Новости за 20.05.2024

«КАМАЗ-Мастер» командасының иң яшь спортчысы Богдан Кәримов «Арчеда» узышларында җиңү яулады. Ул бөтен этапларда да яхшы күрсәткечләр күрсәтте. Финишка көндәшеннән 9 минутка иртәрәк килде. Бу хакта «Шәһри Чаллы» яза.

Татарстанда контракт буенча хәрби хезмәткәрләр балалары өчен махсус «Батыр» картасы каралган. Ул балалар бакчасы, барлык түгәрәкләр һәм туклану өчен түләүләрне тулысынча каплый.

Татарстанда салкыннар аркасында язгы культуралар булган 5 мең гектардан артык җирне яңадан чәчәргә туры килде. Бу хакта Татарстан Республикасы авыл хуҗалыгы һәм азык-төлек министры Марат Җәббаров Апас бистәсендә авыл халкының эшлекле активлыгын арттыру буенча зона семинар-киңәшмәсендә хәбәр итте.

Дәүләт Думасы депутаты Айдар Метшин һәм Казан мэры Илсур Метшин Түбән Кама районының Шәңгәлче авылында әти-әниләре бакчасында бәрәңге утыртканнар. Айдар Метшин үзенең Telegram-каналында фотосы белән уртаклашты. Фотода аның белән янәшә - Илсур Метшин.

Бүген Татарстанның атказанган матбугат хезмәткәре, 1989 елдан «Казан утлары» журналы редактор-корректоры Лилия Гатауллина вафат булды. Мәрхүмә белән хушлашу иртәгә, 21 майда, 9.00 сәгатьтә Казан шәһәре, «Казан нуры» мәчетендә була.

ТР Дәүләт Советы Рәисе, «Бердәм Россия» партиясенең төбәк бүлеге секретаре Фәрит Мөхәммәтшин җиденче чакырылыш парламент депутатлыгына кандидатлар буенча алдан тавыш бирүдә катнашты. Бу хакта Татарстан Дәүләт Советының матбугат хезмәте хәбәр итә.

Татарстан Рәисе Рөстәм Миңнеханов Тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия утырышын уздырды. Республика җитәкчесенә Алабуга, Чистай, Казанда шундый территорияләрне үстерү, шулай ук Зөя утрау-шәһәрчегендә төзелеш проектларын тәкъдим иттеләр. Бу хакта ТР Рәисенең матбугат хезмәте хәбәр итә.

Авиаһәлакәттә һәлак булган Иран Президенты Ибраһим Рәиси һәм аны озата баручы кешеләрнең фаҗигале үлеме сәбәпле, бүген Иран Ислам Республикасы Генераль консуллыгының Казандагы офисы янында импровизацияләнгән мемориал янында чәчәкләр салу тантанасы булды.

Бу атнада Татарстанга янә салкыннар киләчәк, әмма ял көннәрендә республикада җылыта. Бу хакта ТР Гидрометеоүзәге хәбәр итә.

Татарстан мөфтие Камил хәзрәт Сәмигуллин Иран Ислам Республикасының Казандагы генераль консулы Давуд Миразахани исеменә Президент Сейед Ибраһим Рәиси һәм аны озатып килүче затларның вертолет һәлакәтендә фаҗигале үлемнәре сәбәпле кайгынамә юллады. Бу турыда Нәзарәтнең матбугат хезмәте хәбәр итте.

«Татарстан – Яңа гасыр» телеканалы «Ватан» кинокомпаниясе белән берлектә, Теләче районы Карачтау авылында халык язучысы Мөхәммәт Мәһдиев әсәренә нигезләнеп, «Кеше китә – җыры кала» телесериалын төшерә. Телесериалда Теләче районы Баландыш авылыннан алты айлык Газиз Кәримуллин да катнашкан.

Казанда «Аулак өй – көрәш» төбәкара проектының «Мәктәпкәчә яшьтәге балалар өчен» номинациясендә зона этабы (сайлап алу туры) була. Бу турыда проект җитәкчесе Сәрия Җиһаншина хәбәр итте.

Казанда Иран консуллыгы урнашкан бина янында бу илнең студентлары, шулай ук Татарстанның рәсми затлары вертолет һәлакәтендә һәлак булган Иран Президенты Ибраһим Рәисине һәм бу илнең биш рәсми кешесен искә алдылар.

ТР Дәүләт Советы Рәисе Фәрит Мөхәммәтшин авыл халкын мөгезле эре терлекләрнең баш санын саклап калырга, ә моның өчен дәүләт ярдәме чараларыннан файдаланырга чакырды. Бу хакта парламент башлыгы Апас бистәсендә авыл халкының эшлекле активлыгын арттыру буенча зона семинар-киңәшмәсендә белдерде, дип яза «Татар-информ» хәбәрчесе Надежда Гордеева.

ТР Дәүләт Советы Рәисе Фәрит Мөхәммәтшин татарстанлыларны «Бердәм Россия» партиясенең алдан тавыш бирүендә катнашырга чакырды. Бу хакта парламент башлыгы Апас бистәсендә авыл халкының эшлекле активлыгын арттыру буенча зона семинар-киңәшмәсендә әйтте, дип яза «Татар-информ» хәбәрчесе Надежда Гордеева.

Бүген Татарстанның атказанган матбугат хезмәткәре, 1989 елдан «Казан утлары» журналы редактор-корректоры Лилия Гатауллина вафат булды.

Иртәгә журналистика һәм массмедиа өлкәсендә «Бәллүр каләм» XXVII республика конкурсы лауреатлары билгеле булачак. Җиңүчеләр 14 номинация буенча билгеләнә.

Бүген Татарстанның атказанган матбугат хезмәткәре, 1989 елдан «Казан утлары» журналы редактор-корректоры Лилия Илгизәр кызы Гатауллина вафат булды. Бу хакта «Татар-информ»га «Казан утлары» журналы баш мөхәррире Рөстәм Галиуллин хәбәр итте.

ТР Дәүләт Советы депутаты Эдуард Шәрәфиев өч һәм аннан да күбрәк балалы хәрбиләрне демобилизацияләү вариантларын эшләргә тәкъдим итте. Бу мөрәҗәгатьне парламентарий махсус хәрби операция мәсьәләләре буенча эшче төркем җитәкчесе Андрей Турчакка җибәрде.

2023 ел йомгаклары буенча Татарстан Республикасы Россия төбәкләре арасында уңышлы гомер озынлыгы буенча сигезенче урынны яулады. Федерация субъектлары рейтингын РФ Хөкүмәте каршындагы Финанс университеты тикшеренүчеләре төзегән.

Татарстанда гражданнарның урманнарга баруына һәм транспорт чаралары белән керүенә 21 көнлек чикләү кертелде. Татарстан Республикасы Министрлар Кабинетының карары хокукый мәгълүмат рәсми порталында чыкты.

ТР Рәисе Рөстәм Миңнеханов төрекмән халкының милли лидеры Гурбангулы Бердымөхәмәдов белән телефон аша сөйләште. Сөйләшү Төрекмәнстан ягы инициативасы белән узды, дип хәбәр итә республика җитәкчесе матбугат сәркатибе Лилия Галимова.

Бүген Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина институт студентлары белән бергә Казанның Яңа татар бистәсе зиратындагы Советлар Союзы Герое Мәгубә Сыртланова, фронтовик-язучы Нәби Дәүли, шагыйрь, дин әһеле Миргазиз Укмасый (быел Миргазиз Укмасый тууына 140 ел) һәм телевидениядә озак еллар режиссер булып эшләгән Илүзә Апанаеваның каберләрен чистартты.

Җәйге сәламәтләндерү сезоны дәвамында Казанның тугыз лагерендә 15 меңнән артык бала ял итәчәк. Бу хакта эшлекле дүшәмбедә шәһәр Башкарма комитетының Балалар һәм яшьләр эшләре комитеты рәисе Алия Заһидуллина хәбәр итте.

Татарстан Дәүләт Советы рәисе Фәрит Мөхәммәтшин бүген Апаста Зәйнуллина Л. Ф. шәхси эшмәкәрлеге теплица хуҗалыгында булды. Хуҗалык яшелчәләр һәм ябык туфракта берьеллык чәчәкләр үстерү белән шөгыльләнә.