бо "Кавказ.Реалиино". Гуламхоша тIулгаш а, шишанаш а детташ лазийна 13 полисхо, царах пхиъ охьавиллина дарбан хIусаме, хаам бина Талламан комитетан Къилбаседа ХIирийчуьрчу урхалло. "Карарчу хенахь толлуш ю гуламехь яьхна видеош. Цкъачунна цхьа а бехке вина вац. Амма хала хир дац харцхьа лелларш а, церан хьалханчаш а билгалбаха. Видео телефонаш тIе яхарал а совнаха... Читать дальше...

Къилбаседа Кавказехь кхин а 4 велла, Дагестанехь цхьа маьждиг ду уьнах велларг верзош, БуьритIехь кхин а меттигаш къастийна пациенташна, Германи вакцина толлуш ю.

Нохчийчоьнан куьйгалхочо Кадыров Рамзана, ша кIунзал а волуш, «ЦIена корта. Юхаяла коронавирус!» болам болийна шен гонашкахь, хаам бо "Нохчийчоь тахана" агенталло. Цуьнгара масал а оьцуш, кортош бошуш бу махкара хьаькамаш, Iедалхой.

Прагин мэр Гржиб Зденек а, шахьарарчу Ржепорые а, Прага-6 а кIоштийн куьйгалхой Новотны Павел а, Коларж Ондржей а Чехин пачхьалкхо ларван сацам бина, яздо, шена информаци еллачун цIе а ца йоккхуш, меттигерчу Respekt журнало, хаам бо Маршо Радион Оьрсийн сервисо. Respekt-о бахарехь, Советан заманарчу маршалан Коневн хIоллам дIа а боккхуш, фашисташкахьа ваьллачу инарла Власовн "Оьрсийчоь Мукъаяккхархойн Эскарна" (РОА) дагалецаман у хIотто Прагерчу Iедало сацам бинчул тIаьхьа Оьрсийчоьно кхерамаш тийса елира Чехин коьрта шахьаран куьйгалхошна. Читать дальше...

Коронавирус кхетта хилар билгалдаьллачу нахах дийнахь-буса 4 стаг кхелхина Къилбаседа Кавказехь, Оьрсийчоьнан уьнна дуьхьалояран штабо бечу хаамца: Краснодар-махкахь - кхоъ, ГIалгIайчохь – цхьаъ. Ун даьржичхьана схьа Къилбаседа Кавказехь беллачийн терахь кхаьчна 55-нне. Массанхьачул дукха ду баларш Краснодар-махкахь – 14 стаг. ШолгIа мохк бу ГIалгIайчоь – 13, цул тIаьхьа йогIу Дагестан – 11. Официало даржочу терахьашца, Нохчийчохь кхелхина коронавирусах 6 вахархо. Ставропол-махкахь беллачийн терахь ду 5. Читать дальше...

Орцан медицинан хIусам коронавирус кхеттачу нахах яьккхина хилар бахьана долуш, иштачу пациенташна кхин цхьа меттиг а къастийна Къилбаседа ХIирийчохь – БуьритIера республикан клиника, хаам бо Кавказ.Реалиино. ХIирийчоьнан могашаллин министралло бечу хаамца, ун кхетта хиларх шеко йолуш дарбан хIусамашка кхачийна 173 стаг. Оцу нахах 71-ннан тесто гайтина царна баккъал а COVID-19 кхетта хилар. Халчу хьолехь ву ХIирийчуьрчу коронавирусан дархойх 17 стаг. "Коронавирус йолчу пациенташна шозза тIекIалйинчу гIишло чохь кечбина 120 меттиг. Читать дальше...

ХIинжа-ГIаларчу Каммаевн урамехь долчу маьждигехь лийчор бу коронавирусах белла бахархой. Ишта сацам бина Дагестанан муфтиято. И хаам баржийна, ХIинжа-ГIаларчу маьждигаша лийча ца бо уьнах белларш, аьлла, наха социалан машанашкахь леткъамаш бан болийначул тIаьхьа. Амма динан урхалло чIагIдо, Каммаевн урамерчу маьждигехь уьнах белларш лийчор Охан-беттан 3-чу дийнахь дуьйна долийра, бохуш. Маьждиган векалша дийцарехь, санитаран хьелаш а лардеш, лийчадо декъий. "Беллачийн гергарнаш маьждиге буьтуш бац. Читать дальше...

Ша коронаврусна духьал кхоьллина вакцина лаамхошна тIехь зен йолош ю Германис. Эрлих Паулан цIарх йолчу вакцинин а, биомедицинан молханийн а институто магийна и талламаш боло. Вакцина кхоьллинарг ю Майнцера BioNTech компани. Юьхьанцарчу зерашкахь дакъалоцур ду 200 лаамхочо. Кхуллуш долу молха юьхьанца зуьй бIаьрго а лоцуш йоцчу дийнаташна тIехь. ТIаккха толлу иза даккхий дийнаташна тIехь. И берриг а болх дика жамI долуш бирзича бен ца зуьй молха адамна тIехь. Германерчу вакцинин кхерамзалла ю цкъачунна толлург. Читать дальше...