Новости за 19.05.2024

Чистайда Елгачылар бистәсе микрорайонында «Елгачылар» скверын ачу тантанасы узды. Аны Елгачылар бистәсенең 7нче территориаль җәмәгать үзидарәсе (ТҖҮ) җитәкчесе Татьяна Малхасян һәм шәһәр китапханәсенең 7нче филиалы методисты Елена Быкова оештырды. Бу хакта «Чистай-информ» хәбәр итә.

«Үрнәк балалар бакчасы – 2023­2024» Бөтенроссия смотр­бәйгесенә йомгак ясалды. Бу хакта «Әгерҗе хәбәрләре» яза.

«Россия – Ислам дөньясы: KazanForum» Халыкара икътисади форумы вәкилләре Апас җирлегендә дә кунак булды. Биредә заманча икътисади партнерлыкны күздә тоткан эшлекле очрашу узды. Анда Берләшкән Гарәп Әмирлекләре, Төркия, Алжирдан партнерлар катнашты. Шулай ук «Хәләл» халыкара стандартизация һәм сертификация үзәге җитәкче-белгечләре катнашты. Бу хакта «Апастово-информ» сайтында Ләйлә Шиһабиева яза.

17-18 май көннәрендә Әлмәттә хатын-кызлар командалары арасында волейбол буенча муниципаль хезмәткәрләр Спартакиадасы үтте. Ярышларда Әлмәт, Азнакай, Яр Чаллы, Зәй, Лениногорск, Алабуга, Нурлат, Түбән Кама һәм Казан командалары катнашты. Бу хакта «Әлмәт таңнары» хәбәр итә.

«Татмедиа» журналисты Равил Мукменов тарафыннан эшләнгән һәм мобилизацияләнгән татарстанлылар турында сөйләүче «Наши/ Безнекеләр» фильмы YouTube-та 1 млн карау җыйган.

23-25 майда Казанда «Россиянең әдәби флагманы» фестиваль-форумы уза. Чараны «Иң укучы төбәк» конкурсының 10 еллыгына багышланган панель дискуссиясе ачачак, дип хәбәр итә «Республика Татарстан».

Бүген, 19 майда, Бөтендөнья татар конгрессыннан гуманитар ярдәм белән беренче фура Омск өлкәсенә килде. Фураны Бөтендөнья татар конгрессы Башкарма комитеты җитәкчесе урынбасары - ТР бүлекчәләре белән эшләү комитеты җитәкчесе Ирек Шәрипов озата барды. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов үзенең телеграм-каналында өйлә намазы фотосы белән уртаклашты – бүген Болгарда Идел буе Болгар дәүләтенең ислам динен кабул итүенә 1102 ел тулуга багышланган «Изге Болгар җыены» уза.

«Kaзан Экспо» Халыкара күргәзмәләр үзәгендә «Россия-Ислам дөньясы: KazanForum» икътисад форумы кысаларында оештырылган «Russia Halal Expo 2024» күргәзмәсе белән танышучылар арасында Башкортстаннан килгән дин әһелләре дә бар иде.

Идел буе Болгар дәүләтенең Ислам динен рәсми кабул итүенә 1102 ел тулуга багышланган «Изге Болгар җыены»нда Татарстан Республикасы Диния нәзарәте Гаилә һәм хәләл яшәү рәвеше елы кысаларында өч гаиләгә хаҗга юлламалар уйнатты.

Иранда бортында ил Президенты Ибраһим Раиси булган вертолет илнең төньяк-көнбатышында һәлакәткә очраган, дип хәбәр итә РИА Новости җирле матбугат чараларына сылтама белән.

Изге Болгар җыены барышында милли көрәш мәйданчыгында барлыгы 17 илдән спортчылар көч сынашты. Нәтиҗәдә абсолют баш батыр булып Татарстан Республикасы вәкиле, дөнья чемпионы Радик Сәлахов танылды.

Мәктәптә Европа тарихының артык детальләрен киметергә һәм Кытай, Көнчыгыш һәм Африка тарихын һәм мәдәниятен өйрәнүне кертергә кирәк. Бу хакта Россия Фәннәр академиясенең Кытай һәм хәзерге Азия институты (ИКСА) директоры Кирилл Бабаев белдерде. Бу хакта «Российская газета» хәбәр итә.

Санкт-Петербург шәһәренең М.В. Ломоносов исемендәге үзәк район китапханәсендә 22 майда әдәби кичә була, дип хәбәр итә Санкт-Петербург татарлары порталы.

Татарстан предприятиеләре үсеш планнарын Россия Сәнәгать һәм сәүдә министрлыгының беренче урынбасары Василий Осьмаковка һәм тышкы сәүдә өлкәсендә Халыкара кооперация һәм лицензияләү департаменты директоры Роман Чекушовка тәкъдим иттеләр. Бу хакта министрлыкның телеграм-каналында хәбәр ителә.

Педагогика фәннәре кандидаты, Татарстан Республикасының атказанган артисты, дини җырлар иҗат итүче, «Мөнбәр» татар-дини театры җитәкчесе Ильяс Халиков татар халкын, милләтен саклап калуда дини җырлар, мөнәҗәтләрнең хәзерге көндәге роле турында сөйләде.

Татарстан Рәисе Рөстәм Миңнеханов республика журналистларын матбугат көне белән котлады. Хәбәр аның телеграм-каналында басылып чыкты.

Быел Идел буе Болгар дәүләтенең Ислам динен кабул итүенә 1102 ел тулуга багышланган «Изге Болгар җыены» чарасы 20 меңнән артык кунакны җыйды. Бу хакта ТР җитәкчесе матбугат хезмәте хәбәр итә.

Татарстанның дүрт югары уку йорты сигез проектны гамәлгә ашыру өчен 21,5 млн сум акча отты. Мәгариф оешмалары арасында Бөтенроссия яшьләр проектлары конкурсы нәтиҗәләрен «Росмолодежь» оешмасы үткәрде, дип хәбәр итә ТР яшьләр эшләре министрлыгы.

Татарстан мөселманнары Диния нәзарәте рәисе Камил хәзрәт Сәмигуллин Изге Болгар җыены кунакларын сәламләде. «Бу көннәрдә бик күп чаралар үткәрелде. Аларны оештыручылардан, катнашучылардан Раббыбыз разый булсын», – диде.

Митрополит Кирилл бүген Изге Болгар җыенында катнашучыларны татарча сәламләде. «Исәнмесез, хөрмәтле дуслар, хөрмәтле хәзрәтләр», – дип мөрәҗәгать итте ул тантаналы ачылышта.

Россия мөселманнары Диния нәзарәте рәисе, мөфти Равил хәзрәт Гайнетдин Изге Болгар җыенында Россиядәге милләтләр, диннәр арасында дуслыкның кадерен белергә кирәклеге турында сөйләде.

«Рухи моң» иҗат берләшмәсе җитәкчесе, алып баручы Марсель Әхмәдуллин бүгенге көндә Россиядә хакимият дәрәҗәсендәге азан институты булмавын әйтте. Аның әйтүенчә, мәдрәсәләребездә азан дәресләре дә, тиешле методика да каралмаган. Бу фикерен ул «Милли тормыш һәм дин» XIV Бөтенроссия татар дин әһелләре форумы кысаларында «Дин, иман, моң, мәкам. Татар рухи мирасында гыйбадәт һәм халык иҗаты» фикер алышу мәйданчыгында сөйләде.

Россиянең Азия өлеше мөселманнары Диния нәзарәте рәисе Нәфигулла хәзрәт Аширов Болгар җыенының тантаналы ачылышында татарларның бердәмлеге турында әйтте.

Россия мөселманнары Дини мәҗлесе рәисе, Мәскәү шәһәре, Үзәк төбәк һәм Чувашия республикасы мөфтие Әлбир Крганов изге Болгар җирен «төп йорт» белән чагыштырды. Бу хакта ул изге Болгар җыенының тантаналы ачылышында сөйләде