Новости за 24.05.2024

Әлмәттә Бигәш урамындагы спорт-кинология комплексы өчен мәйданчык әзерли башладылар. Хәзер монда коммуникацияләр үткәрәләр, дип язылган Әлмәт муниципаль районының Телеграм-каналында.

Бакчачылар эт эчәгесе яки кычыткан ефәге (вьюнок) яисә өч төсле була торган ипомея дип аталган чәчәк үстерсә, җаваплылыкка тартылырга мөмкин. Әлеге үләннең орлыкларында тыелган эргин матдәсе бар. Күптән түгел бачачыларның популяр булган бу үсемлекне үстергән өчен җинаять җаваплылыгы кертелде, дип сөйләде «Прайм» агентлыгына биргән интервьюсында адвокат Елена Кудерко. Бу хакта РИА Новости хәбәр итә.

Бүген, 24 майда, Уфаның Совет мәйданында «Китап - бәйрәм» икенче халыкара китап ярминкәсе ачылды. Бу вакыйга бөтен Россия һәм якын чит ил китап нәшриятлары, язучылары һәм укучылары өчен җәлеп итү ноктасына әйләнде, дип хәбәр итә «Башинформ».

Махсус хәрби операция геройлары хөрмәтенә яңа мурал Казан йортларының бер диварында ясалачак. Бүген «Безнең заман геройлары» республика премиясе кысаларында Татарстан Республикасының «Бердәм Россия» җәмәгатьчелек ярдәме штабында патриотик граффити эскизлары тәкъдим ителде.

Казанның Пушкин урамындагы банкет залында Татарстан Журналистлар берлегенең 105 еллыгына багышланган юбилей кичәсе булды. Бирегә берлек әгъзалары, журналист-ветераннар килгән иде. Аларны Татарстан Журналистлар берлеге рәисе, «Татарстан – Яңа гасыр» телерадиокомпаниясе генераль директоры Илшат Әминов тәбрикләде.

Коронавирус пандемиясе фонында 2019 елдан 2021 елга кадәр дөньяда гомер озынлыгы 1,8 елга - 71,4 яшькә кадәр кимегән, бу 2012 ел дәрәҗәсенә туры килә. Бу Бөтендөнья сәламәтлек саклау оешмасының Бөтендөнья сәламәтлек саклау статистикасына багышланган докладыннан күренә, дип хәбәр итә «Российская газета».

Татарстан Рәисе Рөстәм Миңнеханов бүген Казанга «Россиянең әдәби флагманы» форумында катнашу өчен килгән Россия китап берлеге президенты Сергей Степашин белән очрашты. Бу хакта республика җитәкчесе матбугат хезмәте хәбәр итә.

Быел беренче тапкыр Татарстанда мәдәни үсеш үзәкләрендә һәм яшьләр үзәгендә көндезге лагерьлар оештырыла. Бу хакта Татарстан Республикасы Яшьләр эшләре министры урынбасары Денис Лулаков республика Дәүләт Советының Социаль сәясәт комитеты утырышында хәбәр итте.

Татарстан икътисадында кече һәм урта эшкуарлык өлеше 24 проценттан артык тәшкил итә. Татарстан Рәисе Рөстәм Миңнеханов эшкуарлар белән очрашуны шундый сүзләр белән башлады. Ул республикада 178 мең эшкуар теркәлгәнлеген, ә бу өлкәдә эшләүчеләр саны 875 мең кеше, ягъни республика икътисадында эшләүчеләрнең гомуми санының 42 процентын тәшкил итүен искәртте.

Ике язучыга – Вахит Имамовка һәм Камил Кәримовка «Татарстанның Халык язучысы» исеме бирелгән.

Бүген Лаеш районы Усады авылының «Бәхетле» торак комплексы йортларының берсендә лифт җимерелеп төшкән. Әлеге видеоязма җирле телеграм-каналларда чыкты.

Бүген Мәскәүдә Федерация Советы каршындагы Милләтара мөнәсәбәтләр һәм дини берләшмәләр белән хезмәттәшлек буенча совет утырышы узды, аны аның Рәисе — СФ спикеры урынбасары Константин Косачев үткәрде. Видеоэлемтә аша совет эшендә аның башлыгы урынбасары - ТР Дәүләт Советы Рәисе Фәрит Мөхәммәтшин катнашты, дип хәбәр итә республика парламентының матбугат хезмәте.

Салкыннан татарстанлылар узган атнада ОРВИ һәм грипп белән ешрак авырый башлаган иде. Бу хакта «Татар-информ»да узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.

«Форумның яңалыгы шунда – быел музыкаль театр буенча аерым дәресләр алып барылачак. Чөнки Музыкаль театр турында күптән сүзләр йөри: буламы ул, кирәкме ул. Без уйладык-уйладык та, бу темага алынып тәҗрибәле педагогларны чакырдык», – диде «Нәүрүз» форумына багышланган матбугат конференциясендә Камал театрының баш режиссеры Фәрит Бикчәнтәев.

Бүген Татарстан Республикасы Рәисе Рөстәм Миңнеханов Россия эшкуарлыгы көненә багышланган кече һәм урта бизнес буенча Дәүләт Думасы комитетының күчмә утырышы кысаларында эшкуарлар җәмәгатьчелеге белән очрашу алдыннан Татарстан җитештерүчеләре күргәзмәсен карады.

«Нәүрүз» форумы кысаларында Төркия дәүләт театрында Фәрит Бикчәнтәев куйган «Гонзагоның үтерелүе» спектакле күрсәтеләчәк.

Казанда театраль белем бирүче «Нәүрүз» форумы 27 майдан старт ала. Камал театры инициативасы белән оештырылган чарада 1 атна дәвамында 12 секциядә белем биреләчәк.

Санкт-Петербургта «Сабантуй - 2024» бәйрәмен уздыруга әзерлек буенча киңәшмә узды. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге матбугат хезмәте хәбәр итә.

Татарстан Республикасының Россия Федерациясендәге Тулы вәкаләтле вәкиллегендә медиатармакта Татарстан белән Кытай арасында хезмәттәшлекне киңәйтү мөмкинлекләре турында фикер алыштылар. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Казанда Татарстанда Төркия мәдәнияте көннәре узачак. Кунакларны бай программа – театр тамашалары, гастрономия чаралары һәм кино күрсәтүләр көтә. Бу хакта «Татар-информ»да узган матбугат конференциясендә Төркия Республикасының Казандагы Генераль консулы Угур Йылмаз сөйләде.

Татарстанда торак-коммуналь комплекс оешмаларының электр энергиясе өчен түләнмәгән бурычы бер ел эчендә 22 миллион сумга кимегән. 2024 елның 1 маена аларның бурычы 37 миллион сумны тәшкил иткән. Бу хакта Татарстан Республикасы Министрлар Кабинетының 2023/2024 елгы җылыту чоры йомгакларына багышланган утырышында Премьер-министр Алексей Песошин әйтте.

2023 елның сентябреннән 2024 елның маена кадәр Татарстан Дәүләт торак инспекциясе сыйфатсыз хезмәт күрсәтү турында 14 748 шикаять кабул иткән. Мөрәҗәгатьләрнең яртысыннан артыгы күп фатирлы йортларда гомумйорт мөлкәтен карауга кагылган. Идарәче компанияләрнең эше һәм торак коммуналь хезмәтләр өчен түләү бәясен исәпләүгә карата шикаятьләр саны арткан. Бу хакта Татарстан Республикасы Министрлар Кабинетының 2023/2024 елгы җылыту чоры йомгакларына багышланган утырышында Премьер-министр Алексей Песошин әйтте. Читать дальше...

Россия театр әһелләре берлегенең Татарстан бүлеге, кулга алынып, суд тарафыннан чикләү чараларына дучар ителгән Буа драма театры директоры Раил Садриевны яклап, Тикшерү комитетының Татарстан буенча Тикшерү идарәсе җитәкчесе Валерий Липскийга ачык хат язган.

Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Киров шәһәренә килде. Аны биредә Киров өлкәсе Хөкүмәте Рәисе урынбасары Алексей Жердев һәм Россия Үзәк Диния нәзарәте составындагы Киров өлкәсе мөселманнарының төбәк дини идарәсе (Вятка мөфтияте) рәисе, мөфти Зөфәр Галиуллин каршы алды. Бу хакта Бөтендөнья татар конгрессы матбугат хезмәте хәбәр итә.

КФУ журналистика факультетының Түбән Кама студентлары «Татмедиа» агентлыгында булды. Мондый уникаль мөмкинлекне студентларга Түбән Кама якташлыгы җитәкчелеге бүләк иткән. Аның Рәисе, «Казэнерго» генераль директоры Фәнис Нурмөхәммәтов һәм «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев түгәрәк өстәл артында яшьләр белән сөйләште.