Латушка стварыў антыкрызісны орган, Опэрны тэатар закрыўся пасьля акцыі, у Мазыры падпалілі ДАІ. Найважнейшае за 28 кастрычніка
Галоўныя падзеі дня 28 кастрычніка.
Галоўныя падзеі дня 28 кастрычніка.
Якую ролю можа адыграць новая структура — Народнае антыкрызіснае кіраўніцтва - на чале з Паўлам Латушкам? Ці стане яна альтэрнатыўным урадам? Ці мяняецца лідэрства ў апазыцыі?
Па дзяржаўных прадпрыемствах і арганізацыях прафсаюзы разаслалі плянаваныя «папраўкі ў Канстытуцыю». Мэта рассылкі — каб працоўныя калектывы азнаёміліся зь імі і «ўхвалілі».
Прарэктарка па навучальнай працы Беларускай дзяржаўнай акадэміі мастацтваў Алена Бохан не падпісала загад аб адлічэньні трох студэнтаў. Пра гэта яна паведаміла «Медиазоне».
Філёзаф, дацэнт Павал Баркоўскі, які нядаўна звольніўся з БДУ з палітычных прычын, аналізуе пратэставую актыўнасьць беларускіх студэнтаў і выкладчыкаў, тлумачыць, хто тыя людзі, якіх улада апошнія тыдні прызначае кіраваць унівэрсытэтамі, і перасьцерагае Беларусь ад абхаскага варыянту.
Рабочага «Атланта» Віктара Манкевіча, які сёньня днём падняўся на комін на тэрыторыі заводу зь бел-чырвона-белым сьцягам, даставілі ў Навукова-практычны цэнтар псыхічнага здароўя ў Менску, піша Tut.by.
Зьявіўся загад аб звальненьні 12 чалавек на «Азоце». Аднаму работніку далі 30 сутак арышту. Зьмены ў некаторых цэхах пераймаць няма каму — на дапамогу прыходзіць начальства, стажоры і тыя, хто не страйкуе.
Арына Ястраб вяла перадачы на беларускім тэлебачаньні цягам амаль 20 гадоў. Звольнілі яе ў 2010-м, калі яна абурылася, што ў студыю прынесьлі сьпісы дзеячоў мастацтва, якіх нельга ўзгадваць на дзяржаўных тэлеканалах.
Падпал будынку ДАІ ў Мазыры кваліфікаваны як акт тэрарызму, паведаміў начальнік аддзелу сьледчага ўпраўленьня КДБ Беларусі Канстанцін Бычак.
Улады Літвы прыпынілі вылучэньне фінансаваньня Беларусі ў рамках праграмы Эўразьвязу па трансгранічным супрацоўніцтве, гэтак жа зрабіла і Латвія. Пра гэта ў сераду на пасяджэньні ўраду паведаміла кіраўніца літоўскага МУС Рыта Тамашунене.
«Беларускі фонд культурнай салідарнасьці» паведамляе пра звальненьне 4 супрацоўнікаў Вялікага тэатру опэры і балету Беларусі.
Былы міністар культуры і дыплямат Павал Латушка расказаў пра стварэньне новага органу, які мае стаць «інстытутам дапамогі Каардынацыйнай Радзе». Абвешчаны і склад Народнага антыкрызіснага кіраўніцтва.
Берасьцейскі абласны суд адхіліў скаргу на ўтрыманьне пад вартай Марыны Глазавай, маладой настаўніцы, якую абвінавацілі ў арганізацыі ў Берасьці беспарадкаў з мэтай перашкодзіць транспарту ды завялі на яе крымінальную справу.
У Цэнтры Гамалеі, які распрацоўваў вакцыну, выказалі здагадку, што заразіцца маглі тыя, каму ўводзілі ня сам прэпарат, а пляцэба.
Арына Ястраб вяла перадачы на беларускім тэлебачаньні цягам амаль 20 гадоў. Звольнілі яе ў 2010 пасьля таго, як яна абурылася тым, што ў студыю прынесьлі сьпісы дзеячоў мастацтва, якіх нельга ўзгадваць на дзяржаўных тэлеканалах. Цяпер Арына Ястраб наведвае штотыднёвыя маршы пэнсіянэраў, ходзіць з плякатам, які зрабіла сама. Жанчына кажа, што пратэсты ня спыняцца, што сталыя людзі маюць рашучы настрой, бо разумеюць, што выходзяць на вуліцу не для сябе, а для сваіх дзяцей і ўнукаў.
Кіраўніцтва шпіталя запэўніла, што звальняць за палітычныя перакананьні нікога ня будзе
Гісторыку Алесю Краўцэвічу з Горадні 28 кастрычніка прысудзілі 270 рублёў штрафу. Ён выйшаў з ізалятара на волю і расказаў, як адседзеў трое сутак.
Усяго ў рознай форме страйк падтрымалі да 70% працаўнікоў заводу.
28 кастрычніка Вялікі тэатар опэры і балету Беларусі паведаміў пра адмену ўсіх спэктакляў і канцэртаў у малой залі з 29 кастрычніка па 20 лістапада.
Пракурор Віцебску Юры Раманоўскі вынес «афіцыйнае папярэджаньне» мэдыкам, якія выказалі сваю грамадзянскую пазыцыю ў відэазвароце, выступіўшы супраць фальсыфікацыі выбараў і рэпрэсіяў, за праўду пра сытуацыю з COVID-19.
Амаль 2 тысячы чалавек падпісаліся пад лістом у падтрымку настаўнікаў менскай гімназіі № 50, якія выклалі ў сеціве відэазварот да калегаў і грамадзянаў Беларусі.
Мэдыкі Беларусі і замежжа далучаюцца да акцыі #YouStrikeWeWork, у рамках якой беларускія дыяспары па ўсім сьвеце вырашылі падтрымаць беларускіх рабочых якія страйкуюць.
«Актыўная фаза страйкаў перарастае ў іншыя формы «партызанскай барацьбы» — гэтак ацаніў бягучую сытуацыю ў інтэрвію БелаПАНу старшыня Беларускага кангрэсу дэмакратычных прафсаюзаў (БКДП) Аляксандар Ярашук.
У Беларусі на 28 кастрычніка афіцыйна зарэгістравалі 95 545 чалавек са станоўчым тэстам на COVID-19, паведаміла Міністэрства аховы здароўя.
Суд у Беларусі адпусьціў з папярэджаньнем кіраўніцу інтэрнэт-праектаў Прэзыдэнцкага цэнтру Б. Н. Ельцына («Ельцын-цэнтар») Марыну Пятрушку, паведамілі ТАСС у сераду ў прэс-службе цэнтру.