Новости за 01.05.2019

Хенал а хьалха Казахстанан президентан харжамаш дIабахьарна дуьхьал протесте бевлла Нур-Султанехь а, Алма-Атахь а. Оппозицин маршан иттанашкахь декъахой дIалецна полицино коьртачу шахьарехь, дуьйцу "Азаттык" радиос. Ницкъахошца протестхойн дийцарш хиллачул а тIаьхьа полисхоша иттех Нур-Султанехь лаьцна стаг дIахецна. Полицин  автобусашкахь иттех протестхо вуьссу дIахецаза. Лецнарш берриш а маьрша баххалц шаьш дIасадевр дац аьлла гулбеллачара. Шайгара чхьонкарш йиттина полисхоша цхьаболчу Нур-Султанехь лецначарна. Читать дальше...

Басаевн тIемало, Умаровн дIахьедар, Порошенкон Путинна дуьхьалвалар.

Нохчийчоьнан цIарах пачхьалкхан Думан депутато Делимханов Адама дахначу шарахь 114 эзар соьмана алсам пайда бина 2017-чу шарца дуьстича. 2018-чу шарахь 4 миллион 769 эзар сом хилла, ткъа 2017-чохь 4 миллион 655 эзар сом дара. Кхидерг  декларацица догIуш ду. 1446 гектар латта а, 250 еакIов метар майдан тIехь цIа а ду цуьнан. Долахь машен яц. 49 шо долчу Делимхановн ши бер тIекхетта. 2017-чу шарахь ши бер-кхиазхо ду шен аьлла, билгалдаьккхинера цо, ткъа 2018-чу документ тIехь 4 бер ду яздина. Официалехь... Читать дальше...

Филиппович Екатерина Политика бахьанехь набахти текхна ваьллачу нохчийн журналиста дуьйцу Iазапах, дешан маршонах, боцу бехк тIекхолларх лаьцна "Кавказский Узел" газетан цIарх Нохчийчохь болхбечу юкъанна набахте хьажийна хилла Гериев Жалавди оршоьтадийнахь ваьлла шена махкарчу кхелаша дина таIзар текхна.  Наркотикаш лелорна бехке а вина, кхо шо даьккхина цомехкан  Чернокозоворчу набахтехь. Кхо шо хьалха, Соьлжа-ГIаларчу аэропорте воьдуш лаьцна, вадийра иза герзхоша. ТIаьхьо даржийра, цуьнгарчу тIоьрмиг чохь кIомал карийна аьлла. Читать дальше...

Оьрсийчоьхь, Нохчийчохь, массех Кавказерчу мехкашкахь "Халкъан Артист" цIе лелийна кинон, театран актер Омаев Дагунах кадамеш бо кху деношкахь. "Маршо Радионо" дагалоцу нохчийн къоман тоьллачу къонахех волчу Дагуна йитина лар.

Оьрсийчуьра ведда, Лондонехь ваьхначу, цигахь полоний-дIаьвшаца вийначу ФСБ-н офицеран Литвиненко Александран кхолламах лаьцна опера кечъеш ю Суррей-махкан шахьарара Гилфорд гIалара Grande Opera Park. 2020-чу шарахь хIоттонйолчу оперина мукъамаш кхоьллина Болтон Энтонис. Гайтаман продюссеро бечу хаамца, Болтона уьш кечбина Оьрсийчоьнан эскаран тIеман маршан а, оьрсийн футболан а, Нохчийчоьнан а гимнаш тIехь. Оьрсийчуьра стенна ведира къайлахчу сервисан эпсар Литвиненко, хIун дара иза вен кхачийнарг гойтуш... Читать дальше...

Украинан куьйгалхочо Порошенко Петрос хаамбина, президентан харжамашкахь толам баьккхинчу Зеленский Владимирца цхьанакхета барт хилла шен аьлла. Шинаридийнахь телефонехула декъалвира ша Зеленский толам баккхарца, ишта барт хилла шаьшиннан вовшах а кхетта, Оьрсийчоьнца лелор йолчу политикех лаьцна дийцарш дIадахьа аьлла, яздина Порошенкос Фейсбукерчу шен пена тIехь. "Харжамашкахь лелийна къийсарш тIаьхьадитина оха. Украинан Iедалан куьйгалла дIалучу демократин процессехь пайдаэца оха цхьа а шанс йита ца еза Путинна. Читать дальше...

Украинан ГIирманна аннекси яр шаьш емалдо аьлла, 2014-чу шарахь кехатца тоьшалла ца дина Оьрсийчоьнан бахархой шен отел чу бита дуьхьал хиллачу Острава гIаларчу хьешан цIийнан долахочо Крчмарж Томаша дискриминаци лелийна яц аьлла, хьесап дина Чехин Констутицин кхело. Отелан фирмана тIедожийна гIуда а духадаьккхина ишта кхелахоша. ТIейогIучу хенахь Чехин Лаккхарчу административан кхело юха а луьстур долуш ду Крчмаржан гIуллакх. Клиенташка шен болу цабезам а гойтуш, уьш сийсазбеш, церан гIуллакхе ца хьожуш хьешан хIусаман долахо леллехь... Читать дальше...

1999-чу шарахь Новолакскан кIоштахь эскархошна тIелатар дина аьлла Нохчийчоьнан вахархочуьнга Муласанов Резване кховдийна бехк тIечIагIбина Дагестанан Лакхарчу кхело аьлла, хаамбина Оьрсийчоьнан Инарла прокуратурано. Набахтехь даккха 13 шо хан тоьхна цунна. Талламчийн версица, Басаев Шемала а, Хаттаба а куьйгалла дечу тобан декъехь волчу Муласановс 1999-чу шеран Гезгамашин-баттахь герзашца тIелатар дина хилла Новолакскан территори тIехь лаьттачу федералан эскаршна. Оцу хиллачу тасадаларшкахь вийра цхьа эскархо, чевнаш йира кхаанна. Читать дальше...

Нохчийн оппозицин блогеро Абдурахманов Тумсос дIахьедина, Нохчийчохь бехачу шен гергарчара шайх дIахерварна, шен дахарна кхерам бу аьлла. Мехкан телевизионехь йоьдучу эфирехь цуьнан гергарчара блогер шайн долара дIа а воккхуш, иза цхьаммо вехь а, шаьш чIир кхайкхор яц аьлла, дIахьедира. Нохчийчоьнан зорбан министро Умаров Джамбулата "Говорит Москва" радиостанцина еллачу интервьюхь дIахьедина, Тумсо кхера оьшуш хIуммаъ дац аьлла. "Суна ца лаьара, цхьа миска винчу, цхьа супер-мега оппозиционер хетачу... Читать дальше...

Шинаридийнахь кхелхина нохчийн гоьваьлла кинон а, театран а артист Омаев Дагун. Нохчийн пачхьалкхан Нурадиловн цIарахчу театран пресс-гIуллакххоша дийцарехь, еххачу заманчохь лазар токхуш хилла иза. "77-чу шаре ваьлла артист Омаев Дагун велла. Шен дахаран 58 шо театрна дIаделла, иттанашкахь кинош чохь дакъалаьцначу Омаевс къегина лар йитина Нурадиловн цIарахчу театрехь а, оьрсийн кинохь а. Йоллу Нохчийчоьнна а, Оьрсийчоьнна а боккха эшам бу цуьнан кхалхар",- аьлла ду театро бинчу хаамехь. Гоьвалла нохчийн театран... Читать дальше...

Украинан керла хаьржинчу президенто Зеленский Владимира "112 Украина" телеканалехь интервью луш дийцина, Нохчийчоьнан куьйгалхочуьнга Кадыров Рамзане ша гечдар дехарх. Цо бахарехь, шен забарш бахьанехь, йа шен леларца доьзна бехк цабиллар ца дехна цо, воьлхучу Кадыровн кадрех шен программехь пайдаэцарна къинтIера ваьккхина ша аьлла цо. Бусулбачийн дог-ойла аьшнаш яр ду иза аьлла, дийцира шена боху Зеленскийс. "Цхьа видеоролик яра тхан "ЧистоNews" программехь. Суна и юй а ца хаьара, редакторийн кхи тоба яра иза кечйинарг. Читать дальше...