Лукашэнка запатрабаваў звальняць удзельнікаў страйкаў і выключаць з ВНУ удзельнікаў пратэстаў, Віталь Шкляраў пакінуў Беларусь. Найважнейшае за 27 кастрычніка
На нарадзе па падрыхтоўцы шостага Ўсебеларускага народнага сходу, Лукашэнка заявіў, што гэта ён аддаў загад разганяць удзельнікаў акцыі пратэсту на вуліцы Арлоўскай у Менску, 25 кастрычніка.
Ліст пра далучэньне да агульнанацыянальнага страйку падпісалі 12 чалавек: дзевяць актораў (усяго ў трупе больш за два дзесяткі чалавек) і тры супрацоўнікі тэатру
Дазвол Шкляраву пакінуць краіну — адзіная мэта, зь якой Пампэо тэлефанаваў Лукашэнку? Чаму Шклярава ня выпусьцілі за мяжу адразу пасьля гутаркі Пампэо з Лукашэнкам? Які ўплыў можа аказаць вызваленьне Шклярава на выбарчую кампанію ў ЗША? Як амэрыканцы могуць абараніць незалежнасьць Беларусі?
Нарада па падрыхтоўцы шостага Ўсебеларускага народнага сходу (УНС) не прынесла нейкіх нечаканасьцяў. Падзея павінна адбыцца ў студзені-лютым. Гэтай імітацыяй народаўладзьдзя Лукашэнка замяняе сапраўдны дыялёг з народам.
«Мы будзем усё роўна трымацца сваёй грамадзянскай пазыцыі і выступаць супраць гвалту», — кажа калега затрыманых, загадчыца кабінэту эндаскапіі Рэспубліканскага навукова-практычнага цэнтру «Кардыялёгія» Тацяна Гінько
Адлічаныя два студэнты 5 курсу і адзін студэнт 3 курсу. Афіцыйная прычына — «неаднаразовыя парушэньні».
Ліст з паведамленьнем пра гэта Пілецкаму даслалі на хатні адрас.
Урача-нэйрахіруга зь Берасьця Сяргея Гетманюка выпусьцілі з ізалятара часовага ўтрыманьня без складаньня пратаколу. Яго затрымалі 25 кастрычніка.
Частка азотаўцаў далучылася да страйку 27 кастрычніка. Прынамсі аднаго страйкоўца затрымалі.
Пра салідарнасьць, рэпрэсіі, маўчаньне хакеістаў, дзейнасьць Беларускага фонду спартовай салідарнасьці, прапаганду, якая выкарыстоўвала спорт і спартоўцаў, і будучыню беларускага спорту гавораць беларускія чэмпіёнкі.
Як стала вядома Tut.by, Віталь Шкляраў пакінуў межы Беларусі. Ён быў фігурантам «справы Ціханоўскага», хоць яшчэ да затрыманьня заяўляў, што ня быў кансультантам Сяргея Ціханоўскага і ніколі на яго не працаваў.
Эдуард Пальчыс, які адбываў 30 сутак арышту, ня выйшаў на волю пасьля заканчэньня прысуджанага тэрміну. Як паведамілі ў ЦІП на Акрэсьціна, актывіст цяпер фігурант крымінальнай справы.
Традыцыйнага шэсьця на Дзяды ў Курапаты сёлета ня будзе, даведалася Свабода. Лідэр КХП-БНФ Зянон Пазьняк заклікаў, каб у Курапаты пайшлі ўдзельнікі традыцыйнага нядзельнага маршу.
Новыя абмежаваньні, уведзеныя ўрадам Італіі для стрымліваньня росту захворваньня каранавірусам, прывялі да акцый пратэсту па ўсёй краіне. Прынамсі ў двух гарадах на поўначы краіны, у Мілане і Турыне, адбыліся ўспышкі гвалту
Ужо 37 выкладчыкаў і супрацоўнікаў Беларускага дзяржаўнага ўнівэрсытэту інфарматыкі і радыёэлектронікі далучыліся да страйку.
З 26 кастрычніка, пасьля невыкананьня Лукашэнкам ультыматуму, Сьвятлана Ціханоўская заклікала беларусаў да страйку. Разьбіраемся, як страйк можа нашкодзіць эканоміцы.
На 63-гадовую пэнсіянэрку Алену Гнаўк, якая на мінулым тыдні выйшла пасьля 18 сутак у ізалятары часовага ўтрыманьня, завялі крымінальную справу, паведаміла Tut.by яе дачка Аляксандра.
Паэта і барда Эдуарда Акуліна выпусьцілі з ізалятара ў Жодзіне, а справу накіравалі на перагляд. Ягонае прозьвішча фігуруе ў сьпісе валянтэраў, які абнаўляецца пасьля судоў.
Расея не плянуе перабазоўваць у Беларусь самалёты, вайскоўцы дзьвюх краін рыхтуюць трэніроўкі сыстэмы супрацьпаветранай абароны (СПА), паведамілі Інтэрфаксу ў прэсавай службе Міністэрства абароны Беларусі.
27 кастрычніка раніцай на праспэкце Дзяржынскага затрымалі семярых мэдыкаў з РНЦП «Кардыялёгія», якія стаялі ў «ланцугу салідарнасьці» перад пачаткам працоўнага дня.
Сёлетнюю праваабарончую прэмію «За свабоду думкі» імя Андрэя Сахарава прысудзілі беларускай апазыцыі, прадстаўленай Каардынацыйнаю радаю.
На 29 кастрычніка прызначаная вечарына ў Курапатах, якая штогод ладзіцца ў памяць пра больш як сто расстраляных беларускіх літаратараў і грамадзкіх дзеячоў.
Сёньня экспэрт ААН па правах чалавека ў Беларусі Анаіс Марэн заклікала беларускі ўрад неадкладна спыніць рэпрэсіі супраць уласнага народу і стварыць незалежную судовую сыстэму для пераадоленьня цяперашняга палітычнага крызісу ў краіне.
Акторка Алена Гіронак расказала пра сваё жорсткае затрыманьне. Яе білі па галаве, прымушалі ісьці па чалавеку, праводзілі ідэалягічныя гутаркі. Склалі пратакол і позна ўначы адпусьцілі.
