Намёты на «плошчы Перамен», Макарэвіч у акцыі "Жыве Беларусь", затрыманьні страйкоўцаў «Беларуськалія». Найважнейшае за 14 лістапада
Найважнейшыя навіны 14 лістапада.
Найважнейшыя навіны 14 лістапада.
Беларусы, які ў розны час пасьля выбараў прэзыдэнта зьехалі ва Ўкраіну, другую ноч запар ахоўваюць мэмарыял, стыхійна створаны каля амбасады Беларусі ва Ўкраіне ў памяць аб памерлым пасьля зьбіцьця Рамане Бандарэнку.
Лёнданская паліцыя вядзе расьсьледаваньне зьнішчэньня народнага мэмарыялу памяці Рамана Бандарэнкі ля амбасады Беларусі. Яго стварылі беларусы Брытаніі і неабыякавыя да сытуацыі ў Беларусі грамадзяне Вялікай Брытаніі.
У Менску і іншых населеных пунктах Беларусі 14 лістапада праходзяць стыхійныя акцыі супраць палітычных рэпрэсій.
Міністэрства аховы здароўя Армэніі аб’явіла, што ў вайне ў Карабаху з армянскага боку загінула больш за 2,3 тысячы вайскоўцаў. Гэта амаль на адну тысячу больш, чым да цяперашняга часу прызнавала міністэрства абароны краіны.
Эўрапейскія афіцыйныя асобы практычна адзіныя ў тым, якіх менавіта пераменаў у дачыненьнях з ЗША яны цяпер чакаюць.
У Хабараўску чатыры месяцы працягваюцца пратэсты супраць арышту абранага губэрнатара Сяргея Фургала. Іх ніяк не асьвятляюць дзяржаўныя і праўладныя СМІ, цяпер улады спрабуюць зрабіць так, каб пра пратэсты не паведамлялі незалежныя журналісты.
Сёньня ў Менску прайшоў чэмпіянат Беларусі па маратону і ультрамаратону. Старт і фініш адбыўся каля Палаца спорту.
31-гадовы Раман Бандарэнка памёр 12 лістапада ў шпіталі пасьля выкраданьня 11 лістапада з «плошчы Пераменаў» і зьбіцьця. Прапануем фатаздымкі Рамана Бандарэнкі розных гадоў, якімі са Свабодай падзялілася сям'я Рамана.
У Тбілісі каля будынку парлямэнту Грузіі ў цэнтры гораду праходзіць масавая акцыя пратэсту з патрабаваньнем правесьці новыя парлямэнцкія выбары. Сярод пратэстоўцаў — сябры і прыхільнікі апазыцыйных партый, грамадзкія актывісты.
Прадпрымальнік Іван зь Менскага раёну паведаміў, што быў у адной камэры ў ІЧУ ў Жодзіне зь вядомымі спартоўцамі.
Былога кіраўніка Службы нацыянальнай бясьпекі Армэніі Артура Ванэт'яна затрымалі праз падазрэньне ў падрыхтоўцы забойства прэм’ер-міністра Нікола Пашыньяна і ўзурпацыі ўлады.
Колькі зарабілі з пачатку году беларускія заводы?
Сябра праўленьня Фэдэральнай рэзэрвовай сыстэмы (ФРС) Лэйл Брэйнард – галоўная кандыдатка на пасаду міністра фінансаў ЗША ў адміністрацыі новага прэзыдэнта ЗША Джо Байдэна.
Беларускі фонд культурнай салідарнасьці ў памяць забітага Рамана Бандарэнкі правёў у ютубе жывую трансьляцыю «Рэквіему» Моцарта ў выкананьні беларускіх опэрных сьпевакоў.
Стрыечная сястра загінулага Рамана Бандарэнкі Вольга Кучарэнка паведаміла Свабодзе, што сямʼі пакуль не аддаюць цела Рамана. Таму невядомая і дата пахаваньня.
Сьвятлана Ціханоўская сустрэлася ў Латвіі з прэзыдэнтам гэтай краіны, прэм’ерам, міністрам замежных спраў і латвійскімі НДА.
Не працягнулі кантракт кандыдату філялягічных навук, аўтару падручнікаў Ягору Прыстаўку, які больш за 15 гадоў адпрацаваў на філялягічным факультэце БДУ.
Ізраіль дамаўляецца з Pfizer, каб атрымаць 8 мільёнаў доз вакцыны супраць COVID-19. Італія пашырае зону карантыну на новыя рэгіёны, у ЗША абмяжоўваюць працу фірмаў і кампаній, не зьвязаных з вытворчасьцю і продажам тавараў першай неабходнасьці.
МЗС Аўстрыі выступіла з заявай з нагоды сьмерці Рамана Бандарэнкі.
«Духоўны корань зла ў Беларусі — нераскаяны камунізм», — перакананы Павал Севярынец.
Паводле Міністэрства аховы здароўя, за дзень у Беларусі зарэгістравалі 1248 новых выпадкаў каранавірусу, днём раней было 1167. Рэкордны прырост хворых фіксуецца чацьвёрты дзень запар.
Біскуп Юры Касабуцкі 13 лістапада на імшы памяці загінулага Рамана Бандарэнкі назваў яго чарговай ахвярай тэрору і гвалту.
Славуты расейскі сьпявак Андрэй Макарэвіч падтрымаў беларусаў, якія дамагаюцца справядлівых выбараў і спыненьня гвалту. «Сябры мае, я вельмі жадаю вам трываласьці, мужнасьці і сілы. Вы пераможаце. Вы ўжо перамаглі, проста гэта яшчэ ня так заўважна. Я з вамі», — сказаў Макарэвіч. Свой зварот Андрэй Макарэвіч суправадзіў песьняй «Зона» з апошняга альбома «Машины времени» — «В метре», які выйшаў 6 лістапада. Акцыю «Жыве Беларусь» запусьціў «Міжнародны онлайн-фэстываль». Зь верасьня да яе далучыліся 16 музыкаў і калектываў з Расеі... Читать дальше...
У Менску на «плошчы Перамен» пасьля забойства мясцовага жыхара Рамана Бандарэнкі абвясьцілі бестэрміновы пратэст і пачалі ставіць намёты, каб забясьпечыць кругласуткавую варту.