Новости за 22.03.2020

გიორგი გახარია: მომზადების მიუხედავად, სიტუაცია საკმაოდ რთულია გუშინ გვიან ღამით პრემიერ-მინისტრმა პრესკონფერენციაზე განაცხადა, რომ ქვეყანა უკვე COVID-19-ის შიდა გადაცემის ეტაპზე გადავიდა. ეს იმას ნიშნავს, რომ გამოვლენილია შემთხვევა, როდესაც დაკარგულია კვალი და ვერ  დგინდება, ვისგან გადაედო პაციენტს კორონავირუსი.  საუბარია ერთ-ერთ ბოლო შემთხვევაზე, რომელიც ამ განცხადებამდე 12 საათით ადრე დაუდასტურდა მარნეულში მცხოვრებ მოქალაქეს. პრემიერ-მინისტრის შეფასებით, მზადყოფნის მიუხედავად, სიტუაცია საკმაოდ რთულია. Читать дальше...

საქართველოს პრემიერ-მინისტრის, გიორგი გახარიას განცხადებით, მარნეულის და ბოლნისის მუნიციპალიტეტები მკაცრ საკარანტინო ზონად გამოცხადდება.   გადაწყვეტილების თანახმად, აიკრძალა მარნეულისა და ბოლნისის მუნიციპალიტეტებში  შესვლა და გამოსვლა. რადიკალური ზომების მიღება მარნეულის რაიონში კორონავირუსის შიდა გადაცემის შემთხვევის გამოვლენამ გამოიწვია. მარნეულში მცხოვრებ ქალს კორონავირუსი დაუდგინდა. ის მარნეულიდან თბილისის კლინიკაში 22 მარტს, დღის მეორე ნახევარში გადმოიყვანეს. ეპიდემიოლოგებმა ვერ მოახერხეს ქალის დაინფიცირების ზუსტი წყაროს დადგენა. Читать дальше...

ჩეხეთში 22 მარტს კორონავირუსის ინფექციით დაავადებული პირველი პაციენტი დაიღუპა. გავრცელებული ცნობით, 95 წლის კაცი პრაღაში ცხოვრობდა. სხვა დეტალები უცნობია.   კორონავირუსის წინააღმდეგ ბრძოლის საკოორდინაციო შტაბის ცნობით, 22 მარტისათვის ჩეხეთში მკურნალობას გადის კორონავირუსით ინფიცირებული 1047 პაციენტი. 7 კაცი უკვე განიკურნა. ჩეხეთის ხელისუფლება აცხადებს, რომ კორონავირუსის გამო შემოღებული შეზღუდვები საზოგადოებრივი ჯანდაცვის უზრუნველსაყოფად, შესაძლოა, აპრილის შუა რიცხვებისათვის გაუქმდეს, თუ ქვეყანაში... Читать дальше...

თვითგამოცხადებულ აფხაზეთში კვირას ჩატარებულ პრეზიდენტის განმეორებით არჩევნებში, წინასწარი მონაცემებით იმარჯვებს ოპოზიციის ერთიანი კანდიდატი ასლან ბჟანია. 84 ათასი ბიულეტენის გადათვლის შედეგად 57%-ით ლიდერობს ასლან ბჟანია.  "ეხო კავკაზას" ცნობით, მეტოქეს გამარჯვება უკვე მიულოცა სახელისუფლებო კანდიდატმა, სოხუმის ვიცე-პრემიერმა, ადგურ არძინბამ   საქართველოს ხელისუფლება არალეგიტიმურად და საერთაშორისო კანომდებლობის უხეშ დარღევად აფასებს რუსეთის მიერ ოკუპირებულ აფხაზეთში არჩევნების გამართვას. ... Читать дальше...

ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, მომავალ კვირაში საქართველოს კორონავირუსისგან გამოჯანმრთელებული ახალი პაციენტები ეყოლება. მათ შესახებ უარყოფითი პასუხი ლუგარის ლაბორატორიიდან მიიღეს. „5 პაციენტი გამოჯანმრთელებულად ჩაითვალა, რასაც დიდი სიხარულით შეხვდა ჩვენი გუნდი, მთლიანობაში 8 ადამიანი გამოჯანმრთელდა. მათ შორის ერთი ძალიან მძიმე იყო“, - განაცხადა მარინა ენდელაძემ „იმედის კვირაში“ სატელეფონო ჩართვის დროს. ენდელაძის განმარტებით, 5 პაციენტი ხვალ გაეწერება საავდმყოფოდან. Читать дальше...

დე ფაქტო საპრეზიდენტო არჩევნები კორონავირუსის გამო "საერთაშორისო დამკვირვებლების" გარეშე ჩატარდება. რა ვითარებაა დღეს აფხაზეთში? რა ვიცით ადამიანებზე, რომლებიც ჩვენი ქვეყნის მოქალაქეებად მიგვაჩნია? საუბარი ადამიანებთან, რომლებიც ისევ და ისევ აფხაზებთან დიალოგისკენ და რაც მთავარია, კომპრომისისკენ მოგვიწოდებენ.

გერმანიის კანცლერი ანგელა მერკელი კარანტინში მიდის კორონავირუსით დაავადებულ ექიმთან კონტაქტის გამო. ამის შესახებ იუწყება „დოიჩე ველე“ მერკელის პრესმდივან შტეფენ ზაიბერტზე დაყრდნობით.   ოფიცალური წყაროს თანახმად, მას შემდეგ, რაც ანგელა მერკელმა გამოაცხადა ადამიანებს შორის კონტაქტების შემზღუდავი საერთო ნაციონალური ზომების შესახებ, მას აცნობეს, რომ პარასკევს კონტაქტი ჰქონდა კორონავირუსით დაავადებულ ექიმთან.   „შინა კარანტინში ყოფნის დროსა კანცლერი გააგრძელებს თავისი მოვალეობის შესრულებას“, - განაცხადა ზაიბერტმა. Читать дальше...

კორონავირუსის ინფექციის პანდემიასთან დაკავშირებით 23 მარტიდან რუსეთი დროებით შეზღუდვებს აწესებს საავიაციო მიმოსვლაზე უცხოეთის ქვეყნებთან. სახელმწიფო კომპანია „როსავიაციის“ საიტზე გამოქვეყნებული ცნობის თანახმად, მგზავრების გადაყვანა ძირითადად მოხდება მხოლოდ სახელმწიფოს დედაქალაქებში. გამონაკლისს წარმოადგენს თურქეთი და არაბთა გაერთიანებული საამირო, სადაც რუსეთის სამგზავრო რეისები შესრულდება სტამბოლს და დუბაიში.  ჩამონათვალში შედის ასევე რამდენიმე ათეული ქვეყანა, რომელთანაც რუსეთს საავიაციო მიმოსვლა უკვე აქვს შეწყვეტილი. Читать дальше...

საღამოს 20:00 საათზე აფხაზეთის დე ფაქტო რესპუბლიკაში დასრულდა პრეზიდენტის განმეორებითი არჩევნები, რომელშიც სამი კანდიდატი იბრძოდა სეპარატისტული რესპუბლიკის უმაღლესი პოლიტიკური პოსტისთვის.   სოხუმის ცენტრალური საარჩევნო კომისიის ცნობით არჩევნებში აქტივობა საკმაოდ მაღალი იყო და საარჩევნო უბნების დახურვამდე 2 საათით ადრე, დე ფაქტო არჩევნებში მონაწილეობა მიღებული ჰქონდა ამომრჩეველთა 58,5%-ს.   აფხაზეთის დე ფაქტო რესპუბლიკის კონსტიტუციის თანახმად, არჩეულად ჩაითვლება ის კანდიდატი, რომელიც არჩევნებში მონაწილეთა ხმების 50%-ზე მეტს მიიღებს. Читать дальше...

ცხინვალის ქუჩებში მილიციის თანამშრომლები გამოჩნდნენ. ისინი სკვერებსა და ქუჩებში შეკრებილებს მოუწოდებენ, რომ გარეთ დიდხანს არ იყვნენ და მეტი დრო სახლში გაატარონ.

საქართველოს ფინანსთა მინისტრის, ივანე მაჭავარიანის თანახმად, მთავრობა მოსახლეობის დასახმარების რამდენიმე ვარიანტს განიხილავს. მინისტრის თქმით, ერთ-ერთი ვარიანტია ელექტროენერგიის ვაუჩერი: „არის სხვადასხვა ვარიანტები. ღიად გეტყვით, არის მაგალითად, რაღაც ტიპის დენის ვაუჩერზე საუბარი, რომლითაც შეიძლება შეამსუბუქო. არის მეორე ნაწილი ბიზნესთან ერთად ვისაუბროთ, რომ ჩვენ საშემოსავლოს ნაწილში დავუთმოთ, რომ მათ ხელფასის გადახდა გააგრძელონ“,-განაცხადა ივანე მაჭავარიანმა. მისი თქმით, დახმარებამ მაქსიმალურად უნდა მოიცვას დაზარალებული მიზნობრივი ჯგუფები... Читать дальше...

ამ დღეებში პოპულარობა მოიპოვა ერთმა ასეთმა პუბლიკაციამ, - ცნობილი ამერიკელი მწერლის, ფრენსის სკოტ ფიცჯერალდის მიერ მეგობარი ქალისადმი მიწერილმა წერილმა კარანტინიდან, რომელშიც ის 1920 წელს იმყოფებოდა სამხრეთ საფრანგეთში. მაშინ მსოფლიოში ავადსახსენებელი „ესპანური გრიპი“ მძვინვარებდა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განმარტებით, ტესტების პასუხების მიხედვით 8 პაციენტს ახალი კორონავირუსი არ დაუდასტურდა. მისი თქმით, კიდევ 6 პაციენტის პასუხებს ელოდებიან. „ჩვენ ამ ეტაპზე გვყავს სამი მძიმე ავადმყოფი. ორი ქალბატონი შედარებით ასაკოვანი. ერთს აქვს თანარსებული დაავადება, ჰიპერტონული დაავადება, მეორეს რომელიც უფრო მაღალი ასაკით მაღალ რისკში გადის, მძიმე ნევრლოგიური დაავადება. ორივე პაციენტი ისევ პროგნოზულად, პროგრესირების თვალსაზრისით მძიმე პაციენტებად მოიაზრებიან. Читать дальше...

"​მაგთიკომის" მიერ ცოტა ხნის წინ გავრცელებული განცხადების თანახმად, აბონენტები უკვე შეუფერხებლად იღებენ ინტერნეტს. "გაცნობებთ, რომ მაგთიკომის ინტერნეტ მიმწოდებელ კომპანიას, კავკასუს ონლაინს 22 მარტს 17:10 საათზე შეექმნა ტექნიკური პრობლემა, რის შედეგადაც მაგთიკომის აბონენტებს გლობალურ რესურსებთან წვდომა შეეზღუდა. ამ ეტაპზე პრობლემა მოგვარებულია და ყველა აბონენტს სერვისი მიეწოდება შეუფერხებლად. ბოდიშს გიხდით შეფერხებისთვის." - წერია კომპანიის ფეისბუკის გვერდზე. 22 მარტს, დღის მეორე ნახევარში... Читать дальше...

ახალი კორონავირუსით ინფიცირებული პაციენტი, რომელიც მარნეულის „ჯეოჰოსპიტალში“ იყო მოთავსებული, მკურნალობას თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში განაგრძობს. იგი ერთ-ერთია იმ 5 პირს  შორის, რომელთაც 22 მარტის დილით დაუდასტურდათ ახალი კორონავირუსი. 22 მარტის 20 საათის მონაცემებით, საქართველოში ახალი კორონავრუსით 54 ადამიანია დაინფიცირებული. გამოჯანმრთელდა 3. გამოჯანმრთელებულმა მესამე პაციენტმა თბილისის ინფექციური საავადმყოფო 22 მარტს, დატოვა.

ჩეხეთის ხელისუფლება აცხადებს, რომ კორონავირუსის გამო შემოღებული შეზღუდვები საზოგადოებრივი ჯანდაცვის უზრუნველსაყოფად, შესაძლოა, აპრილის შუა რიცხვებისათვის გაუქმდეს, თუ ქვეყანაში ამ დროისათვის 10 ათასს არ გადააჭარბებს კორონავირუსით დაავადებულთა რიცხვი, - განაცხადა ჩეხმა ეპიდემიოლოგმა, რომან პრიმულამ, რომელიც კორონავირუსის წინააღმდეგ ბრძოლის ჩეხეთის საკოორდინაციო შტაბს ხელმძღვანელობს. ჩეხეთის ჯანდაცვის მინისტრმა ადამ ვოიტეხმა ერთ-ერთ ტელეარხს უთხრა, რომ საგანგებო მდგომარეობის შეზღუდვა ძალაში დარჩება აღდგომის დღესასწულზეც... Читать дальше...

კორონავირუსის გავრცელების შეფერხების მიზნით შექმნილი საკოორდინაციო საბჭოს სხდომაზე იმსჯელეს სამართალდამცველი უწყებების მხრიდან საგანგებო მდგომარეობის ფარგლებში დაწესებული შეზღუდვების ეფექტური აღსრულების მექანიზმებზე.

22 მარტის დღის მეორე ნახევრიდან "მაგთიკომის" აბონენტებს შეფერხებით მიეწოდებათ ინტერნეტი. კომპანიას ოფიციალური განცხადება ჯერ არ გაუკეთებია, ხოლო აბონენტთა ნაწილმა პროვაიდერისგან ასეთი შინაარსის შეტყობინება მიიღო: "მაგთიკომის" ინტერნეტ მიმწოდებელს, "კავკასუს ონლაინს" 22 მარტს, 17:10 საათზე შეექმნა პრობლემა, რის შედეგადაც მაგთიკომის აბონენტებს გლობალურ რესურსებთან წვდომა შეეზღუდა".

ბულგარეთის პრეზიდენტმა, რუმენ რადევმა, 22 მარტოს ვეტო დაადო პარლამენტის მიერ კორონავირუსის წინააღმდეგ ბრძოლის ფარგლებში დამტკიცებულ რამდენიმე ნორმას. რადევი მიიჩნევს, რომ ზოგიერთი ზომა არის „უკიდურესად მკაცრი“ და საფრთხეს უქმნის სამოქალაქო თავისუფლებას.   ბულგარეთის პარლამენტმა 20 მარტს რამდენიმე შეზღუდვა დაამატა ქვეყნის მთავრობის მიერ საგანგებო მდგომარეობის თაობაზე ინიცირებულ კანონპროექტს.   ბულგარეთის პრეზიდენტმა ვეტო დაადო პუნქტს, რომელიც წესრიგის დაცვის საქმეში სამხედროებს ანიჭებს პოლიციურ ფუნქციას... Читать дальше...

დაავადებათა კონტროლისა და საზოგადოებრივი ჯანდაცვის  ცენტრის დირექტორის, ამირან გამყრელიძის თქმით, კორონავირუსის ხუთი ახალი შემთხვევიდან ერთ-ერთი მარნეულის საავადმყოფოში დადასტურდა. მისივე ცნობით, ამ პაციენტის პასუხი დღეს, 22 მარტს გამთენიისას გახდა ცნობილი ლუგარის ცენტრში, ხოლო დაავადებათა კონტროლის ცენტრის ჯგუფი ატარებს ჩაღრმავებულ ეპიდკვლევას, კონტაქტების გამოსავლენად. რადიო მარნეულის თანახმად  მარნეულის "ჯეოჰოსპიტალში" სადენზინფექციო სამუშაოები ტარდება და სპეციალისტები მიიღებენ გადაწყვეტილებას... Читать дальше...

რუმინეთის ხელისუფლების ცნობით, ქვეყანაში პირველად დაფიქსირდა კორონავირუსით გამოწვეული ორი სასიკვდილო შემთხვევა იმ ფონზე, როდესაც განვლილი დღე-ღამის განმავლობაში მკვეთრად იმატა ქვეყანაში COVID-19-ით დაინფიცირებულთა რიცხვმა. შაბათს თუ რუმინეთში დაინფიცირებული იყო 322 კაცი, კვირას ეს რიცხვი 433-მდე გაიზარდა. რუმინეთში 16 მარტიდან მოქმედებს საგანგებო მდგომარეობა. პარასკევს რუმინეთის პრეზიდენტმა კლაუს იოჰანისმა მოუწოდა ევროკავშირში მყოფ მილიონზე მეტ რუმინელ შრომით მიგრანტს, თავი შეიკავონ აღდგომის დღესასწაულებზე სამშობლოში დაბრუნებისგან. Читать дальше...

თვითგამოცხადებული აფხაზეთის ცენტრალური საარჩევნო კომისიის მონაცემებით, 22 მარტის პრეზიდენტის განმეორებით არჩევნებში 15 საათისათვის ამომრჩეველთა 43,29%-მა მიიღო მონაწილეობა. შედარებისათვის, იმავე საათებში, 2019 აგვისტოს არჩევნების დროს, ეს რიცხვი იყო 39,14%.     "ეხო კავკაზას" ცნობით, 152 საარჩევნო უბანზე ხმის მიცემის პროცედურას თვალს ადევნებს 16 ე.წ. საერთაშორისო დამკვირვებელი. მათ შორის არიან რუსეთის ფედერაციის, სეპარატისტული სამხრეთ ოსეთის და დნესტრისპირეთის წარმომადგენლები.   საპრეზიდენტო... Читать дальше...

საქართველოს ეკონომიკისა და მდგრადი განვითარების მინისტრის, ნათია თურნავას განმარტებით, დღეიდან ქვეყანა გაძლიერებული კარანტინის რეჟიმში გადადის. მინისტრის განმარტებით, თუ აქამდე მხოლოდ საქართველოს მოქალაქეები და მხოლოდ ისინი იგზავნებოდნენ კარანტინში, ვინც რისკქვეყნებიდან შემოდიოდნენ, ახლა ორკვირიან კარანტინში აღმოჩნდება ყველა, ვინც საქართველოს საზღვარს გადმოკვეთს. მინისტრის თქმით, საკარანტინო სივრცეების რაოდენობა გაორმაგდება: „ვინაიდან და რადგანაც საჭიროება რადიკალურად იზრდება, ჩვენ არ გამოვრიცხავთ... Читать дальше...

ირანის უზენაესი სასულიერო ლიდერი, აიათოლა ალი ხამენეი მოუწოდებს ქვეყნის მოსახლეობას, რათა „აუცილებლად დაიცვან კორონავირუსთან ბრძოლის ეროვნული კომიტეტის მიერ შემუშავებული სახელმძღვანელო წესები“.   ამის შესახებ ნათქვამია ტვიტერში ხამენეის ოფიციალურ გვერდზე განთავსებულ მიმართვაში. „ჩვენს ისტორიაში უპრეცედენტო ფაქტია, რომ გაუქმებულია თვით რელიგიური შეკრებები, მაგრამ ეს გარდაუვალია“, - აცხადებს ირანის უზენაესი სასულიერო ლიდერი.   ამ განცხადების ფონია კორონავირუსის შემთხვევების ზრდა ირანში, რის გამოც ქვეყანაში აკრძალულია რელიგიური... Читать дальше...

საქართველოს ყოფილი პრეზიდენტი გიორგი მარგველაშვილი მთავრობას მოუწოდებს, მკაფიო გახადოს შეკრების აკრძალვის რეგულაცია. "ფეისბუკის" საკუთარ გვერდზე გამოქვეყნებულ პოსტში გიორგი მაგველაშვილი წერს, რომ მოქალაქეებმა დაწესებული შეზღუდვები რომ დაიცვან, ამისათვის საჭიროა მკაფიო იყოს, რას გულისხმობს ეს შეზღუდვები, კერძოდ, 10 ადამიანის განთავსების შესახებ: "მთავრობას: გახადეთ მკაფიო და ერთმნიშვნელოვანი ის ერთი მთავარი - შეკრებების აკრძალვის რეგულაცია! 10 ადამიანი - რა ფართობზე, რა დაშორებით, ღია თუ დახურულ სივრცეში? Читать дальше...