Ужо больш за 100 сьмерцяў ад COVID-19 у Беларусі. Лукашэнка пра парад: «Людзей будзе шмат» Вынікі 4 траўня
Мы сабралі для вас навіны зь Беларусі і сьвету, датычныя каранавірусу, за 4 траўня
Мы сабралі для вас навіны зь Беларусі і сьвету, датычныя каранавірусу, за 4 траўня
Сытуацыя вакол пандэміі каранавірусу і яе наступстваў можа прывесьці да канфрантацыі паміж ЗША і Кітаем і да росту варожых настрояў у сьвеце адносна Пэкіну. Пра гэта гаворыцца ў сакрэтным дакладзе кітайскіх спэцслужбаў для кіраўніцтва КНР, зьмест якога стаў вядомы агенцтву Reuters.
Сабралі падзеі з культурнага жыцьця, да якіх можна далучыцца, не пакідаючы сваёй кватэры, з 4 па 10 траўня.
«Вялікія зборы людзей, пры якіх немагчыма забясьпечыць дыстанцыю паміж людзьмі 1,5-2 мэтры, павышаюць рызыку перадачы вірусу і спрыяюць далейшаму пашырэньню эпідэміі»
Сярод разгляданых – справа аб падатковых дэклярацыях прэзыдэнта Дональда Трампа, які адмовіўся публікаваць зьвесткі аб сваіх падатках.
На чыгуначным вакзале Менску на мінулым тыдні ў тэставым рэжыме запрацаваў цеплавізар, паведаміў агенцтву «Минск-Новости» намесьнік старшыні Менгарвыканкаму Аляксандар Дараховіч.
Як за тыдзень прасунуліся справы на чатырох ключавых напрамках змаганьня з пандэміяй: захадах прафіляктыкі, працы над лекамі, мерах паратунку эканомікі і стварэньні імунітэту супраць вірусу.
«Магчыма, наогул без гледачоў будзе. Ня ведаю»
Бізнэсовец і сябра выканкаму Міжнароднай фэдэрацыі самба Ўладзімер Япрынцаў, якога два дні таму выпісалі зь лякарні «лечкамісіі», сказаў, што абавязкова пойдзе на парад 9 траўня.
Аляксандар Лукашэнка падчас размовы з прэзыдэнтам Малдовы заявіў: «У нас асобна лечацца людзі з каранавіруснымі пнэўманіямі, і, напэўна, чвэрць толькі ложкаў занятыя ў шпіталях, дзе мы лечым людзей з каранавірусам». Ці праўда, што загрузка шпіталяў, дзе лечаць хворых на каранавірус, менавіта такая?
У горадзе Ўсінск у расейскай Рэспубліцы Комі мясцовая адміністрацыя вывесіла на сьцяне аднаго з дамоў плякат да 75-годзьдзя перамогі ў Вялікай Айчыннай вайне. На ім фінскі салдат з аўтаматам і аленем.
На 18 траўня прызначаны працэс над актывістам Піліпам Шаўровым, якога вінавацяць у тым, што ён афарбаваў помнік расейскаму паэту Аляксандру Пушкіну, а раней у іншых месцах зрабіў два графіці — сьледзтва кваліфікавала ўсё гэта як хуліганства.
Усяго амністыя закранула каля 9 тысяч чалавек, якія адбываюць пакараньне як у турмах і калёніях, так і на так званай «хіміі».
Беларусь — на абсалютным першым месцы сярод шасьці краінаў-суседзяў паводле колькасьці ачунялых на мільён насельніцтва. Але насамрэч гэта проста фокус.
У райцэнтры Чэрыкаве на карантын зачынілі ўсе школы. COVID-19 выявілі ў пэдагогаў, мясцовыя ўлады кажуць пра «сур’ёзную сытуацыю», але не называюць лічбаў.
Прэм’ер-міністар Японіі Сіндзо Абэ ў панядзелак падоўжыў дзеяньне надзвычайнага становішча па ўсёй краіне да 31 траўня, заявіўшы, што новая каранавірусная інфэкцыя яшчэ ня пойдзе на спад настолькі, каб абгрунтаваць спыненьне захадаў супраць пандэміі.
У расейскім горадзе Чарапаўцы 9 траўня праз пагрозу каранавірусу будуць забароненыя ўсе мерапрыемствы, дзе могуць сабрацца больш трох чалавек. Пра гэта заявіў мэр гораду Вадзім Германаў.
У лябараторыі арганічнага сынтэзу Акадэміі навук Беларусі 4 траўня падчас навуковых дасьледаваньняў здарыўся пажар. Ніхто не пацярпеў.
У Мінабароны паведамляюць, што абсалютная большасьць вайскоўцаў, якія захварэлі, — у здавальняючым стане.
Манахіня Марыя памерла 4 траўня ў шпіталі. Гэта Свабодзе пацьвердзілі ў канцылярыі Сьвята-Елісавецінскага манастыра. Прычыну сьмерці манахіні ў канцылярыі не назвалі, але не адмаўлялі, што праведзены ў шпіталі тэст на каранавірус даў станоўчы вынік.
Прэзыдэнт Украіны Ўладзімір Зяленскі атрымаў бы большасьць галасоў выбарнікаў, калі б выбары адбыліся блізкім часам, сьведчаць дадзеныя сацыялягічнага дасьледаваньня Цэнтру Разумкова, праведзенага ў красавіку 2020 года і апублікаваныя 4 траўня.
«Нікога туды ня цягнем і не заганяем. Я ўпэўнены, што і без таго, каб настойліва туды запрашаць, людзей будзе шмат», — цытуе Лукашэнку ягоная прэс-служба.
Сам Лукашэнка ня згадваецца, але згадваецца прапанаванае ім «лячэньне» COVID-19 трактарам, алькаголем, маслам і лазьняй.
У Менску аднавілі плянавую стаматалягічную дапамогу.
Лукашэнка шчыра кажа, што «ня можа адмяніць парад». Для яго гэта будзе дэманстрацыяй слабасьці.